star pravah serial time change november 17 : स्टार प्रवाह (Star Pravah) ने नेहमीच आपल्या प्रेक्षकांसाठी नवनवीन प्रयोग करत मनोरंजनाचा दर्जा उंचावलाय. याच परंपरेत आता वाहिनीने पुन्हा एकदा रात्रीच्या स्लॉटमध्ये महत्त्वाचे बदल जाहीर केले आहेत. मागील महिन्यातच २७ ऑक्टोबर रोजी सुरू झालेल्या नवीन हॉरर मालिकेला—‘काजळमाया’—चांगला प्रतिसाद मिळेल, अशी अपेक्षा होती. अक्षय केळकर, वैष्णवी कल्याणकर आणि रुची जाईल यांच्या प्रमुख भूमिका असलेल्या या मालिकेचं प्रसारण सध्या रात्री १०:३० नंतर होतं. मात्र, अवघ्या एका महिन्यातच स्टार प्रवाह ने या सिरियलची वेळ बदलण्याचा निर्णय घेतला आहे.
मिळालेल्या माहितीनुसार, १७ नोव्हेंबरपासून ‘काजळमाया’ रात्री ११ वाजता प्रेक्षकांच्या भेटीला येईल. या मालिकेच्या टीआरपीने अपेक्षा पूर्ण न केल्याने स्लॉट बदलणे आवश्यक असल्याचं सूत्रांचं म्हणणं आहे. यापूर्वी याच स्लॉटमध्ये ‘तू ही रे माझा मितवा’ मालिका प्रसारित होत होती, ज्याने उशिराच्या वेळेतही उत्तम कामगिरी करत चांगली रेटिंग मिळवली होती.
स्टार प्रवाह ने जाहीर केलेल्या नव्या वेळापत्रकानुसार, सध्या रात्री ११ वाजता येणारी ‘कोण होतीस तू, काय झालीस तू!’ ही लोकप्रिय मालिका आता रात्री १०:३० वाजता प्रसारित केली जाईल. गिरीजा प्रभू, मंदार जाधव, सुकन्या कुलकर्णी आणि रेवती लेले यांच्या दमदार अभिनयामुळे ही मालिका सुरुवातीपासूनच प्रेक्षकांच्या पसंतीस उतरली होती. काही महिन्यांपूर्वी प्राइम स्लॉटमधून हलवल्यानंतरही तिने स्वतःची लोकप्रियता टिकवून ठेवली.
याउलट, ‘तू ही रे माझा मितवा’ला प्राइम स्लॉट मिळाल्यापासून या मालिकेने TRP चार्टमध्ये झपाट्याने झेप घेतली आहे. गेल्या दोन आठवड्यांमध्ये ही मालिका थेट दुसऱ्या स्थानी पोहोचली असून स्टार प्रवाह च्या कार्यक्रम यादीत पुन्हा उत्साह निर्माण केला आहे.
हे पण वाचा.. गुरू दिवेकर एक्झिट: सावळ्याची जणू सावलीत रुचिर गुरवची रिप्लेसमेंट एंट्री
१७ नोव्हेंबरपासून लागू होणाऱ्या या वेळापत्रकामुळे रात्रीच्या प्रेक्षकवर्गात नवीन चैतन्य येण्याची दाट शक्यता आहे. स्टार प्रवाह च्या या निर्णयाकडे संपूर्ण टेलिव्हिजन प्रेक्षक लक्ष ठेवून आहेत. आता नव्या वेळेत ‘काजळमाया’ किती प्रभाव पाडते, हे पाहणं उत्सुकतेचं ठरेल.
हे पण वाचा.. नक्षत्रा मेढेकरचा टीव्हीवर कमबॅक! ‘लक्ष्मीच्या पाऊलांनी’मध्ये सुकन्या पाटीलच्या भूमिकेत झळकणार
