veen doghatli hi tutena navin twist swanandi samar : झी मराठीवरील लोकप्रिय मालिका ‘वीण दोघांतली ही तुटेना’ सध्या प्रेक्षकांच्या मनात खास स्थान निर्माण करत आहे. समर आणि स्वानंदी या दोघांची अनोखी जोडी, त्यांच्यातील प्रेम, वाद, भांडणं आणि कौटुंबिक नात्यांबद्दल असलेली त्यांची जिव्हाळ्याची भावना या मालिकेच्या लोकप्रियतेमागचं मोठं कारण ठरत आहे.
अलीकडेच या मालिकेचा नवा प्रोमो प्रदर्शित झाला असून त्याने चाहत्यांमध्ये उत्सुकता वाढवली आहे. या प्रोमोमध्ये समरच्या काकू आणि स्वानंदीमध्ये झालेला संवाद दाखवला आहे. काकू स्वानंदीला पैसे देताना दिसते आणि तिला लग्न मोडण्यासाठी प्रवृत्त करताना म्हणते, “समरला हे लग्न नकोय, तू काहीतरी कर. आम्ही तुला नेहमीच असे पैसे देत राहू.”
या प्रसंगानंतर मालिकेत समर आणि स्वानंदीमध्ये गैरसमजांची ठिणगी पडताना दिसते. स्वानंदी समरशी फोनवर बोलताना त्याला सरळ विचारते, “आम्ही विकाऊ आहोत असं तुम्हाला वाटतं का?” यावर समर शांतपणे उत्तर देतो, “हे तुम्ही मला सांगताय का?” पण स्वानंदीचा सूर ठाम असतो – “मग कोणाला सांगू? तुमचीच काकू आम्हाला पैसे देऊ करत होती.”
त्यानंतर समर तिच्या बोलण्याला उलट प्रश्न विचारतो, ज्यामुळे परिस्थिती आणखी गंभीर होते. प्रोमोमध्ये स्वानंदीच्या चेहऱ्यावर चिंता स्पष्टपणे दिसते आणि समर ठामपणे आपल्या बाजूवर ठाम राहतो.
या ट्विस्टबद्दल झी मराठीनं अधिकृत कॅप्शनमध्ये स्पष्ट केले आहे की, “काकू समर आणि स्वानंदीमध्ये गैरसमज निर्माण करणार आहे.”
हे पण वाचा.. अपूर्वा नेमळेकर पुन्हा संसार थाटण्यास उत्सुक; म्हणाली, “योग्य जोडीदार मिळाल्यास दुसरी संधी घ्यायलाच आवडेल”
प्रोमो पाहिल्यानंतर सोशल मीडियावर प्रेक्षकांच्या प्रतिक्रिया मोठ्या प्रमाणावर उमटल्या आहेत. एका चाहत्याने लिहिले, “आता पुन्हा गैरसमज नकोत,” तर दुसऱ्याने म्हटलं, “खूपदा आधीच वाद झाले, आता एकत्र या.” मात्र काही नेटकऱ्यांना वाटतं की, या गैरसमजामुळे उलट समर आणि स्वानंदी एकमेकांच्या अधिक जवळ येतील. एका प्रेक्षकाने तर थेट लिहिले, “काकूची योजना तिच्यावरच उलटेल.”
आता मालिकेत या गैरसमजाचं पुढे काय होतं, समर आणि स्वानंदीचं नातं तुटतं की अधिक घट्ट होतं, हे पाहणं खूपच मनोरंजक ठरणार आहे. निश्चितच, ‘वीण दोघांतली ही तुटेना’ प्रेक्षकांसाठी आगामी भागांमध्ये नवे रंग आणि कलाटणी घेऊन येणार आहे.
हे पण वाचा.. अर्जुन सायलीने रंगेहात पकडली प्रियाची चोरी, गाठोड्यामुळे उघड होणार सायलीचा भूतकाळ Tharala Tar Mag 30 September
