veen doghantli hi tutena hiryacha har satya ughad : झी मराठीवरील लोकप्रिय मालिका Veen Doghantli Hi Tutena सध्या एका रोमांचक वळणावर येऊन पोहोचली आहे. प्रेक्षकांना खिळवून ठेवणाऱ्या या मालिकेच्या नव्या प्रोमोमध्ये एक मोठं रहस्य उलगडताना दिसत आहे. अनेक दिवसांपासून चर्चेत असलेल्या हिऱ्याच्या हाराच्या चोरीमागचं सत्य अखेर समोर येणार आहे.
कथेप्रमाणे, स्वानंदीला त्या चोरीचा महत्त्वाचा व्हिडिओ पुरावा मिळतो. हा पुरावा हातात आल्यानंतर ती थेट घरातील सर्वांना एकत्र बोलावते. वातावरण आधीच तणावपूर्ण असताना स्वानंदी सगळ्यांसमोर नीलिमाला थेट प्रश्न विचारते की, “तुम्हीच तो हार दागिन्यांच्या डब्यातून काढून निकिता ताईंच्या पर्समध्ये ठेवला ना?” एवढंच नाही, तर ती त्या आरोपासोबत व्हिडिओ पुरावाही दाखवते.
हा व्हिडिओ पाहताच घरातील सगळ्यांच्याच चेहऱ्यावरील भाव बदलतात. विशेषतः हा व्हिडिओ पाहताच मलिका, अंशुमान आणि अर्पिता यांची घाबरगुंडी उडते कारण तेच या कटाचे सूत्रधार असतात. त्यांच्या चेहऱ्यावरचा रंग उडतो आणि ते स्पष्टपणे अस्वस्थ झाल्याचं दिसतं. यामुळे मालिकेतला थरार आणखी वाढला आहे.
दरम्यान, या सगळ्या घटनांमुळे समरच्या मनातही मोठा बदल घडताना दिसतो. हिऱ्याच्या हाराच्या चोरीसाठी आनंदला दोषी ठरवण्यात आलं होतं, पण आता समरला आपल्या चुकीची जाणीव होते. आनंद निर्दोष असल्याचं त्याला उमगल्यावर तो त्याची माफी मागण्याचा निर्णय घेतो.
याच भावनेतून समर मुसळधार पावसात सायकलवरून आनंदच्या घरी जातो. पावसात भिजत तो आनंदला खाली येण्यासाठी हाक मारतो आणि अत्यंत भावनिक स्वरात त्याच्यासमोर आपली चूक मान्य करतो. “माझ्याकडून खूप मोठी चूक झाली आहे, पण ती सुधारण्यासाठी आलो आहे. कृपया मला माफ कर,” असं म्हणत तो हात जोडून माफी मागताना दिसतो.
हे पण वाचा.. अमित भानुशालीची फिल्मी लव्हस्टोरी; होणाऱ्या सासऱ्यांशी मैत्री करून मिळवला लग्नाचा होकार
veen doghantli hi tutena hiryacha har satya ughad
Veen Doghantli Hi Tutena या मालिकेतील हा प्रसंग प्रेक्षकांसाठी अत्यंत भावनिक आणि महत्त्वाचा ठरणार आहे. एका चुकीमुळे तुटलेली नाती पुन्हा जुळतील का, आणि समोर आलेलं सत्य मैत्रीतील दुरावा संपवेल का, याची उत्सुकता आता शिगेला पोहोचली आहे.
हे पण वाचा.. Bigg Boss Marathi 6 मधून आणखी एक धक्कादायक Exit; संस्कृती जाणार घराबाहेर?
मालिकेच्या या नव्या वळणामुळे प्रेक्षकांची उत्सुकता आणखी वाढली असून पुढे काय होणार याकडे सगळ्यांचे लक्ष लागून राहिले आहे.
