shivani naik amit rekhi love story marathi : अभिनेत्री शिवानी नाईक आणि अमित रेखी यांच्या साखरपुड्याची बातमी समोर आल्यानंतर चाहत्यांनी सोशल मीडियावर शुभेच्छांचा वर्षाव केला आहे. दोघांनी आपले साखरपुड्याचे फोटो शेअर करत एक सुंदर नव्या प्रवासाची सुरुवात केली. गेल्या आठ वर्षांपासून नात्यात असलेले हे दोघे अखेर त्यांच्या प्रेमकहाणीबद्दल उघडपणे बोलले, आणि ती कहाणी ऐकून चाहत्यांच्या चेहऱ्यावर हसू उमटलं आहे.
अमित रेखीने सांगितलं की, “मला शिवानी पहिल्यांदा अभिनेत्री म्हणूनच आवडली. स्टेजवर तिचा अभिनय पाहून मी भारावलो होतो. तिच्या कामगिरीने मला खूप प्रभावित केलं. पण हळूहळू मला जाणवलं की तिच्यातील माणूस अधिक सुंदर आहे. चार-पाच महिने मी फक्त तिला पाहत राहिलो. ती जेथे जेथे परफॉर्म करायची तेथे मी असायचो, पण बोलायची हिंमत होत नव्हती.”
नंतर अमितने सोशल मीडियावर तिचा शोध घेतला आणि अखेर फेसबुकवर तिचा प्रोफाईल मिळाल्यानंतर त्याने धैर्य एकवटून तिला मेसेज केला. “मी माझ्या भावना सांगितल्या, पण शिवानीने तात्काळ उत्तर दिलं नाही. जवळपास सहा महिन्यांनी तिनं मला होकार दिला,” अमित हसत म्हणाला.
शिवानी नाईक हिनेही या आठवणींना उजाळा देत सांगितलं, “मी त्या वेळी माझ्या कामात व्यस्त होते. अमितचा मेसेज आला, पण लगेच निर्णय घेणं योग्य नव्हतं. थोडा वेळ घेऊन त्याच्याबद्दल जाणून घेतलं, त्याचा स्वभाव, कुटुंब सगळं समजून घेतलं आणि मग होकार दिला.”
या दोघांच्या घरच्यांनाही त्यांच्या नात्याचा आनंद आहे. शिवानी म्हणते, “माझ्या घरच्यांनी अमितला अनेक वर्षांपासून ओळखलं आहे. आम्ही नेहमी घरातच भेटायचो, त्यामुळे त्याला घरच्यांसोबत एक वेगळं नातं तयार झालं.” अमित हसत म्हणतो, “आजही ते मला जावई नव्हे, तर मुलगाच मानतात.”
शिवानी आणि अमित या दोघांची ही प्रेमकहाणी साधेपणातल्या सुंदरतेचं उत्तम उदाहरण आहे. आठ वर्षांच्या सहवासानंतर या जोडप्याने अखेर आपल्या नात्याला नवं नाव दिलं आहे, आणि त्यांच्या या गोड नात्याला शुभेच्छा देत सगळेच म्हणत आहेत – खऱ्या प्रेमाला वेळ लागतो, पण शेवटी ते जिंकतंच.
हे पण वाचा.. पहिल्याच मालिकेत शशांक केतकरची नायिका बनताना दडपण आलं होतं,” तन्वी मुंडलेचा मनमोकळा खुलासा
