veen doghatli hi tutena goa wedding haldi twist promo : झी मराठीवरील लोकप्रिय मालिका ‘वीण दोघांतली ही तुटेना’ आता प्रेक्षकांना भन्नाट डेस्टिनेशन वेडिंगच्या सफरीवर घेऊन जाणार आहे. शोमधील दोन जोड्या — समर-स्वानंदी आणि रोहन-अधिरा — अखेर लग्नबंधनात अडकत आहेत. गोव्यातील निसर्गरम्य पार्श्वभूमीवर हा शाही विवाहसोहळा साकारत असून, त्याची झलक नुकत्याच आलेल्या प्रोमोमध्ये पाहायला मिळाली आहे.
या लग्नासाठी दोन्ही कुटुंबांत काही दिवसांपासून उत्साहाचे वातावरण आहे. हल्लीच सुरू झालेल्या प्री-वेडिंग सेलिब्रेशन्समध्ये सर्वत्र हसरा माहोल दिसत आहे. स्वानंदीचे कुटुंब, आजीचे आनंदी चेहरे, समरचे दोस्त-मैत्रिणींनी केलेले स्वागत… सर्व काही अगदी स्वप्नवत वाटतंय. विशेष म्हणजे रंग, नाच-गाणे, पारंपरिक रितीभाती आणि आधुनिक गोवामधील थाट यामुळे प्रेक्षकांना एक मनोरंजक अनुभव मिळतोय.
प्रोमोचा मुख्य ट्विस्ट मात्र हळदीसोहळ्यात दिसतो. सुरुवातीला समर-स्वानंदी आणि रोहन-अधिराचे भव्य स्वागत, त्यानंतर हळदीचा जल्लोष, डान्स-मस्ती — सगळं परफेक्ट चालू असतानाच स्वानंदीची लहान बहीण सुश्मिता नशेत चक्क कार्यक्रमात धडधडत पोहोचते. ती काहीच ऐकायला तयार नसल्याचे दाखवले असून, तिच्या वागण्यामुळे समर-स्वानंदी तिला सावरण्यासाठी मागे धावतात आणि या धावपळीत दोघं पाण्यात पडतात. या घटनेमुळे हसी-मजेत असलेला माहोल क्षणभर तणावपूर्ण बनतो.
हा प्रोमो पाहताच प्रेक्षकांनी कमेंट्सचा वर्षाव केला. “समर-स्वानंदी शेवटी एकत्र!” अशा भावनिक प्रतिक्रिया, तर काहींनी मजेशीर टोलाही लावला. एका प्रेक्षकाने लिहिलं, “पिंट्या दादाने अजून हसायला हवं”, तर दुसऱ्याने म्हणलं, “नंदू ताई-पिंट्या दादाचं लग्न पाहायला मजा येणार”. अनेकांनी हार्ट इमोजी देत प्रोमोची प्रशंसा केली.
हे पण वाचा.. मी संपणाऱ्यातील नाहीये…” देवमाणूस मालिकेत नवा ट्विस्ट! माधुरीचा खून कोणी केला हे समजताच..
आता या नाट्यमय हळदीसोहळ्यानंतर पुढे काय घडणार? सुश्मितामुळे लग्नात अजून कोणते ट्विस्ट? आणि समर-स्वानंदीचा डेस्टिनेशन वेडिंग प्लॅन सुरळीत पार पडणार का? हे जाणून घेण्यासाठी वीण दोघांतली ही तुटेनाचे पुढील भाग रसिक उत्कंठेने पाहत आहेत.
हे पण वाचा.. सिद्धार्थची आठवण आजही जिवंत? शहनाज गिल म्हणाली – “लग्न हा वैयक्तिक निर्णय, जबरदस्ती नको!”
veen doghatli hi tutena goa wedding haldi twist promo
