मराठी टीव्ही प्रेक्षकांना आपल्या सहजसुंदर अभिनयाने आणि खास स्क्रीन प्रेझेन्सने मोहवणारी अभिनेत्री वल्लरी विराज (Vallari Viraj) ही गेल्या काही वर्षांत लखलखत्या नावांपैकी एक ठरली आहे. ‘नवरी मिळे हिटलरला’ या मालिकेत साकारलेल्या ‘लीला’ या भूमिकेमुळे ती प्रत्येक घराघरात पोहोचली. तिच्या अभिनयासोबतच तिच्या नृत्यकौशल्यालाही प्रचंड प्रतिसाद मिळाला असून, सोशल मीडियावर तिच्या डान्स व्हिडिओंना मोठी पसंती मिळते.
अलीकडेच ‘श्रावण क्वीन’ सोहळ्याला हजेरी लावलेल्या Vallari Viraj ने महाराष्ट्र टाइम्सशी संवाद साधताना आपल्या कारकिर्दीबाबत आणि वैयक्तिक विचारांबाबत काही खास गोष्टी सांगितल्या.
करिअरच्या टप्प्यांबद्दल बोलताना Vallari Viraj ने स्पष्टपणे सांगितले की, ‘श्रावण क्वीन’ ही स्पर्धा तिच्या आयुष्यातील टर्निंग पॉईंट ठरली. यानंतर मिळालेल्या संधींनी तिचा आत्मविश्वास वाढवला आणि अभिनयाच्या क्षेत्रात स्थिरपणे पुढे जाण्याची प्रेरणा दिली. करिअरमधील अविस्मरणीय क्षण सांगताना ती आठवणीत रमली. Vallari Viraj म्हणाली, “माझ्या मालिकेचा पहिला प्रोमो टीव्हीवर लागला होता, तेव्हा मी एका चित्रपटाच्या म्युझिक लॉन्चकडे जात होते. सलग शूटिंगमुळे मी थकले होते, पण तो प्रोमो पाहताच डोळ्यांतून आनंदाश्रू आले. तो क्षण माझ्यासाठी शब्दातीत आहे.”
फक्त अभिनयच नाही, तर जीवनात सकारात्मक राहण्याबाबतही वल्लरीची स्वतःची एक साधी पण प्रभावी पद्धत आहे. Vallari Viraj सांगते, “मी जास्त चिंता करत नाही, तणाव मनात साठू देत नाही. वेळेवर जेवण, पुरेशी झोप आणि आवश्यक तेव्हा मन मोकळं करणं – या गोष्टी मला संतुलित ठेवतात. जर काही ताण आला तर मी एकावेळी एकच गोष्ट हाताळते.”
हे पण वाचा.. Gautami Kapoor : बस प्रवासातील भयावह अनुभवावर खुलासा “त्या दिवशी समजलंच नाही माझ्यासोबत काय घडलं”
या संवादादरम्यान जेव्हा तिच्या आदर्श व्यक्तिमत्त्वाबद्दल विचारले गेले, तेव्हा वल्लरीने क्षणाचाही विलंब न करता उत्तर दिलं – “प्रियांका चोप्रा माझ्या आदर्श आहेत. त्यांनी खूप वेगळ्या प्रकारच्या भूमिका साकारल्या आहेत आणि आंतरराष्ट्रीय स्तरावर आपलं नाव निर्माण केलं आहे. त्यांचा संघर्ष, आत्मविश्वास आणि स्वतःला सतत नवनवीन प्रकारे सादर करण्याची क्षमता मला प्रेरणा देते.”
अभिनयासोबतच वल्लरीचा डान्स हा चाहत्यांमध्ये चर्चेचा विषय असतो. सोशल मीडियावर ती आणि तिची सहकलाकार आलापिनी निसळ यांच्या डान्स परफॉर्मन्सेसला विशेष प्रतिसाद मिळतो. तिच्या डान्स स्टाईलमध्ये नृत्यावरील तिचं प्रेम आणि मेहनत स्पष्टपणे दिसते.
Vallari Viraj चं आयुष्य आज अनेकांसाठी प्रेरणादायी ठरत आहे. सौंदर्य, टॅलेंट आणि प्रामाणिक मेहनतीच्या जोरावर तिने स्वतःसाठी एक वेगळी ओळख तयार केली आहे. ‘नवरी मिळे हिटलरला’मधून आलेली लोकप्रियता आणि त्यानंतर मिळालेल्या संधींनी तिचं करिअर सतत उंचावत आहे.
हे पण वाचा.. Bigg Boss 19 मध्ये मराठी स्पर्धकांची एन्ट्री? अभिजीत सावंतच्या नावावर चर्चेचा केंद्रबिंदू
तिच्या आगामी प्रोजेक्ट्सबद्दल चाहत्यांना प्रचंड उत्सुकता असून, Vallari Viraj मात्र स्वतःला सतत नवं शिकवण्याच्या आणि प्रगतीच्या मार्गावर ठेवण्याच्या निर्धाराने पुढे जात आहे.
