samruddhi kelkar ichya aaichya daginya baddal bhavnik aathavan : लहान पडद्यावरील लोकप्रिय अभिनेत्री Samruddhi Kelkar हिने अलिकडेच तिच्या चाहत्यांसोबत एक भावनिक आठवण शेअर केली आहे. ‘हळद रुसली कुंकू हसलं’ या मालिकेद्वारे सध्या ती प्रेक्षकांच्या मनात घर करून बसली आहे. मालिकेत ती कृष्णा हे पात्र साकारत असून तिच्या नैसर्गिक अभिनयामुळे प्रेक्षकांनी तिला मनापासून पसंती दिली आहे. मात्र, या वेळेस समृद्धीने मालिकेतील नव्या ट्रॅकपेक्षा तिच्या आईच्या आठवणींबद्दल खुलासा केला आहे.
एका खास मुलाखतीत बोलताना Samruddhi Kelkar हिने सांगितलं की, तिच्या आईचं निधन झाल्यानंतर ती तिच्या आईचे काही जुने दागिने आजही जपून ठेवते. हे दागिने फक्त सोनं किंवा चांदी नसून तिच्यासाठी त्या आईच्या प्रेमाची आणि आठवणींची अमूल्य निशाणी आहेत. ती म्हणाली, “हा माझ्या आईचा सेट आहे. तो मी खूप जपून ठेवते. माझ्या मनाजवळ असणारा हा माझा आवडता दागिना आहे.”
तिने पुढे सांगितलं की हे दागिने जवळपास आठ ते नऊ वर्षांपूर्वीचे आहेत आणि ते तिला नेहमी तिच्या आईची आठवण करून देतात. समृद्धीच्या चेहऱ्यावर बोलताना भावनांचा ओलावा स्पष्ट दिसत होता.
‘हळद रुसली कुंकू हसलं’ या मालिकेत कृष्णा आणि दुष्यंतचं नुकतंच लग्न झालं असून लग्नानंतर कृष्णाच्या लूकमध्ये झालेला बदल प्रेक्षकांना आवडला आहे. या लूकसाठी लागणाऱ्या दागिन्यांबद्दल बोलताना Samruddhi Kelkar म्हणाली, “माझ्याकडे अनेक दागिने आहेत. मी मालिकेच्या सिक्वेन्सनुसार दागिने सेटवर घेऊन येते. जर परवानगी मिळाली तर मी ते दागिने वापरते.”
तिने तिच्या मेकअप रूमची झलक दाखवत सांगितलं की, दररोज सेटवर जाताना तिचे वडील तिच्यासाठी स्वतःच्या हाताने डबा भरून देतात. तिचं ती, तिची बहीण आणि वडील असं छोटं पण प्रेमळ कुटुंब आहे. समृद्धीची बहीण विवाहित असून तिच्या मुलासोबत समृद्धीचे अनेक फोटो सोशल मीडियावर पाहायला मिळतात.
हे पण वाचा.. “मराठी कलाकारांसाठी संघर्ष वाढतोय; काम आणि संधी कमी झाल्याचं धनंजय पोवारचं स्पष्ट मत”
समृद्धी सोशल मीडियावरही खूप सक्रिय आहे. तिथे ती मालिकेच्या सेटवरील क्षण, कुटुंबासोबतचे फोटो आणि वैयक्तिक अनुभव चाहत्यांशी शेअर करत असते. पण यावेळी तिने शेअर केलेली ही आईची आठवण अनेकांच्या मनाला भिडली आहे. तिच्या चाहत्यांनीही या पोस्टखाली भावना व्यक्त करत “आईच्या आठवणी नेहमी सोबत असतात” असं लिहून समृद्धीला आधार दिला.
Samruddhi Kelkar ने आपल्या आईचे दागिने जपून ठेवत तिच्या आठवणींचा एक सुंदर ठेवा आयुष्यात जपला आहे. तिच्या या भावनिक कथेमुळे पुन्हा एकदा सिद्ध झालं की, आईच्या आठवणींइतकी मौल्यवान संपत्ती दुसरी नाही.
हे पण वाचा.. सावळ्याची जणू सावली फेम प्राप्ती रेडकरचा खुलासा “मी किकबॉक्सर असूनही सावलीमुळे Prapti Redkar Savlyachi Janu Savali
