मराठी अभिनेत्री Tejaswini Pandit हिने स्पष्ट केलं की, समाजकारणासाठी भविष्यात संधी मिळाली तर राजकारणाचा मार्ग स्वीकारण्यास हरकत नाही. मात्र सध्या ती अभिनयाच्या प्रवासात समाधानी आहे.
राजकारणात संधी मिळाली तर नक्की विचार करेन, Tejaswini Pandit चं स्पष्ट मत!
मराठी चित्रपटसृष्टीतील सुप्रसिद्ध अभिनेत्री Tejaswini Pandit हिने नुकत्याच दिलेल्या मुलाखतीत राजकारणासंदर्भात आपली भूमिका स्पष्ट केली आहे. अभिनय क्षेत्रात यशस्वी कारकिर्द गाजवलेल्या आणि एक उत्तम निर्माती म्हणूनही नाव मिळवलेल्या तेजस्विनीने भविष्यात राजकारणात प्रवेश करण्याच्या शक्यतेवर भाष्य करताना स्पष्ट मत मांडलं आहे.
अभिनय, उद्योजकता आणि सामाजिक जाणिवा यांचं सुरेख मिश्रण असलेली Tejaswini Pandit ही अभिनेत्री सोशल मीडियावर तिच्या ठाम आणि स्पष्ट मतांमुळे चर्चेत असते. अनेकदा ती राजकीय आणि सामाजिक विषयांवर मतप्रदर्शन करताना दिसते. विशेषतः महाराष्ट्र नवनिर्माण सेनेचे अध्यक्ष राज ठाकरे यांच्याविषयी ती अनेक वेळा खुले समर्थन करताना दिसली आहे. त्यामुळेच तिच्या चाहत्यांमध्ये एक उत्सुकता होती की, तेजस्विनी पंडित भविष्यात राजकारणात उतरणार का?
‘अजबगजब’ या पॉडकास्टमध्ये दिलेल्या मुलाखतीत तिला थेट विचारण्यात आलं की, भविष्यात निवडणूक लढवण्याचा विचार आहे का? यावर उत्तर देताना तेजस्विनीनं स्पष्टपणे सांगितलं की, समाजासाठी काही करण्यासाठी केवळ राजकारणात उतरण्याची गरज नाही. समाजकारणासाठी अनेक पर्यायी मार्ग असतात.
ती म्हणाली, “आपण नेहमी म्हणतो की, इथे चिखल आहे, इथे घाण आहे. पण आपल्यापैकी फार थोडे लोक त्या घाणीकडे साफसफाईसाठी पुढाकार घेतात. मला वाटतं, समाजासाठी काम करण्याचा मार्ग फक्त राजकारणातूनच जातो असं नाही. मात्र भविष्यात जर अशा संधीचा मार्ग राजकारणातूनच गेला, तर मी नक्कीच विचार करेन.”
हे पण वाचा..Tejaswini Pandit Raj Thackeray विषयी म्हणाली – “ते मुख्यमंत्री झाले तर महाराष्ट्र वेगळ्याच उंचीवर जाईल!”
Tejaswini Pandit पुढे म्हणाली, “सध्या तरी मी माझ्या अभिनयाच्या प्रवासात समाधानी आहे. काही निश्चित असं मी ठरवलेलं नाही, की राजकारणातच जायचं. पण संधी मिळाली आणि गरज भासली, तर मी समाजकारणासाठी राजकारणाचा मार्ग स्वीकारण्यास तयार आहे.”
तिच्या या उत्तरावरून स्पष्ट होतं की, ती सध्या अभिनय, निर्मिती आणि उद्योजकता या आपल्या सध्याच्या जबाबदाऱ्यांमध्ये समाधान मानते. याशिवाय मनोरंजन क्षेत्र आणि राजकारण हे दोन्ही क्षेत्रं अत्यंत आव्हानात्मक असल्याचंही ती नमूद करत म्हणाली, “एकाच वेळी दोन अवघड क्षेत्रांमध्ये स्वतःला गुंतवणं ही सोपी गोष्ट नाही. त्यामुळे अभिनय करत असतानाच पुन्हा नवे राजकीय आव्हान घ्यायचं का, याचा विचार अजून तरी नाही.”
सध्या तेजस्विनी पंडित तिच्या आगामी ‘ये रे ये रे पैसा ३’ या चित्रपटामुळे प्रेक्षकांच्या चर्चेत आहे. १७ जुलै रोजी हा चित्रपट प्रदर्शित होणार असून, तिच्या चाहत्यांना तिच्या अभिनयाची पुन्हा एकदा जादू पाहायला मिळणार आहे.
मराठी मनोरंजन विश्वात याआधी अनेक कलाकारांनी राजकारणात यशस्वी पावलं टाकलेली आहेत. मात्र Tejaswini Pandit याबाबतीत थोडी वेगळी भूमिका मांडताना दिसते. केवळ प्रसिद्धीसाठी किंवा इतरांना पाहून राजकारणात उडी मारण्याचा तिचा अजिबात हेतू नाही. समाजाच्या हितासाठी गरज भासली तरच ती त्या दिशेने पाऊल उचलण्याची तयारी दाखवते.
या मुलाखतीमुळे पुन्हा एकदा Tejaswini Pandit हिच्या परखड, स्पष्ट आणि प्रामाणिक स्वभावाची झलक चाहत्यांना पाहायला मिळाली आहे. अभिनय, निर्मिती आणि समाजभान या तिन्ही अंगांनी ती आपला ठसा उमटवत आहे आणि भविष्यातही तिचं हे व्यक्तिमत्त्व प्रेक्षकांना नवी दिशा देईल, यात शंका नाही.
