मराठी मनोरंजन विश्वाला हादरवून टाकणारी बातमी म्हणजे अभिनेत्री प्रिया मराठे (Priya Marathe) हिचं झालेले अकाली निधन. तिच्या जाण्याने केवळ कुटुंबीयांच्याच नव्हे तर सहकलाकारांच्याही मनावर दुःखाचा डोंगर कोसळला आहे. ‘या सुखांनो या’ मालिकेतून कारकिर्दीची सुरुवात करणारी प्रिया, पुढे अनेक मराठी तसेच हिंदी मालिकांमध्ये झळकली आणि प्रेक्षकांच्या मनात स्थान मिळवत गेली. तिच्या अचानक जाण्याने संपूर्ण इंडस्ट्री शोकमग्न झाली आहे.
या कठीण प्रसंगात तिची जिवलग मैत्रीण आणि अभिनेत्री Shweta Pendse हिने सोशल मीडियावर एक हृदयस्पर्शी पोस्ट लिहिली आहे. जुन्या आठवणींना उजाळा देताना श्वेता अतिशय भावुक झाली आहे. तिने प्रियाबरोबरचा सहवास, तिचं व्यक्तिमत्त्व आणि तिचं आयुष्य जगण्याची पद्धत शब्दांतून व्यक्त केली आहे.
Shweta Pendse ने लिहिलं आहे की, ‘जयोस्तुते’ मालिकेदरम्यान तिची आणि प्रियाची पहिली भेट झाली. ऑडिशनसाठी गेली असताना दरवाजा उघडून आत आलेली प्रिया तिच्या स्मितहास्याने आणि आत्मविश्वासाने मन जिंकून गेली होती. त्या दिवसापासून दोघींची गट्टी जमली. मालिकेत एकत्र काम करताना प्रिया फक्त एक कलाकार नव्हती, तर मार्गदर्शक आणि खरी मैत्रीण ठरली. या क्षेत्रात कसं वागावं, कोणत्या गोष्टींकडे दुर्लक्ष करावं, कोणत्या गोष्टींवर ठाम रहावं—अशा अनेक बाबी Shweta Pendse ने प्रियाकडून शिकल्या.
Shweta Pendse ने पुढे आठवलं की प्रिया रोज डायरी लिहायची. सेटवर तिची एक शाल कायम असायची जी श्वेताही वापरायची. दोघी कायम एकाच मेकअप रूममध्ये असल्या तरी कधी भांडण किंवा वाद झाला नाही. एकदा श्वेताचा वाढदिवस सेटवर साजरा व्हावा, यासाठी सर्वांना सांगून तिने केलेली धडपड अजूनही श्वेताच्या मनात घर करून आहे.
केवळ मालिकेतच नव्हे तर नाटकाच्या क्षेत्रातही त्यांची जोडी जमली होती. ‘अ परफेक्ट मर्डर’ या नाटकात Shweta Pendse ने सोडलेली भूमिका प्रियाने सांभाळली. नंतर श्वेता पुन्हा रंगभूमीवर परतली तेव्हा दोघींना एकत्र काम करण्याची थोडीशी संधी मिळाली. मात्र त्यानंतर प्रियाची तब्येत बिघडली आणि पुढचे प्रयोग रद्द करावे लागले.
हे पण वाचा.. Shivali Parab ने ‘जिकडे तिकडे चहूकडे’ गाण्यावर केला जबरदस्त डान्स; व्हिडीओ सोशल मीडियावर व्हायरल
या आठवणी सांगताना Shweta Pendse ने मनातील खंतही व्यक्त केली. “अनेकांना तर कधीच माहीत नव्हतं की प्रिया आजारी आहे. तिने कधी त्याचा गवगवा केला नाही. मनापासून वाटायचं की ती बरी होईल, पुन्हा आपण भेटू, पण तसं घडलं नाही. तिच्या जाण्याने आयुष्य किती अनिश्चित आहे याची जाणीव पुन्हा झाली. म्हणूनच प्रत्येक वेळी भेटलो तेव्हा मनापासून, प्रेमाने आणि आपुलकीने भेटायला हवं.”
शेवटी Shweta Pendse ने प्रिया मराठेच्या आठवणींना शब्द देत लिहिलं, “प्रिया, मला तुझी खूप आठवण येईल. तू फक्त एक उत्तम अभिनेत्रीच नव्हे, तर एक गोड, प्रेमळ आणि माणुसकी जपणारी व्यक्ती होतीस. तुझं आयुष्य अजून किती रंगमंचावर उजळलं असतं, पण ते अर्धवट राहिलं. तुझ्या आठवणी कायम सोबत असतील.”
हे पण वाचा.. Ankita Walawalkar चं पहिलं गौरीपूजन; कोकणातील परंपरेनुसार सासूबाई आणि पतीसोबत अनुभवला खास क्षण
प्रियाच्या अचानक जाण्याने तिच्या चाहत्यांप्रमाणेच संपूर्ण इंडस्ट्रीत हळहळ व्यक्त होत आहे.
