varsha usgaonkar lakshmikant berde ashok saraf story : मराठी चित्रपटसृष्टीच्या सुवर्णकाळातील ‘वंडर गर्ल’ म्हणून ओळखली जाणारी अभिनेत्री वर्षा उसगावकर (varsha usgaonkar) आजही प्रेक्षकांच्या मनात तितक्याच ताज्या आहेत. त्यांच्या सौंदर्याबरोबरच अभिनयाची जादू आणि दमदार भूमिका यामुळे त्या मराठी इंडस्ट्रीची शान होउत्या. हिंदी चित्रपटांमध्ये ऋषी कपूर, नाना पाटेकर यांसारख्या दिग्गजांसोबत काम केलेल्या वर्षा उसगावकर यांनी मराठीत मात्र अशी छाप पाडली की आजही त्यांचे चित्रपट पाहिले जातात. ‘अफलातून’, ‘शेजारी शेजारी’, ‘भुताचा भाऊ’, ‘जमलं हो जमलं’, ‘मुंबई ते मॉरिशस’, ‘पटली रे पटली’ असे अनेक सुपरहिट चित्रपट त्यांच्या नावावर आहेत. पण या यशाचे खरे श्रेय कोणाला? वर्षा उसगावकर यांनी नुकत्याच एका मुलाखतीत हा रहस्य उलगडले – ते आहे स्वर्गीय लक्ष्मीकांत बेर्डे!
वर्षा उसगावकर यांनी सांगितले की, त्यांच्या करिअरमधील अनेक चित्रपटांचे श्रेय त्या लक्ष्मीकांत बेर्डे यांना देतात. “मला वाटते, मी आणखी २०-२५ किंवा कदाचित ४० चित्रपट केले असते, पण लक्ष्या (लक्ष्मीकांत बेर्डे) मला नेहमी सांगायचा, ‘लक्ष्मीला कधी नाही म्हणू नकोस!’ आणि अशोक सराफ त्याला हटकायचे, ‘ए वाण्या, तू गप्प बस!’ त्याला वाणी म्हणायचे कारण तो सतत उपदेश देत बसायचा,” असे वर्षा उसगावकर हसत हसत सांगतात. हा ‘वाण्या‘ हा शब्द ऐकताच प्रेक्षकांच्या डोळ्यांसमोर लक्ष्मीकांत बेर्डे यांचा तो हसरा चेहरा येतो.
वर्षा उसगावकर पुढे म्हणाल्या, “अशोक मामा मला सांगायचे, ‘ही भूमिका घेऊ नको, ती फारशी चांगली नाही.’ पण लक्ष्या म्हणायचा, ‘नाही, तू कर. सगळे चित्रपट चांगले असतात असं नाही. कधी क्वालिटी नसते, पण आपण या इंडस्ट्रीत आहोत ना? तुला ऑफर येतायत, तू खूप भाग्यवान आहेस. नाही म्हणू नकोस!’ आणि खरंच, मी जे अर्धे चित्रपट केले, त्याचे श्रेय मी लक्ष्यालाच देईन. कसलेही निकष न लावता त्याने मला प्रोत्साहन दिले.” हा किस्सा ऐकताना वर्षा उसगावकर यांच्या डोळ्यात एक वेगळीच चमक दिसते – ती आहे लक्ष्मीकांत बेर्डे यांच्याबद्दलच्या कृतज्ञतेची.
मराठी चित्रपटसृष्टीत अशोक सराफ आणि लक्ष्मीकांत बेर्डे ही जोडी तर प्रेक्षकांची लाडकी होती. त्यांच्यातील मैत्री, चिडवणे, हसणे-खिदळणे हे सगळे पडद्यावर जसं दिसायचे तसं ऑफ स्क्रीनही होतं. वर्षा उसगावकर या जोडीसोबत अनेक चित्रपटांत दिसल्या आणि त्यांच्यातील हे बोलणे, हे प्रोत्साहन यामुळे त्यांचा आत्मविश्वास वाढला. लक्ष्मीकांत बेर्डे यांचा हा सकारात्मक दृष्टिकोन आणि अशोक सराफांचा सावध सल्ला – दोघांचाही वर्षा उसगावकर यांच्या करिअरला फायदा झाला.
आजही वर्षा उसगावकर सक्रिय आहेत. नुकताच त्या कलर्स मराठीवरील ‘अशोक मा. मा’ या मालिकेत दिसल्या. त्यांच्या अभिनयाची तीच जादू आजही कायम आहे. पण जेव्हा त्या लक्ष्मीकांत बेर्डे आणि अशोक सराफ यांच्या आठवणी काढतात, तेव्हा प्रेक्षकांना जुन्या मराठी चित्रपटांची आठवण येते. “लक्ष्या म्हणायचा, ‘तू कर, तुझ्याकडे ऑफर येतायत, तू भाग्यवान आहेस!’ आणि मी करत गेले,” असे वर्षा उसगावकर म्हणतात. हा किस्सा ऐकून प्रेक्षक म्हणतात, “खरंच, लक्ष्या आणि मामा यांच्यासारखे कलाकार पुन्हा होणार नाहीत!”
हे पण वाचा.. अनुष्का पिंपुटकर मेहंदी सोहळा: मेघन जाधवसोबत लग्नाची तयारी, व्हिडिओ वायरल
वर्षा उसगावकर यांच्या या मुलाखतीने पुन्हा एकदा मराठी चित्रपटसृष्टीच्या सुवर्णकाळाची आठवण करून दिली. लक्ष्मीकांत बेर्डे यांचे हे प्रोत्साहन आणि अशोक सराफांचा ‘वाण्या’ हा टोमणा – हे सगळे आजही हसवते आणि प्रेरणा देते. वर्षा उसगावकर यांच्यासारख्या अभिनेत्रीने हे किस्से सांगितल्याने नव्या पिढीला मराठी सिनेमाच्या त्या जमान्याची झलक मिळते.
हे पण वाचा.. क्रांती रेडकर दीपा परब ‘शर्ट’ कथेत एकत्र! बाईपण जिंदाबादमध्ये भावनिक प्रवास
