Shivani Surve revealed her career mistake : अभिनेत्री शिवानी सुर्वे ही छोट्या पडद्यावरची लोकप्रिय नावंंपैकी एक. थोडं तुझं आणि थोडं माझं या मालिकेतल्या मानसीच्या भूमिकेद्वारे तिनं प्रेक्षकांवर प्रभाव टाकला आणि तिच्या अभिनयाची वेगळी छाप निर्माण केली. लवकरच ती ‘ऑपरेशन लंडन कॅफे’ या चित्रपटातून प्रेक्षकांसमोर नव्या भूमिकेत दिसणार आहे. पण सध्या मात्र तिच्या एका प्रामाणिक खुलाशाने चर्चा रंगली आहे.
‘राजश्री मराठी’ला दिलेल्या मुलाखतीत शिवानीला करिअरमधल्या निर्णयांबद्दल विचारलं असता तिनं स्पष्ट सांगितलं की, अभिनय प्रवासात काही निर्णय योग्य ठरतात, तर काही गंभीर चुका ठरतात. त्यातील एक चूक ती आजही विसरू शकत नाही. ती म्हणाली, “एक रिअॅलिटी शो करणं हा माझ्या करिअरमधील सर्वात चुकीचा निर्णय होता. तुम्ही २४ तास एकाच ठिकाणी राहता, विविध मूडमध्ये असता, पण नक्की कोणत्या बाजूने तुम्हाला दाखवलं जाणार आहे, हे तुमच्या हातात नसतं.”
रिअॅलिटी शोमध्ये दाखवल्या जाणाऱ्या प्रतिमेबद्दल बोलताना Shivani Surve म्हणाली की, तो संपूर्ण खेळ उत्पादन टीमच्या हातात असतो. “शो स्मार्ट पद्धतीनं डिझाइन केलेला असतो. कुठे भांडण दाखवायचं, कुठे कोणत्या टास्कला रंग चढवायचा, हे सगळं आधीच ठरलेलं असतं. मनावरचा ताण, मानसिक खेळ, आणि आपली प्रतिमा कशी दाखवली जाणार आहे या गोष्टींनी मला खूप त्रास दिला,” असं ती सांगते.
या निर्णयामुळे तिला काही वर्षे स्वतःलाच सामोरं जाणं कठीण झालं होतं. “त्या वेळेस मला वाटायचं की, लोकांनी ते विसरावं. मी स्वतःलाही ते मान्य करायला तयार नव्हते. पण आता बऱ्याच गोष्टी स्वीकारायला शिकले आहे. चुकीचा निर्णयच होता… आणि तो खूप मोठा निर्णय होता,” या शब्दांत Shivani Surveनं स्वतःची भावना व्यक्त केली.
पुन्हा प्रेक्षकांशी कशी जोडली गेलीस? असा प्रश्न विचारल्यावर ती म्हणाली की, “मला कुणाला स्वतःबद्दल स्पष्टीकरण द्यायची गरज वाटली नाही. ज्यांना मी कशी आहे हे खरंच माहीत आहे, ते लोक माझ्यासोबत राहिले, तेच माझ्यासाठी महत्वाचे.”
हे पण वाचा.. १२ तासांची शिफ्ट पुरेशी! जास्त तास काम करण्यास मयुरी देशमुखचा ठाम नकार
दरम्यान, Shivani Surve ‘बिग बॉस मराठी २’ मध्ये सहभागी झाली होती आणि त्यानंतर तिनं देवयानी, सातारचा सलमान, झिम्मा २, वाळवी यांसारख्या मालिकांमध्ये व चित्रपटांमध्ये दमदार भूमिका साकारत तिची ओळख अधिक भक्कम केली आहे.
तिचं हे मनापासून केलेलं स्पष्ट वक्तव्य आता चाहत्यांमध्ये चर्चेचा विषय ठरत आहे.
हे पण वाचा.. मीराची मालिकेत ग्रँड रिएन्ट्री! ‘तुला जपणार आहे’च्या नव्या प्रोमोने प्रेक्षकांमध्ये उत्सुकता वाढली
