Manache shlok New Title : मराठी चित्रपटसृष्टीत सध्या एक चर्चेचा विषय ठरलेला सिनेमा म्हणजे ‘मना’चे श्लोक’. काही दिवसांपूर्वीच प्रेक्षकांच्या भेटीला आलेल्या या चित्रपटाने नावावरूनच वादाला तोंड दिले. चित्रपटाचे दिग्दर्शन अभिनेत्री मृण्मयी देशपांडे हिने केले असून, कथा आणि प्रस्तुतीकरणामुळे प्रेक्षकांचे लक्ष या चित्रपटाकडे वेधले गेले आहे. मात्र, नावावरून निर्माण झालेल्या वादामुळे चित्रपट नव्या नावाने प्रदर्शित करण्याचा निर्णय निर्मात्यांनी घेतला आहे.
१० ऑक्टोबर रोजी चित्रपटाचे काही शो पुण्यात प्रदर्शित झाले. पण हिंदुत्ववादी संघटनांकडून विरोध होताच काही ठिकाणी हे शो बंद पाडण्यात आले. यानंतर निर्मात्यांनी परिस्थितीचा विचार करून ‘मना’चे श्लोक’ हे नाव बदलून ‘तू बोल ना’ असे ठेवण्याचा निर्णय घेतला. हा निर्णय प्रेक्षक आणि चित्रपटाशी संबंधित सर्वांना योग्य वाटावा यासाठी निर्मात्यांनी शांततेचा मार्ग स्वीकारला आहे.
‘तू बोल ना’ या नव्या नावासह चित्रपट आता नव्या जोमाने प्रेक्षकांसमोर येण्यास सज्ज झाला आहे. या चित्रपटाचा अधिकृत प्रदर्शित दिनांक १६ ऑक्टोबर २०२५ निश्चित करण्यात आला आहे. निर्मात्यांच्या मते, या बदलामुळे चित्रपटाच्या आशयावर काहीही परिणाम होणार नाही, उलट तो अधिकाधिक प्रेक्षकांपर्यंत पोहोचेल. चित्रपटात ‘मनवा’ आणि ‘श्लोक’ या दोन पात्रांमधील भावनिक प्रवास दाखवण्यात आला आहे. प्रेम, नातेसंबंध आणि संवादाची ताकद या चित्रपटाचा गाभा आहे. नावात बदल झाला असला तरी कथानक, कलाकारांची मेहनत आणि दिग्दर्शकाची दृष्टी यात कोणताही फरक पडलेला नाही. प्रेक्षकांनी केवळ वाद न बघता चित्रपटाचा आशय आणि संदेश समजून घ्यावा, अशी अपेक्षा टीमकडून व्यक्त करण्यात आली आहे. Manache shlok New Title
Mrunmayee Deshpande हिच्या दिग्दर्शनात बनलेला हा सिनेमा तिच्या कारकिर्दीतील एक महत्त्वाचा टप्पा मानला जातो. तिच्या संवेदनशील दिग्दर्शनामुळे कथा अधिक भावनिक आणि प्रभावी बनली आहे. चित्रपटाच्या नावात झालेला हा बदल प्रेक्षकांच्या अनुभवावर परिणाम करणार नाही, उलट या नव्या नावाने ‘तू बोल ना’ अधिक आपलेपणाने प्रेक्षकांपर्यंत पोहोचेल, असा विश्वास चित्रपटसृष्टीत व्यक्त होत आहे.
हे पण वाचा.. प्राजक्ता माळीची ‘मना’चे श्लोक चित्रपटाला पाठिंबा; प्रदर्शनावरील वादावर तीव्र प्रतिक्रिया
१६ ऑक्टोबरपासून ‘तू बोल ना’ हा सिनेमा सर्व चित्रपटगृहात प्रदर्शित होणार आहे. आता प्रेक्षकांनी नव्या नावाने झळकणाऱ्या या चित्रपटाला कितपत प्रतिसाद दिला जातो, हे पाहणे औत्सुक्याचे ठरणार आहे.
हे पण वाचा.. दिशा परदेशीवर नेटकऱ्याची अश्लील कमेंट; अभिनेत्रीने दिलं सडेतोड उत्तर, शेअर केला स्क्रीनशॉट! Disha Pardeshi
