मराठी चित्रपटसृष्टी आणि नाट्यसृष्टीत आपल्या अभिनयाने चार दशकांहून अधिक काळ गाजवणाऱ्या ज्येष्ठ अभिनेत्री उषा नाडकर्णी (Usha Nadkarni) आज वयाच्या ७८व्या वर्षी एकटं जीवन जगत आहेत. त्यांच्या अभिनयातली ताकद प्रेक्षकांनी मालिकांपासून ते नाटकांपर्यंत अनुभवली आहे. ‘पवित्र रिश्ता’ या मालिकेमुळे त्या घराघरांत पोहोचल्या; पण या लोकप्रियतेच्या मागे त्यांचं वैयक्तिक आयुष्य मात्र खूप वेगळ्या संघर्षांनी व्यापलेलं आहे
१९८७ सालापासून म्हणजे तब्बल ३८ वर्षांपासून Usha Nadkarni स्वतःच्या घरात एकट्याच राहत आहेत. सुरुवातीला भीती वाटत होती, रात्री मागून कोणी हल्ला करेल की काय अशी कल्पना मनात येत असे. तेव्हा त्या इमारतीच्या गार्डला आपल्या दाराजवळ थांबायला सांगायच्या. पण हळूहळू त्या भीतीवर मात करत त्यांनी एकटं राहणं आपली सवय करून घेतली. आता मात्र त्यांना अजिबात भीती वाटत नाही.
स्वतःच्या दैनंदिन आयुष्याबद्दल बोलताना त्या सांगतात की त्या स्वतःसाठी जेवण बनवतात, प्रार्थना करतात, फोनवर थोडा वेळ स्क्रोलिंग करतात आणि आपल्या नातीशी व्हिडीओ कॉलवर बोलतात. “मी लहानसहान गोष्टींमध्ये वेळ वाया घालवत नाही,” असं त्या सहजतेने सांगतात.
Usha Nadkarni च्या आयुष्यातील सर्वात मोठं दुःख म्हणजे त्यांचा मुलगा त्यांना खरी आई मानत नाही. कामाच्या व्यापामुळे मुलगा त्याच्या आजीकडे वाढला. उषा नाडकर्णी स्वतः नाटकं, चित्रपट, मालिकांमध्ये इतक्या व्यग्र होत्या की मुलासाठी वेळ देणं कठीण झालं. त्यामुळेच त्याचा संगोपन आजीने केला.
याबद्दल त्या स्पष्टपणे सांगतात – “माझा मुलगा मला अजूनही म्हणतो की मी त्याला फक्त जन्म दिला, पण खरी आई त्याची आजी होती.” या वाक्यांतून त्यांच्या मनातील वेदना स्पष्ट जाणवते.
अलीकडेच Usha Nadkarni च्या धाकट्या भावाचं निधन झालं. सर्व भावंडं गमावल्यामुळे त्यांच्या आयुष्यात मोठी पोकळी निर्माण झाली आहे. भावाच्या आठवणींनी त्या भावुक होतात. “तो पाच वर्षांनी लहान होता. तो असता तर माझ्या एकटेपणाची जाणीव त्याला झाली असती आणि तो धावत आला असता,” असं सांगताना त्यांच्या डोळ्यात नकळत पाणी तरळलं.
वयाच्या या टप्प्यावर Usha Nadkarni मृत्यूकडे अगदी शांतपणे बघतात. त्या म्हणतात, “लोकांना कसं मरण येईल हे सांगता येत नाही. काही झोपेत जातात, काही रुग्णालयात. मला थोडीही भीती वाटत नाही. जर मी झोपेत मेले तर शेजारी दार ठोठावतील, एवढंच.” त्यांच्या या विचारांतून जीवनाकडे पाहण्याचा त्यांचा निश्चय दिसून येतो.
‘पवित्र रिश्ता’ मालिकेतल्या त्यांच्या दमदार भूमिकेमुळे हिंदी प्रेक्षकांमध्येही त्यांची वेगळी ओळख झाली. मराठी रंगभूमीवर त्यांनी असंख्य नाटकं केली. चित्रपटांत आई, सासू, वृद्ध स्त्री अशा विविध व्यक्तिरेखा त्यांनी ताकदीने रंगवल्या.
हे पण वाचा.. ‘देवमाणूस’ फेम Ekta Dangar चा निरोप; शेवटचा सीन शूट करताना अभिनेत्रीने सोशल मीडियावर व्हिडिओ शेअर करत सांगितला थरारक अनुभव
पण लोकप्रियतेसोबतच एकटेपण आणि वैयक्तिक संघर्ष नेहमी त्यांच्या पाठीशी राहिला. तरीही त्या धैर्याने जीवन जगत आहेत. त्यांचं हे प्रामाणिक बोलणं चाहत्यांनाही भावतं.
Usha Nadkarni आज वयाच्या ७८ व्या वर्षी असूनही अजूनही जीवनाकडे सकारात्मक नजरेने पाहतात. एकटेपण, मुलासोबतचं नातं, भावाच्या निधनाची वेदना – या सगळ्या गोष्टींनी त्यांचं मन हेलावलं असलं तरी त्या धैर्याने पुढं चालत राहिल्या आहेत. अभिनयातून त्यांनी प्रेक्षकांच्या मनात स्थान निर्माण केलं आणि खऱ्या आयुष्यात त्या संघर्षातून प्रेरणा देत राहतात.
हे पण वाचा.. १० वर्षांनी Sonali Khare ची दमदार एन्ट्री! ‘स्टार प्रवाह’च्या ‘नशीबवान’ मालिकेत पहिल्यांदाच खलनायिकेच्या भूमिकेत
