shreyas talpade prarthana behere navi ghoshna : मराठी आणि हिंदी चित्रपटसृष्टीत आपल्या अभिनयाने प्रेक्षकांची मने जिंकणारा अभिनेता श्रेयस तळपदे पुन्हा एकदा चर्चेत आला आहे. त्याने दसऱ्याच्या शुभ मुहूर्तावर आपल्या पुढील चित्रपटाची घोषणा केली असून, यात खास सरप्राईज चाहत्यांसाठी आहे. कारण या चित्रपटातून त्याच्यासोबत अभिनेत्री प्रार्थना बेहेरेदेखील झळकणार आहे. ‘माझी तुझी रेशीमगाठ’ या लोकप्रिय मालिकेनंतर ही जोडी पुन्हा एकत्र पडद्यावर दिसणार असल्यामुळे चाहत्यांमध्ये उत्सुकतेचे वातावरण आहे.
श्रेयनं सोशल मीडियावर या नव्या प्रवासाची सुरुवात सांगत एक खास पोस्ट शेअर केली. त्यात त्याने लिहिले की, “आईच्या आशीर्वादानं दसऱ्याच्या मुहूर्तावर नांदी होत आहे एका नव्या निर्मितीची… असू देत लाख महिषासुर… पुरे आहे फक्त एक ‘मर्दिनी’.” या घोषणेच्या माध्यमातून त्याने चाहत्यांना २०२६ मध्ये भेटण्याचं आश्वासन दिलं आहे.
या प्रकल्पाचा आणखी एक महत्त्वाचा पैलू म्हणजे Shreyas Talpade स्वतः या चित्रपटाची निर्मिती करत आहे. सोशल मीडियावर शेअर केलेल्या मोशन पोस्टरमध्ये चित्रपटाची दमदार झलक दिसली असून, या उपक्रमाबद्दल चाहत्यांनी भरभरून शुभेच्छा दिल्या आहेत. दिग्दर्शक अजय मयेकर आणि अभिनेत्री प्रार्थना बेहेरे यांनीही ही घोषणा आपल्या अधिकृत अकाउंटवरून चाहत्यांपर्यंत पोहोचवली आहे.
विशेष म्हणजे, ‘माझी तुझी रेशीमगाठ’मधून प्रेक्षकांनी ज्याची जुळवाजुळव पाहिली तीच तिकडी—Shreyas Talpade, प्रार्थना बेहेरे आणि दिग्दर्शक अजय मयेकर—आता पुन्हा एकदा प्रेक्षकांसमोर एक वेगळा चित्रपट घेऊन येणार आहे.
घोषणेनंतर अभिनेते व दिग्दर्शक मंडळींनी श्रेयसला शुभेच्छांचा वर्षाव केला आहे. केदार शिंदे, अमृता खानविलकर, अभिजीत खांडकेकर यांसारख्या अनेक कलाकारांनी या पोस्टखाली कमेंट करत या नव्या प्रकल्पासाठी उत्साह व्यक्त केला. मात्र, अद्याप या चित्रपटातील इतर कलाकारांची नावे गुप्त ठेवण्यात आली आहेत. त्यामुळे प्रार्थना बेहेरे आणि Shreyas Talpade सोबत कोणते चेहरे या चित्रपटातून झळकणार याची प्रेक्षकांमध्ये मोठी उत्सुकता आहे.
काही दिवसांपूर्वीच दिग्दर्शक अजय मयेकर, प्रार्थना बेहेरे आणि श्रेयस तळपदे एकत्र दिसले होते. त्यावेळी श्रेयसच्या हातात एक स्क्रिप्ट असल्याचे चाहत्यांनी पाहिले आणि चर्चेला उधाण आले होते. आता त्या चर्चेला पूर्णविराम देत, अधिकृत घोषणा झाल्याने त्यांच्या चाहत्यांसाठी ही खरोखरच आनंदवार्ता ठरली आहे.
हे पण वाचा.. मराठी इंडस्ट्रीतला आदर आणि संस्कृती मनाला भावली – निकिता दत्ता
२०२६ मध्ये प्रदर्शित होणारा हा चित्रपट केवळ मनोरंजनापुरता मर्यादित न राहता प्रेक्षकांना नवा अनुभव देईल, अशी अपेक्षा व्यक्त केली जात आहे. आता या चित्रपटाबाबत अधिक माहिती कधी जाहीर होणार, याकडे संपूर्ण मराठी चित्रपटसृष्टीचं लक्ष लागलं आहे.
हे पण वाचा.. उमेश कामत आणि प्रिया बापटच्या वैवाहिक आयुष्यातील १४ वर्षांचा सहप्रवास, अभिनेत्रीने शेअर केला खास व्हिडीओ
