tharala tar mag tanvi shodh dna test twist : स्टार प्रवाहवरील लोकप्रिय मालिका Tharala Tar Mag सध्या प्रेक्षकांमध्ये जबरदस्त चर्चेत आहे. या मालिकेत येणारे नवनवीन ट्विस्ट आणि रहस्यामुळे प्रत्येक भाग अधिकच रंजक होत चालला आहे. सध्या कथानक एका महत्त्वाच्या वळणावर येऊन ठेपले असून, तन्वीच्या ओळखीचा गूढ लवकरच उलगडणार असल्याची चिन्हं दिसत आहेत.
गेल्या काही भागांपासून सायली आणि अर्जुनला प्रियाबद्दल संशय येऊ लागला आहे. प्रिया ही खरी तन्वी नसून तिच्यामागे काहीतरी मोठं रहस्य दडलं आहे, असा अंदाज सायलीला येतो. या संशयाची खात्री करण्यासाठी सायली आणि अर्जुन दोघंही पुरावे शोधण्यासाठी प्रयत्न करत आहेत. मात्र, दुसरीकडे प्रिया देखील सावध झाली असून ती आपलं खरं रूप लपवण्यासाठी सतत प्रयत्न करताना दिसतेय.
प्रोमोमध्ये दाखवण्यात आलेल्या दृश्यांमुळे आता कथानक आणखी गूढ बनलं आहे. सायलीला बबलीच्या खांद्यावर असलेल्या भाजल्याच्या खुणेची आठवण येते आणि ती प्रियाकडे बारकाईने लक्ष देते. एका प्रसंगी साडीचा पदर ठीक करताना तिला प्रियाच्या पाठीवर तसाच डाग दिसतो. यामुळे सायलीचा संशय अधिकच पक्का होतो.
तरीसुद्धा, केवळ या खुणेवर विश्वास ठेवणं योग्य ठरणार नाही, याची जाणीव सायलीला असते. त्यामुळे ती एक ठोस पाऊल उचलते. डीएनए टेस्ट करण्यासाठी ती प्रियाचा केस मिळवण्याचा प्रयत्न करते. या घटनेमुळे कथानकात मोठा टर्न येणार असल्याचे स्पष्ट होते.
पुढे अर्जुन देखील या प्लॅनमध्ये सहभागी होताना दिसतो. तो प्रतिमा आत्याचा केस आणि बबलीचा नमुना घेऊन डीएनए टेस्टसाठी पाठवण्याचा निर्णय घेतो. यामुळे आता प्रियाचं खरं रूप उघड होणार का, हा प्रश्न सर्वांच्या मनात निर्माण झाला आहे.
हे पण वाचा .. पारू मालिकेचा अचानक शेवट; अभिनेत्रीची भावुक पोस्ट, आर्थिक अडचणींमुळे घेतला निरोप
tharala tar mag tanvi shodh dna test twist
दरम्यान, या प्रोमोवर प्रेक्षकांकडून मोठ्या प्रमाणात प्रतिक्रिया येत आहेत. अनेकांनी हा प्रोमो “खतरनाक” असल्याचं म्हटलं आहे. काहींनी “आता तरी सत्य बाहेर यायला हवं” असं मत व्यक्त केलं आहे, तर काहींनी पुढील भागासाठी उत्सुकता व्यक्त केली आहे.
हे पण वाचा .. Tharala Tar Mag : अस्मिताच्या आयुष्यात मोठा धक्का, सचिन-साक्षी प्रकरण उघड; तणावातच झाला मुलाचा जन्म
एकूणच, Tharala Tar Mag मालिकेत येणारा हा डीएनए टेस्टचा ट्विस्ट कथानकाला नवं वळण देणार आहे. सायली आणि अर्जुनच्या प्रयत्नांना यश मिळणार का आणि प्रियाचा खरा चेहरा सर्वांसमोर येणार का, हे पाहणं आता प्रेक्षकांसाठी खूपच उत्सुकतेचं ठरणार आहे.
