simran khedkar exit from devmanus arya roll death : मराठी टेलिव्हिजन विश्वात वेगवेगळ्या जॉनरच्या मालिकांना नेहमीच प्रेक्षकांचा प्रतिसाद मिळतो. कौटुंबिक कथानकांपासून ते थरारक क्राइम मालिकांपर्यंत प्रत्येक जॉनरचा स्वतःचा प्रेक्षकवर्ग आहे. अशाच वेगळ्या धाटणीच्या कथेमुळे झी मराठीवरील ‘देवमाणूस’ ही मालिका सातत्याने चर्चेत राहिली आहे. प्रेम, लालसा, खून, गुन्हे लपवण्यासाठी आखलेले डाव आणि गुन्हेगाराला पकडण्याची शर्यत – या सगळ्यांचा थरारक मेळ या मालिकेत पाहायला मिळतो.
‘देवमाणूस’मधील गोपाळ हे पात्र सुरुवातीपासूनच प्रेक्षकांच्या मनात भीती निर्माण करत आलं आहे. पैशांच्या हव्यासापोटी तो एकामागून एक गुन्हे करत जातो. गावातील एकट्या, भावनिकदृष्ट्या कमकुवत आणि आयुष्यात अडचणींचा सामना करणाऱ्या महिलांना तो आपल्या प्रेमाच्या जाळ्यात अडकवतो. खोट्या प्रेमाचे शब्द, सुरक्षित भविष्याची स्वप्नं आणि लग्नाची आश्वासनं देत तो त्यांचा विश्वास संपादन करतो. मात्र, भविष्यासाठी पैसे हवेत या सबबीखाली तो त्यांच्याकडील दागिने आणि रक्कम घेऊन शेवटी त्यांचा जीव घेतो.
मालिकेच्या सध्याच्या ट्रॅकमध्ये गोपाळबरोबरच लालीदेखील गुन्ह्यांच्या मार्गावर चालताना दिसत आहे. त्यामुळे कथानक अधिक गडद आणि धक्कादायक होत चाललं आहे. या प्रवासात अनेक पात्रांचा अंत झालेला प्रेक्षकांनी पाहिला असून नुकताच आर्या या महत्त्वाच्या पात्राचा मृत्यू दाखवण्यात आला आहे.
आर्या ही भूमिका अभिनेत्री Simran Khedkar हिने साकारली होती. नवऱ्याच्या निधनानंतर स्वतःच्या पायावर उभं राहण्यासाठी झगडणारी, जबाबदाऱ्यांशी लढणारी आर्या प्रेक्षकांना आपलीशी वाटत होती. तिचा भाऊ, इन्स्पेक्टर जामकर, कायम तिच्या पाठीशी उभा होता. बहिण सुरक्षित राहावी यासाठी तो सतत प्रयत्न करत असला तरी आर्या गोपाळच्या प्रेमात अंधपणे अडकली आणि हळूहळू भावापासून सत्य लपवू लागली. अखेर तिच्या या चुकीची किंमत तिला जीव गमावून मोजावी लागली.
आर्या पात्राच्या एक्झिटनंतर Simran Khedkar हिने सोशल मीडियावर काही भावनिक फोटो शेअर केले आहेत. “ज्याची सुरुवात झाली होती, त्याचा शेवट झाला,” अशा शब्दांत तिने या प्रवासाला निरोप दिला. तिच्या पोस्टवर चाहत्यांनीही भावनिक प्रतिक्रिया दिल्या आहेत.
हे पण वाचा.. अंजलीसमोर उघड होणार का राकेशचा खरा चेहरा? तू ही रे माझा मितवा मालिकेत अर्णवचा संताप अनावर
आता Simran Khedkar पुढे कोणत्या नव्या प्रोजेक्टमध्ये दिसणार, याकडे प्रेक्षकांचं लक्ष लागलं आहे. ‘देवमाणूस’मधील तिची भूमिका संपली असली तरी तिच्या अभिनयाची छाप मात्र प्रेक्षकांच्या मनात कायम राहणार आहे.
हे पण वाचा.. काव्यापासून लांब राहायचं!” – लग्नानंतर होईलच प्रेम मध्ये पार्थचं ठाम प्रेम, रम्या-वसूला थेट ताकीद
