savalyachi janu savli bhagyashree dalvi new business : मराठी टेलिव्हिजन विश्वात सध्या सावळ्याची जणू सावली ही मालिका विशेष चर्चेत आहे. दीड वर्षांहून अधिक काळ प्रेक्षकांच्या मनावर अधिराज्य गाजवणाऱ्या या मालिकेतील प्रत्येक पात्र घराघरात पोहोचलं आहे. सावली, सारंग, भैरवी यांच्यासोबतच भैरवीच्या मुलीची म्हणजेच ‘तारा’ची भूमिका साकारणारी अभिनेत्री Bhagyashree Dalvi हिनेही प्रेक्षकांची मनं जिंकली. आता या लोकप्रिय अभिनेत्रीने अभिनयापलीकडे एक नवा आणि प्रेरणादायी निर्णय घेतला आहे.
Bhagyashree Dalvi हिने तिच्या बहिणीसोबत मिळून घरगुती कुकीजचा व्यवसाय सुरू केला आहे. या नव्या उपक्रमाची माहिती तिने सोशल मीडियावर शेअर करत चाहत्यांना आनंदाची बातमी दिली. पोस्टमध्ये तिने सांगितलं की, या कुकीज अगदी मनापासून आणि घरच्या चवीसारख्या बनवल्या जात आहेत. लहानसा का होईना, प्रत्येक व्यवसायामागे एक कथा असते आणि हा प्रवास आपुलकीने सुरू करत असल्याचं तिने व्यक्त केलं.
Bhagyashree Dalvi च्या या निर्णयाला तिच्या सहकलाकारांनीही मोठा पाठिंबा दिला आहे. ‘सावली’ ही मुख्य भूमिका साकारणारी अभिनेत्री प्राप्ती रेडकर हिने कमेंट करत “तुम्हा दोघी बहिणींचा खूप अभिमान वाटतो, अखेर हा व्यवसाय सुरू झालाच” अशा शब्दांत भावना व्यक्त केल्या. तर अभिनेत्री मेघा धाडे हिने “वॉव! आमचे आवडते कुकीज आता सगळ्यांसाठी उपलब्ध होणार” असं म्हणत आनंद व्यक्त केला. याशिवाय अनेक चाहत्यांनीही Bhagyashree Dalvi आणि तिच्या बहिणीला शुभेच्छांचा वर्षाव केला आहे.
अभिनय क्षेत्रात काम करत असताना स्वतःचा व्यवसाय सुरू करणं ही गोष्ट अनेकांसाठी प्रेरणादायी ठरत आहे. सावळ्याची जणू सावली या मालिकेमुळे मिळालेली लोकप्रियता जपत Bhagyashree Dalvi हिने स्वतःच्या आवडीला व्यवसायाचं रूप दिलं आहे. तिच्या या नव्या प्रवासाला प्रेक्षकांचा आणि सहकाऱ्यांचा मिळणारा पाठिंबा लक्षवेधी आहे.
हे पण वाचा.. अनंत जोग यांच्या डोळ्यांत पाहिलं आणि घाबरले– अभिज्ञा भावे काय म्हणाली?
दरम्यान, सावळ्याची जणू सावली या मालिकेत Bhagyashree Dalvi सोबत प्राप्ती रेडकर, साईंकित कामत, सुलेखा तळवलकर आणि वीणा जगताप यांसारखे कलाकार महत्त्वाच्या भूमिकेत दिसत आहेत. ही मालिका दररोज सायंकाळी साडेसहा वाजता झी मराठीवर प्रसारित होते. अभिनयासोबतच उद्योजकतेकडे वाटचाल करणाऱ्या Bhagyashree Dalvi चा हा नवा अध्याय चाहत्यांसाठी नक्कीच खास ठरणार आहे.
हे पण वाचा.. आई कुठे काय करते’ फेम अपूर्वा गोरेचं लग्न ठरलं; अभिनेता अंशुमन जोशी होणार गोरेंचा जावई
