siya patil buys new house in pune : दिवाळीचा आनंद आणि नव्या सुरुवातींचं औचित्य साधत मराठी चित्रसृष्टीतील लोकप्रिय अभिनेत्री सिया पाटील (Siya Patil) हिनं आपल्या आयुष्यातील आणखी एक सुंदर पाऊल टाकलं आहे. पुण्यात तिनं नवं घर घेतलं असून या खास क्षणाची झलक तिनं सोशल मीडियावर चाहत्यांसोबत शेअर केली आहे. दिवाळीच्या शुभमुहूर्तावर सियानं स्वतःच्या हातांनी नव्या घरात पूजा करून हे नवं पान आपल्या आयुष्यात उघडलं आहे.
सिया पाटीलनं तिच्या इन्स्टाग्राम स्टोरीवरून या नव्या घरातील काही छायाचित्रं आणि व्हिडीओ शेअर केले आहेत. पहिल्या झलकित तिच्या घरातील सुंदर देवघर पाहायला मिळतं. फोटोसोबत तिनं “देवघर”, “नवीन घर”, “पुणे” आणि “ॐ नमः शिवाय” असे हॅशटॅग दिले आहेत. नव्या घरात दूध उतू जाऊ देण्याची पारंपरिक प्रथा सियानंही पाळली असून त्या क्षणाचंही व्हिडीओ तिनं आपल्या चाहत्यांसोबत शेअर केलं आहे.
व्हिडीओमध्ये सिया स्वतःच्या हातांनी देवपूजा करताना दिसते. तिच्या चेहऱ्यावरचा आनंद आणि समाधान स्पष्टपणे जाणवतं. पूजेनंतर तिनं आपल्या नव्या घराची एक छोटी झलक दाखवली ज्यात प्रशस्त हॉल, सुंदर सजावट आणि एक छोटीशी बाल्कनी दिसते. घरातील भिंतींवरील शोभेच्या वस्तू आणि प्रकाशयोजनेतून तिच्या आवडीनिवडींची झलकही दिसून येते.
दिवाळीच्या काळात अनेक कलाकार नवीन वस्तू किंवा वाहन खरेदी करतात, पण सिया पाटीलसाठी हे वर्ष अधिक खास ठरलं आहे. पुण्यासारख्या गजबजलेल्या शहरात नवं घर मिळवणं हा तिच्या आयुष्यातील एक महत्वाचा टप्पा आहे. तिच्या चाहत्यांनी सोशल मीडियावर शुभेच्छांचा वर्षाव केला असून “Congratulations”, “Beautiful Home”, “So Happy For You” असे कमेंट्स भरभरून मिळत आहेत.
सिया पाटील ही मराठी मनोरंजन क्षेत्रातील ओळखीचं नाव आहे. तिनं ‘झक मारली बायको केली’, ‘चल गंमत करू’, ‘नवरा माझ्या बायकोचा’, ‘भागम भाग’, ‘बाप रे बाप’, ‘मोहन आवटे’, ‘धूम टू धमाल’ आणि ‘गर्भ’ यांसारख्या अनेक चित्रपटांमधून प्रेक्षकांची मने जिंकली आहेत. याशिवाय ती हिंदी आणि साऊथ चित्रपटसृष्टीतही सक्रिय आहे.
हे पण वाचा.. वडिलपण काय असतं ते या चित्रपटाने शिकवलं!” – भूषण प्रधानचा ‘तू माझा किनारा’ मधील अनुभव
सोशल मीडियावर सतत चाहत्यांशी जोडलेली असलेली सिया पाटील आपल्या आयुष्यातील प्रत्येक छोट्या आनंदाचा भाग चाहत्यांबरोबर शेअर करते, आणि यावेळीही तिचं हे नवं घर चाहत्यांसाठी दिवाळीतील आणखी एक उजळ क्षण ठरलं आहे.
हे पण वाचा.. ठरलं तर मग फेम प्राजक्ता दिघे मैत्रीतून लग्नापर्यंतच्या प्रेमकहाणीसह अनोखी गोष्ट म्हणाल्या..
siya patil buys new house in pune
