shehnaaz gill ik kudi interview marriage thoughts : ‘बिग बॉस १३’मधून घराघरात पोहोचलेली शहनाज गिल (Shehnaaz Gill) आजही प्रेक्षकांच्या मनात विशेष स्थान ठेवते. तिच्या साधेपणाने आणि स्पष्ट स्वभावाने चाहत्यांची मने जिंकलेली ही अभिनेत्री आता पुन्हा एकदा मोठ्या पडद्यावर झळकली आहे. ‘इक कुडी’ या नव्या पंजाबी चित्रपटातून ती केवळ अभिनेत्री म्हणून नाही तर निर्मातीच्या भूमिकेतही समोर आली असून चाहत्यांत तिच्या या प्रवासाबद्दल उत्सुकता आहे.
शहनाज गिल आणि दिवंगत अभिनेता सिद्धार्थ शुक्ला यांची ‘सिडनाज’ ही जोडी प्रेक्षकांच्या मनात खोलवर घर करून गेली होती. दोघांमधील जिव्हाळ्याचा नातेसंबंध आणि त्यांची खरी मैत्री आजही चाहत्यांच्या आठवणीत ताजी आहे. सिद्धार्थच्या अचानक झालेल्या निधनाने शहनाझच्या आयुष्यात मोठी पोकळी निर्माण झाली होती. त्या धक्क्यातून सावरत तिने पुन्हा कामात स्वतःला झोकून दिलं आणि आज ती परत आपल्या स्वप्नांचा पाठलाग करताना दिसते.
चित्रपटाच्या प्रमोशनदरम्यान तिला लग्नाविषयी विचारण्यात आलं असता शहनाज गिल ने अतिशय स्पष्टपणे प्रतिक्रिया दिली. ती म्हणाली, “लग्न करणे बंधनकारक नाही. ज्याला करायचं आहे त्याने करावं, ज्याला नाही त्याने न करणं यात काही गैर नाही.” सध्या तरी तिने लग्नाची कोणतीही योजना नसल्याचं सांगितलं, मात्र भविष्यात काय होईल हे ठामपणे सांगता येत नसल्याचंही तिने नमूद केलं. “उद्या कदाचित योग्य व्यक्ती भेटली तर निर्णय बदलू शकतो,” असे ती हसत म्हणाली.
सिद्धार्थ शुक्लासोबतच्या खास नात्याबद्दल विचारले असता शहनाझने लग्न हा आयुष्यातील अतिशय महत्त्वाचा टप्पा असल्याचं सांगितलं. “हा फक्त सोहळा नसतो, तर संपूर्ण आयुष्याची जबाबदारी असते,” असे तिचे शब्द चाहत्यांना भावले.
२०१५ मध्ये म्युझिक व्हिडिओमधून करिअरची सुरुवात करणाऱ्या शहनाज गिल ने पंजाबी चित्रपटसृष्टीत स्वतःची ओळख निर्माण केली. नंतर तिने ‘हौसला रख’, सलमान खानचा ‘किसी का भाई किसी की जान’ आणि ‘थॅंक्यू फॉर कमिंग’ सारख्या हिंदी चित्रपटांमधूनही आपली बहुमुखी प्रतिभा दाखवली आहे.
हे पण वाचा.. आपलं लेकरू मेहनतीनं पुढं जातंय अभिनेता किरण माने यांच्या लेकीची हिंदी रंगभूमीवर दमदार एन्ट्री!
आज शहनाज गिल पुन्हा नव्या प्रवासात उत्साहाने पुढे जाताना दिसतेय. चाहत्यांसाठी तिचे प्रत्येक पाऊल विशेष आहे, आणि ‘इक कुडी’सह तिने पुन्हा एकदा सिद्ध केलं की धैर्य, मेहनत आणि स्वतःवरचा विश्वास आपल्याला आयुष्याच्या प्रत्येक टप्प्यावर पुढे नेत असतो.
