tharala tar mag sakshi attack sayali bravery : स्टार प्रवाहवरील लोकप्रिय मालिका Tharala Tar Mag सध्या अत्यंत थरारक वळणावर पोहोचली आहे. 17 फेब्रुवारी 2026 च्या भागात प्रेक्षकांनी पाहिलं की साक्षीचा वेडेपणा आता टोकाला गेला असून तिने थेट अस्मिताचा जीव घेण्याचा प्रयत्न केला. मात्र, सायलीच्या धाडसामुळे आणि अर्जुनच्या सतर्कतेमुळे अस्मिताचा जीव वाचतो आणि संपूर्ण घरात खळबळ उडते.
या भागाची सुरुवातच संशयास्पद वातावरणाने होते. सगळे सुभेदार घरात गप्पा मारत असताना प्रिया मात्र दाराजवळ अस्वस्थपणे घुटमळत असते. साक्षीचा फोन येताच ती अधिक गोंधळलेली दिसते. तिचं हे वागणं घरातल्यांच्या लक्षात येतं, कारण नेहमी जेवण झालं की झोपायला जाणारी प्रिया आज उशिरापर्यंत जागी असते. ऍसिडिटीचं कारण सांगून ती वेळ मारून नेते, पण तिच्या मनात सुरू असलेली धावपळ वेगळीच असते.
दुसरीकडे सायली आणि अर्जुन एका जुन्या स्केचबाबत चर्चा करत असताना सायलीला महत्त्वाची गोष्ट आठवते. एका बिल्डर साईटवर धडकलेला माणूस हाच संशयित असल्याचं तिला पक्कं आठवतं. त्यामुळे ती लगेच चैतन्यला फोन करून दुसऱ्या दिवशी पुन्हा त्या साईटवर जाण्याचा निर्णय घेते. अर्जुनला तिची काळजी वाटते, पण सायली आपल्या निर्णयावर ठाम असते.
दरम्यान, रात्रीच्या अंधारात साक्षी प्रियांकडून दार उघडून घेत अस्मिताच्या खोलीत शिरते. झोपेत असलेल्या अस्मितावर उशीने गुदमरवण्याचा प्रयत्न होतो. अस्मिता प्रतिकार करण्याचा प्रयत्न करते, पण साक्षी निर्दयपणे हल्ला करत राहते. त्याच वेळी सायली आणि अर्जुनला किंचाळी ऐकू येते आणि ते दोघं धावत खोलीत पोहोचतात. अंधारात सायली साक्षीला पकडते, मात्र तिचा चेहरा झाकलेला असल्याने खरी ओळख होत नाही आणि साक्षी पळून जाण्यात यशस्वी होते.
यानंतर घरात गोंधळ उडतो. सायली स्पष्टपणे सांगते की हल्लेखोर पुरुष नसून स्त्री होती. हे ऐकून प्रिया अधिकच घाबरते आणि संशय दुसरीकडे वळवण्याचा प्रयत्न करते. पण सायली आपल्या म्हणण्यावर ठाम राहते. दुसरीकडे साक्षी मात्र अस्मिता जिवंत राहिल्यामुळे पूर्णपणे अस्वस्थ होते. तिचं वागणं पाहून सचिनलाही संशय येतो, पण साक्षी काहीच बोलत नाही.
पुढच्या दिवशी सायली आणि चैतन्य संशयित रमेशचा शोध घेत त्याच्या घरी पोहोचतात. रमेश हल्ला करण्याचा प्रयत्न करतो, मात्र सायली प्रसंगावधान राखून त्याला पकडते आणि पोलिसांच्या हवाली करते. हा तोच माणूस असल्याचं स्पष्ट होतं, ज्याचं स्केच आधीच समोर आलं होतं. अर्जुनही काळजीपोटी तिथे पोहोचतो आणि सायली सुरक्षित असल्याचं पाहून सुटकेचा निश्वास टाकतो.
हे पण वाचा.. लक्ष्मी निवास मालिकेचा नवा प्रोमो चर्चेत; प्रेक्षकांना आठवली ‘बागबान’, सोशल मीडियावर सुरू झाली तुलना
या सगळ्या घडामोडींमुळे Tharala Tar Mag आणखी रोमांचक टप्प्यावर पोहोचली आहे. साक्षीचा गुन्हा कधी उघडकीस येणार, प्रिया किती काळ खोटं बोलू शकणार आणि सायली-अर्जुनचं नातं या संकटातून अधिक घट्ट होणार का, हे पाहणं आता प्रेक्षकांसाठी अधिकच उत्सुकतेचं ठरणार आहे.
हे पण वाचा.. घराघरात गाजणार नवी कथा! मी जिंकून घेईन सार लवकरच कलर्स मराठीवर
