shilpa shetty raj kundra 60 crore fraud lookout notice : बॉलिवूड अभिनेत्री “Shilpa Shetty” आणि तिचे पती, उद्योजक “Raj Kundra“, यांच्याविरोधात 60 कोटी रुपयांच्या फसवणुकीचा गंभीर आरोप झाला असून आता मुंबई पोलिसांनी या दोघांवर Lookout Circular (LOC) जारी केला आहे. पोलिस सूत्रांच्या माहितीनुसार, हे पाऊल उचलण्यामागचं मुख्य कारण म्हणजे या दांपत्याचे वारंवार होणारे परदेश दौरे.
ही कारवाई आर्थिक गुन्हे शाखेच्या (EOW) वतीने करण्यात आली असून, प्रकरणाची चौकशी सध्या गतीमान करण्यात आली आहे. या प्रकरणात व्यावसायिक दीपक कोठारी यांनी गंभीर आरोप नोंदवले आहेत. कोठारी यांनी तक्रारीत नमूद केलं आहे की, 2015 ते 2023 या कालावधीत “Shilpa Shetty” आणि “Raj Kundra” यांनी त्यांच्या Best Deal TV Pvt. Ltd. या कंपनीच्या विस्तारासाठी जवळपास 60 कोटी रुपये घेतले. मात्र, नंतर हे पैसे व्यावसायिक वापराऐवजी वैयक्तिक खर्चासाठी वापरल्याचा आरोप करण्यात आला आहे.
दीपक कोठारी यांचा दावा आहे की, या रकमेला मूळतः कर्जाच्या स्वरूपात घेतलं गेलं होतं, ज्यावर 12 टक्के वार्षिक व्याजासह परतफेड केली जाईल, अशी हमी देण्यात आली होती. एवढंच नव्हे तर, “Shilpa Shetty” यांनी 2016 मध्ये या कराराला वैयक्तिक हमीपत्रही दिलं होतं. परंतु काही महिन्यांतच त्यांनी कंपनीच्या संचालकपदाचा राजीनामा दिला. नंतर कोठारी यांना कळलं की कंपनीवर आधीपासूनच 1.28 कोटी रुपयांचं दिवाळखोरीचं प्रकरण प्रलंबित आहे, ज्याची माहिती त्यांना पूर्वी देण्यात आलेली नव्हती.
या प्रकरणाची चौकशी करताना पोलिसांनी कंपनीच्या लेखापालालाही चौकशीसाठी बोलावलं आहे. तसेच “Shilpa Shetty” आणि “Raj Kundra” यांच्या प्रवास नोंदीही तपासल्या जात आहेत. गुन्हे शाखेने सांगितले की, 10 कोटींपेक्षा अधिक रकमेच्या फसवणुकीच्या प्रकरणांत प्रकरण EOW कडे हस्तांतरित करण्याची कायदेशीर अट असते. त्यामुळे जूहू पोलिस ठाण्यात नोंदवलेला हा गुन्हा आता आर्थिक गुन्हे शाखेच्या अखत्यारीत गेला आहे.
हे पण वाचा.. “Baaghi 4”: टायगर श्रॉफच्या दमदार अॅक्शनला प्रेक्षकांची दाद, पण कथानकावर मिश्र प्रतिक्रिया
दरम्यान, “Shilpa Shetty” आणि “Raj Kundra” यांनी मात्र या सर्व आरोपांचा जोरदार विरोध केला आहे. त्यांनी आपल्या भूमिकेत स्पष्ट केले आहे की, हे प्रकरण पूर्णपणे बनावट असून त्यांची प्रतिमा मलिन करण्यासाठी रचलेले आहे.
लक्षात घेण्यासारखी बाब म्हणजे Lookout Circular जारी झाल्यानंतर, संबंधित व्यक्ती देशाबाहेर जाण्याचा प्रयत्न केल्यास तात्काळ विमानतळ व सीमाशुल्क अधिकाऱ्यांना सूचना मिळते. त्यामुळे “Shilpa Shetty” आणि “Raj Kundra” यांना या चौकशीदरम्यान परदेश प्रवास करणे शक्य होणार नाही.
या प्रकरणाचा पुढील तपास सुरू असून, न्यायालयीन प्रक्रियेद्वारे या गंभीर आर्थिक गैरव्यवहाराचा उलगडा होईल की नाही, याकडे सर्वांचे लक्ष लागले आहे.
हे पण वाचा.. “Inspector Zende”: मनोज वाजपेयी आणि जिम सर्भ यांचा दमदार अभिनय,रोमांचक विनोदी कथा नेटफ्लिक्सवर प्रदर्शित
