tharala tar mag latest episode drama : स्टार प्रवाहवरील लोकप्रिय मालिका Tharala Tar Mag सध्या अत्यंत नाट्यमय वळणावर येऊन पोहोचली आहे. 4 जानेवारी 2026 रोजी प्रसारित झालेल्या भागात सुभेदारांच्या घरात घडलेल्या घटनांनी प्रेक्षकांना धक्का दिला. एका चुकीसाठी संपूर्ण कुटुंबाकडून बहिष्कार सहन करावा लागलेल्या प्रियाचा आजचा संताप अखेर उफाळून येतो आणि घरात मोठा स्फोट घडतो.
या भागात प्रिया संपूर्ण घरासमोर सचिनचा जाहीर निषेध करते. आपली चूक क्षुल्लक होती, तरीही सायलीने आपल्यावर हात उचलला, असा आरोप करत ती कुटुंबाच्या दुजाभावावर बोट ठेवते. दुसरीकडे, सचिनने केलेले गंभीर अपराध असूनही त्याच्याशी नरमाईने वागलं जातंय, यामुळे प्रिया अधिकच अस्वस्थ होते. तिच्या मते, सुभेदारांच्या जावयाने कुटुंबाची अब्रू वेशीवर टांगली, तरीही त्याला माफ केलं जात आहे. तिचा हा उद्रेक संपूर्ण घरात तणाव निर्माण करतो.
सायली प्रियाला शांत करण्याचा प्रयत्न करते, पण अर्जुनही चर्चेत उतरतो. तो सचिनचा गुन्हा मोठा असल्याचं मान्य करतो, मात्र प्रियानेही भूतकाळात अनेक चुका केल्याचं स्पष्टपणे सांगतो. या सगळ्या गदारोळानंतर घरचे प्रियांना खोलीत जायला सांगतात. मात्र, प्रिया आतून सगळं पाहत असल्याचं दिसतं आणि घरातली परिस्थिती तिच्यासाठी आनंदाची ठरते, कारण “घाव बरोबर वर्मावर” बसल्याची भावना तिच्या चेहऱ्यावर दिसते.
दरम्यान, अस्मिताचा संयमही तुटतो. सचिनला घरात का थांबवण्यात आलं, असा सवाल ती सायलीसमोर करते. तिच्या आयुष्याचा आधार असलेला जुना संसार परत मिळणार नाही, या भावनेने ती अधिकच खचते आणि घरातून निघून जाते. अस्मिताच्या नाराजीमुळे घरात जेवणही होत नाही, मात्र सचिनवर याचा काहीच परिणाम होत नाही.
या सगळ्या प्रकरणाचा परिणाम सायली आणि अर्जुनच्या नात्यावरही होतो. सचिनबाबतची सत्य परिस्थिती लपवली गेली, यामुळे सायली अर्जुनवर नाराज होते. अस्मिताच्या तब्येतीमुळे हे गुपित लपवण्यात आलं, असं अर्जुन सांगतो, पण हे स्पष्टीकरण सायलीला पटत नाही. अखेर अर्जुन पूर्णा आजीकडे मन मोकळं करतो. आजी त्याला समजावून सांगते आणि धीर देते.
दुसऱ्या दिवशी घरात गंभीर शांतता पसरलेली असते. अशा वेळी सायली सगळ्यांचा मूड सावरायचा प्रयत्न करते. पोटात असलेल्या बाळासाठी घरात सकारात्मक वातावरण असणं गरजेचं आहे, हे ती सगळ्यांना समजावते. तिचं बोलणं घरच्यांना पटतं आणि गेट-टुगेदर करण्याचा निर्णय घेतला जातो. अर्जुन दूरून हे सगळं पाहत असतो. कठीण प्रसंगात सायलीने घर सांभाळलेलं पाहून तो भारावतो, मात्र सायलीचा राग अजूनही कायम असतो.
हे पण वाचा.. नवीन वर्षात संतोष जुवेकर यांनी घेतली नवी थार रॉक्स; सोशल मीडियावर शेअर केला आनंद
Tharala Tar Mag मधील हा भाग भावनांचा, आरोप-प्रत्यारोपांचा आणि नात्यांच्या कसोटीचा ठरतो. पुढील भागात हे नाते सावरतील की आणखी तुटतील, याकडे प्रेक्षकांचं लक्ष लागून राहिलं आहे.
हे पण वाचा.. कोण होतीस तू, काय झालीस तू मालिका संपणार : ४ जानेवारीला शेवटचा भाग, यश-कावेरीचं लग्न आणि गोड शेवट
