samir choughule nirmiti sawant lekhan kissa : मराठी रंगभूमी आणि टेलिव्हिजनवर आपल्या अभिनयाची छाप सोडणारे अभिनेते Samir Choughule फक्त उत्तम कलाकारच नाहीत तर ते लेखक म्हणूनदेखील प्रेक्षकांमध्ये ओळखले जातात. ‘महाराष्ट्राची हास्यजत्रा’ या लोकप्रिय कार्यक्रमातून त्यांची विनोदी प्रतिभा सर्वांना माहीत आहे. परंतु, लेखन क्षेत्रात त्यांनी कशी पावलं टाकली याबाबत त्यांनी नुकताच एक मनोरंजक किस्सा सांगितला.
सोनी मराठीवरील ‘एमएचजे अनप्लग्ड’ या पॉडकास्टमध्ये सहभागी झालेल्या Samir Choughule यांना लेखनात कसं पदार्पण झालं असा प्रश्न विचारला गेला. त्यावर त्यांनी उत्तर दिलं की, सुरुवातीला लेखनाची आवड नव्हती. मात्र, दोन व्यक्तींमुळे ते या क्षेत्रात आले – निर्मिती सावंत आणि लेखक राजेश देशपांडे.
त्यांच्या मते, “निर्मिती सावंत यांची दहशत सगळ्यांनाच माहीत आहे. त्यांनी मला थेट सांगितलं की ‘तुला लिहिलंच पाहिजे, नाहीतर माझ्याशी बोलू नकोस.’ त्यांच्या या शब्दांमुळे मी लेखन सुरू केलं. मी लिहिलेल्या पहिल्या काही एपिसोड्स त्यांना खूपच आवडले आणि त्यानंतर मलाही या कामाची गोडी लागली.”
हे पण वाचा.. आदिश वैद्य पुन्हा प्रेमात? रेवती लेलेसोबतचं नातं संपल्यानंतर आता पुजा काकुर्डेसोबत चर्चेत
Samir Choughule यांनी केवळ मालिका नाही तर कार्टून फिल्म्स आणि चॅनल्ससाठीही लेखन केलं. “मी शिनचॅन, ऑगी अँड द कॉकरोचेस, कोबोचॅन यांसारख्या लोकप्रिय कार्टून शोसाठी स्क्रिप्ट लिहिली. डिस्कव्हरी चॅनलसाठीदेखील काम केलं. हळूहळू लेखन हा माझ्या करिअरचा महत्त्वाचा भाग बनला. मात्र मी फार निवडक विषयांवरच लिहिण्याचा निर्णय घेतला आहे,” असं ते सांगतात.
अभिनय आणि लेखन या दोन्ही क्षेत्रांत सक्रिय असलेले Samir Choughule यांनी नुकताच ‘गुलकंद’ या चित्रपटातून प्रेक्षकांची मनं जिंकली. प्रसाद ओक आणि सई ताम्हणकर यांच्यासोबत त्यांनी साकारलेली भूमिका चर्चेत राहिली. आता त्यांच्या आगामी प्रकल्पांकडे प्रेक्षक उत्सुकतेने पाहत आहेत.
निर्मिती सावंतांच्या ‘दहशती’मुळे सुरू झालेला त्यांचा हा लेखनप्रवास आज त्यांच्या कारकिर्दीचा एक अविभाज्य भाग ठरला आहे.
हे पण वाचा.. लग्नावरील सामाजिक दबावामुळे स्वानंदी भावूक; “वीण दोघातली ही तुटेना”च्या प्रोमोवर प्रेक्षकांची दाद
