tharala tar mag nagraj confession explosive twist : स्टार प्रवाहवरील लोकप्रिय मालिका Tharala Tar Mag सध्या अत्यंत निर्णायक वळणावर येऊन पोहोचली आहे. गेल्या काही भागांपासून प्रेक्षकांच्या मनात अनेक प्रश्न घोळत होते आणि आता नव्या प्रोमोमधून त्या प्रश्नांची उत्तरं मिळण्याची शक्यता दिसत आहे. २२ वर्षांपूर्वी झालेल्या भीषण अपघातामागचं गूढ अखेर उलगडणार असून, या सगळ्या कटाचा खरा सूत्रधार दुसरा तिसरा कोणी नसून नागराज किल्लेदार असल्याचं समोर येत आहे.
रविराज आणि प्रतिमाच्या अपघातामागे महिपत शिखरेचा हात असल्याचं सत्य याआधीच उघड झालं होतं. मात्र, अर्जुनला सुरुवातीपासूनच या सगळ्यामागे अजून कुणीतरी मोठा मास्टरमाइंड आहे, याची खात्री होती. हॉस्पिटलमधील डेड बॉडीची अदलाबदल, महिपतच्या घरात सापडलेली ‘NK’ नावाची चिठ्ठी आणि काही संशयास्पद घडामोडींमुळे अर्जुनचा संशय नागराजकडे वळतो. Tharala Tar Mag मध्ये सायलीदेखील अर्जुनसोबत नागराजवर बारकाईने लक्ष ठेवताना दिसते.
दरम्यान, सुमन काकूला किडनॅप करण्यामागेही नागराजच असल्याचं सत्य समोर आल्यानंतर अर्जुन आणि सायलीला मोठा धक्का बसतो. सुमनने दोघांशी हातमिळवणी केल्यामुळे नागराजचा संताप अनावर होतो. घरी परतल्यानंतर तो सुमनला मारहाण करतो आणि तिच्यासमोरच आपल्या गुन्ह्याची थेट कबुली देतो. “२२ वर्षांपूर्वीचा अपघात मीच घडवून आणला,” असे शब्द त्याच्या तोंडून बाहेर पडतात. मात्र, त्याला कल्पनाही नसते की या सगळ्याचं दाराआडून रेकॉर्डिंग केलं जात आहे.
हा व्हिडीओ पुढे अर्जुन आणि सायलीपर्यंत पोहोचतो आणि नागराजची कबुली ऐकून अर्जुनचा संताप शिगेला पोहोचतो. Tharala Tar Mag च्या कथानकात हा क्षण अत्यंत महत्त्वाचा ठरणार आहे. नागराजचं खरं रूप समोर आल्यावर अर्जुन-सायली पुढे काय पाऊल उचलणार, रविराज आणि प्रतिमाला हे सत्य कळल्यावर ते काय निर्णय घेणार, आणि खरी तन्वी नेमकी कोण आहे हे रहस्य कधी उघड होणार, असे अनेक प्रश्न प्रेक्षकांच्या मनात निर्माण झाले आहेत.
हे पण वाचा.. ही भांडणं शिकतेस कुठून? शशांक केतकर चा पत्नी प्रियांकासोबतचा व्हिडीओ व्हायरल, नेटकऱ्यांची भन्नाट प्रतिक्रिया
या सगळ्या घडामोडींचा थरारक भाग २९ आणि ३० जानेवारी रोजी रात्री ८:३० वाजता स्टार प्रवाहवर प्रसारित होणार आहे. Tharala Tar Mag चाहत्यांसाठी हे भाग नक्कीच उत्कंठावर्धक ठरणार असून, मालिकेचा हा टप्पा प्रेक्षकांना खिळवून ठेवणारा असेल यात शंका नाही.
हे पण वाचा.. तुमची मुलगी जिवंत आहे…” – कमळी मालिकेत कमळी करणार मोठा खुलासा, कामिनीचा डाव उलटणार?
