tanaji galgunde balachya pahili zalak : ‘सैराट’ या ब्लॉकबस्टर चित्रपटातून प्रेक्षकांच्या मनात घर करणारा अभिनेता तानाजी गळगुंडे पुन्हा एकदा चर्चेत आहे. यावेळी मात्र कारण चित्रपटाचं नव्हे तर त्याच्या आयुष्यातील सर्वात सुंदर क्षणाचं आहे. काही दिवसांपूर्वीच तानाजीच्या घरी बाळाचं आगमन झालं असून या आनंदाची झलक पत्नी प्रतीक्षा शेट्टीने आपल्या सोशल मीडिया अकाउंटवर चाहत्यांसोबत शेअर केली आहे.
तानाजीने ‘सैराट’मध्ये ‘लंगड्या’ची भूमिका साकारून लोकप्रियतेच्या शिखरावर झेप घेतली होती. त्यानंतर त्याने मालिकांपासून ते सिनेमांपर्यंत विविध माध्यमांत काम करून आपली ओळख अधिक मजबूत केली. प्रोफेशनल करिअरसोबतच तो खासगी आयुष्यातील निर्णयांमुळेही कायम चर्चेत राहिला आहे. काही महिन्यांपूर्वी त्याने आपल्या नातेसंबंधाबद्दल खुलासा केला होता. त्याने प्रतीक्षा शेट्टीसोबत लिव्ह-इन रिलेशनमध्ये राहत असल्याची माहिती दिली होती.
प्रतीक्षा शेट्टी एक मॉडेल आणि उद्योजिका असून तानाजीच्या आयुष्यात तिची मोठी भूमिका आहे. तानाजी एका गंभीर आजारावर उपचार घेत असताना प्रतीक्षाने त्याची विशेष काळजी घेतली होती. त्यांच्या प्रेमकथेची सुरुवात कॉलेजच्या काळात झाली होती. प्रतीक्षा वेगळ्या जातीमधील असल्यामुळे सुरुवातीला तानाजीच्या कुटुंबात थोडा विरोध होता. मात्र तानाजीने आपल्या आईला समजावून सांगितल्यानंतर त्यांनी हे नातं स्वीकारलं आणि दोघांनी आयुष्याची नवी सुरुवात केली.
लग्नानंतर प्रतीक्षा सोशल मीडियावर सक्रिय राहिली आहे. बेबी शॉवरचे फोटो शेअर केल्यानंतर आता तिने आपल्या मुलाची पहिली झलक इंस्टाग्राम स्टोरीद्वारे चाहत्यांपर्यंत पोहोचवली. या फोटोवर चाहत्यांकडून शुभेच्छांचा वर्षाव होत आहे.
वर्कफ्रंटबद्दल सांगायचं झालं तर तानाजी गळगुंडेला ‘सैराट’ या सुपरहिट चित्रपटातून दिग्दर्शक नागराज मंजुळे यांनी मोठी संधी दिली होती. त्याने या भूमिकेतून प्रेक्षकांची मने जिंकली. त्यानंतर त्याने मराठी चित्रपटसृष्टीत आपलं स्थान अधिक घट्ट केलं आहे. सध्या तो नव्या प्रोजेक्ट्सवर काम करत असून चाहत्यांना त्याच्या नव्या कामाची उत्सुकता आहे.
हे पण वाचा.. भैरवीच्या स्वप्नांना मिळणार अशोक मामा ची साथ, मालिकेत नवं वळण
प्रत्येक अभिनेत्याच्या आयुष्यात करिअरइतकंच वैयक्तिक आयुष्यही महत्त्वाचं असतं आणि तानाजीच्या आयुष्यातील हा आनंदाचा क्षण त्याच्यासाठी खास आहे. चाहत्यांनी त्याच्यावर आणि त्याच्या कुटुंबावर शुभेच्छांचा वर्षाव करत बाळाचं स्वागत केलं आहे.
हे पण वाचा.. Bigg Boss 19 : मालतीच्या टोमण्यांनी तान्याचा संयम सुटला; रडत रडत सोडला टास्क
