tejashri pradhan new look social media post : मराठी सिनेसृष्टीतील लोकप्रिय अभिनेत्री Tejashri Pradhan नेहमीच आपल्या अभिनयासोबतच व्यक्तिमत्त्वामुळे चर्चेत असते. मालिका, चित्रपट आणि वेब सीरिज अशा विविध माध्यमांमधून तिने स्वतःची वेगळी ओळख निर्माण केली आहे. सध्या ती ‘वीण दोघांतली ही तुटेना’ या मालिकेत स्वानंदी ही भूमिका साकारत असून या भूमिकेला प्रेक्षकांचे भरभरून प्रेम मिळत आहे. तिचा सहज, भावनिक आणि संयमी अभिनय प्रेक्षकांना विशेष भावतो आहे.
Tejashri Pradhan सोशल मीडियावरही तितकीच सक्रिय आहे. आपल्या चाहत्यांशी जोडलेलं राहणं तिला महत्त्वाचं वाटतं आणि म्हणूनच ती नियमितपणे फोटो, व्हिडीओ आणि विचार शेअर करत असते. नुकताच तिने शेअर केलेला एक व्हिडीओ सध्या सोशल मीडियावर चांगलाच चर्चेत आला आहे. या व्हिडीओमध्ये तेजश्रीने केस कुरळे करून एक वेगळा आणि फ्रेश लूक सादर केला आहे. साधा मेकअप, आत्मविश्वासपूर्ण हावभाव आणि तिचं व्यक्तिमत्त्व या सगळ्यामुळे हा लूक अधिक खुलून दिसतो.
हा व्हिडीओ शेअर करताना Tejashri Pradhan ने लिहिलेला मजकूरही अनेकांच्या मनाला भिडणारा ठरला आहे. “एक दिवस तुम्हाला जाणवेल की, ज्यांना खूश करण्यात तुम्ही कित्येक वर्षं घालवली, ते तुम्हाला खरं तर ओळखतही नाहीत. आयुष्याची वेळ मर्यादित आहे,” असे विचार तिने मांडले. पुढे तिने समाजाच्या अपेक्षांपेक्षा स्वतःच्या इच्छा आणि समाधानाला प्राधान्य देण्याचा सल्ला दिला आहे. या पोस्टमधून तिचा प्रगल्भ आणि सकारात्मक दृष्टिकोन पुन्हा एकदा दिसून येतो.
या व्हिडीओवर चाहत्यांनी मोठ्या प्रमाणात प्रतिक्रिया दिल्या आहेत. “तुझा कोणताही लूक सुंदरच असतो”, “खूप गोड दिसतेस”, “नावातच तेज आणि श्री असलेल्या व्यक्तीचं तेज वेगळंच असणार” अशा कमेंट्स चाहत्यांनी केल्या आहेत. काही जणांनी तर “या लूकमध्ये ओळखलंच नाही” असंही म्हटलं आहे. विशेष म्हणजे ज्येष्ठ अभिनेत्री निवेदिता सराफ यांनीही तेजश्रीचं कौतुक करत तिला सुंदर असल्याची दाद दिली आहे, तर अभिनेता जयवंत वाडकर यांनी हार्ट इमोजी शेअर करत आपली पसंती व्यक्त केली आहे.
हे पण वाचा.. TMKOC फेम अभिनेत्री प्राजक्ता शिसोदेची बिग बॉस मराठी ६ वर स्पष्ट प्रतिक्रिया, वाद आणि आदराच्या मुद्द्यावर भाष्य
कामाच्या बाबतीत पाहिलं तर Tejashri Pradhan सध्या खूप व्यस्त आहे. मालिका, चित्रपट आणि वेब सीरिज अशा विविध प्रोजेक्ट्सचं शूटिंग सुरू असून ती सतत नव्या भूमिकांमधून प्रेक्षकांसमोर येत आहे. ‘वीण दोघांतली ही तुटेना’ या मालिकेत तिच्यासोबत अभिनेता सुबोध भावे प्रमुख भूमिकेत असून समर आणि स्वानंदी ही जोडी प्रेक्षकांना भावत आहे. अभिनयासोबतच विचारशील पोस्ट्समुळेही तेजश्री प्रेक्षकांच्या मनात आपली जागा पक्की करत असल्याचं पुन्हा एकदा दिसून येत आहे.
हे पण वाचा.. देवीचा उत्सव आणि असा डान्स? जान्हवी किल्लेकर यांनी राधा मुंबईकरवर व्यक्त केली नाराजी
