Tharala Tar Mag suman exposes nagaraj location thriller : स्टार प्रवाहवरील लोकप्रिय मालिका Tharala Tar Mag सध्या अत्यंत निर्णायक वळणावर येऊन ठेपली आहे. आजच्या भागात प्रेक्षकांना एकामागून एक धक्कादायक आणि थरारक घटना पाहायला मिळाल्या. बिनडोक वाटणारी सुमन प्रत्यक्षात किती चाणाक्ष आहे, हे तिने नागराजसमोर सिद्ध करून दाखवलं, तर दुसरीकडे सायली आणि अर्जुनने संकटाला सामोरं जात धाडसाची परिसीमा गाठली.
काव्या, भूमी आणि सखी यांनी सायली-अर्जुनला नागराजच्या फोनमधील सुमनचा व्हिडिओ दाखवताच सगळ्यांनाच धक्का बसतो. काव्याने तो व्हिडिओ सायलीला पाठवल्यानंतर किडनॅपिंगमागे नागराजचाच हात असल्याची खात्री पटते. अर्जुन वेळ न दवडता पोलिसांशी संपर्क साधतो आणि नागराज किल्लेदारच्या फोनचं लोकेशन मागवतो. या एका निर्णयामुळे पुढील घडामोडींना वेग येतो.
दुसरीकडे नागराज सुमनवर मानसिक दबाव टाकत असतो. त्याने दिलेलं अन्न ती ठामपणे नाकारते आणि मरण पत्करेन पण तुमचं ऐकणार नाही, असं ठणकावून सांगते. सायलीमुळेच तू अशी बोलायला लागलीस, असं म्हणत नागराज तिच्यावर राग काढतो. मात्र सुमन निर्भीडपणे त्याचं खरे रूप जगासमोर आणण्याची भाषा करते. या शब्दांनी नागराज इतका चिडतो की तो तिचं तोंड बंद करून बाहेर निघून जातो.
नागराज बाहेर गेल्यानंतर सुमनला एक क्षणाची संधी मिळते. ती त्याचा फोन ऑन करते, पण नकळत झालेल्या आवाजामुळे नागराज परत येतो आणि तिला बांधून ठेवतो. जरी त्याने फोन परत घेतला तरी काही सेकंदांसाठी फोन ऑन झाल्यामुळे पोलिसांना सुमनचं लोकेशन मिळतं. हीच ती कडी ठरते ज्यामुळे Tharala Tar Mag मध्ये कथेला नवं वळण मिळतं.
सायली अर्जुनला एकट्याला जाऊ देत नाही. घरात हळदी-कुंकवाचं कारण सांगून ती त्याच्यासोबत निघते. दरम्यान, प्रिया अश्विनच्या मनात सुभेदारांविरोधात विष पेरण्याचा प्रयत्न करते, मात्र अश्विन तिच्या बोलण्याला फारसं महत्त्व देत नाही आणि थेट हॉस्पिटलला निघून जातो.
लोकेशनवर पोहोचताच सायली-अर्जुनसमोर महिपतची माणसं उभी ठाकतात. तिथे तुफान मारामारी होते. प्रसंगावधान राखत सायली त्यांना बेशुद्ध करते, तर अर्जुन त्यांना बाजूला लपवतो. सुमनला जवळच असल्याची चाहूल लागताच दोघंही दरवाज्याकडे धाव घेतात आणि इथंच भाग उत्कंठावर्धक टप्प्यावर थांबतो.
हे पण वाचा.. नवऱ्याच्या जीवासाठी नंदिनीचा धाडसी निर्णय; लग्नानंतर होईलच प्रेम च्या नव्या प्रोमोमध्ये दिसणार ‘चकाचक बाई’चा वेडेपणा
Tharala Tar Mag चा हा भाग धाडस, हुशारी आणि थरार यांचा जबरदस्त संगम ठरला असून पुढील भागात सुमनची सुटका होणार का, याकडे प्रेक्षकांचं लक्ष लागून राहिलं आहे.
हे पण वाचा.. सिद्धार्थ खिरीड लग्नबंधनात अडकणार; हटके फोटोमधून वेडिंग डेट रिव्हिल, चाहत्यांमध्ये उत्सुकता
