sai tamhankar diwali festive magic : दिवाळी म्हणजे आनंद, प्रकाश आणि सकारात्मकतेचं प्रतीक. हा सण प्रत्येकजण आपल्या पद्धतीने साजरा करतो. काही जण भव्य पार्टी करतात, काही कुटुंबीयांसोबत शांतपणे उत्सव साजरा करतात. मात्र, अभिनेत्री Sai Tamhankar मात्र दिवाळी वेगळ्या पद्धतीने साजरी करते. गेली काही वर्षं ती आपल्या राहत्या घरी पारंपरिक पद्धतीने ‘दिवाळी पहाट’ या खास कार्यक्रमाचं आयोजन करते, आणि या मागे तिचं विचारपूर्वक कारण आहे.
अलीकडेच दिलेल्या एका मुलाखतीत Sai Tamhankar हिने तिच्या या अनोख्या निर्णयामागचं कारण स्पष्ट केलं. ती म्हणाली, “नवीन घर घेतल्यानंतर मला तिथे पार्त्यांनी सुरुवात करायची नव्हती. मला वाटलं की या घरात काहीतरी वेगळी, सकारात्मक व्हायब्रेशन्स यायला हव्यात. म्हणूनच आम्ही दिवाळी पहाटचा विचार केला.”
ती पुढे सांगते की, ही कल्पना तिच्या आणि तिच्या मित्रमंडळींच्या चर्चेतून जन्माला आली. दिग्दर्शक-लेखक ज्ञानेश झोटिंगसोबत तिने या कार्यक्रमाचं आयोजन करण्यास सुरुवात केली. पहिल्या वर्षी जेव्हा हा कार्यक्रम झाला, तेव्हा तो अनुभव सईसाठी अविस्मरणीय ठरला. “त्या सकाळचं वातावरण, लोकांचा उत्साह, शास्त्रीय संगीताचा आस्वाद – सगळंच खास होतं. तो क्षण शब्दांत व्यक्त करणं अशक्य आहे,” असं ती म्हणाली.
दरवर्षी सकाळी साडेसात वाजता सईच्या घरी शास्त्रीय संगीत, फराळ, नाश्ता आणि आनंदाने भरलेली पहाट सुरू होते. पाहुणे पारंपरिक वेषात घरी येतात आणि संगीताच्या सुरांनी दिवसाची सुरुवात होते. Sai Tamhankar सांगते की, या कार्यक्रमामुळे तिच्या घरात सकारात्मक ऊर्जा निर्माण होते आणि दिवाळीचा खरा अर्थ अनुभवायला मिळतो.
या वर्षीही सईने १९ ऑक्टोबरला तिच्या घरी दिवाळी पहाट कार्यक्रमाचं आयोजन केलं. दिवाळीबद्दल बोलताना ती म्हणाली, “दिवाळी हा माझा आवडता सण आहे. या काळात हवेतच आनंद आणि प्रकाश भरलेला असतो. या दिवसांत कोणतेही नकारात्मक विचार आपल्या मनात शिरत नाहीत, आणि हीच दिवाळीची जादू आहे.”
हे पण वाचा..‘पुन्हा शिवाजीराजे भोसले’ चित्रपटात अभिनेता सिद्धार्थ जाधवचा खतरनाक अवतार!‘पुन्हा शिवाजीराजे भोसले’ चित्रपटात अभिनेता सिद्धार्थ जाधवचा खतरनाक अवतार!
Sai Tamhankar ही तिच्या स्पष्टवक्तेपणासाठी आणि वेगळ्या विचारांसाठी ओळखली जाते. मराठी चित्रपटसृष्टीत ‘दुनियादारी’, ‘तू ही रे’, ‘क्लासमेट्स’, ‘धुरळा’ यांसारख्या चित्रपटांत तर हिंदी प्रेक्षकांसाठी ‘मिमी’, ‘डब्बा कार्टेल’ आणि ‘ग्राउंड झिरो’ सारख्या प्रकल्पांमधून तिने आपली वेगळी ओळख निर्माण केली आहे.
तिच्या या खास दिवाळी साजरी करण्याच्या पद्धतीमुळे अनेक चाहत्यांनी सोशल मीडियावर तिचं कौतुक केलं आहे. पारंपरिकतेसोबत आधुनिक विचारांची सांगड घालणारी ही अभिनेत्री खरोखरच प्रेरणादायी आहे.
हे पण वाचा.. दिवाळीचा आनंद द्विगुणित! अभिनेत्री अनुजा साठेचं ‘नवं घरकुल’, चाहत्यांना दाखवली खास झलक
