Saadhi Maansa Off Air : मराठी टेलिव्हिजनवरील लोकप्रिय मालिकांपैकी एक ठरलेली ‘Saadhi Maansa’ आता प्रेक्षकांचा निरोप घेणार असल्याची चर्चा जोरात सुरू आहे. गेल्या दोन वर्षांपासून प्रेक्षकांच्या मनावर अधिराज्य गाजवणारी ही मालिका आता आपल्या अंतिम टप्प्यात पोहोचली आहे. नुकताच मालिकेच्या सेटवर शेवटच्या शूटिंगचा दिवस पार पडला असून, या वेळी संपूर्ण टीमने खास सेलिब्रेशन करत हा प्रवास आठवणींनी भरून टाकला.
‘Saadhi Maansa’ ही मालिका सुरुवातीपासूनच आपल्या साध्या, वास्तववादी कथानकामुळे प्रेक्षकांच्या पसंतीस उतरली होती. मार्च २०२४ मध्ये सुरू झालेल्या या मालिकेने अल्पावधीतच मोठी लोकप्रियता मिळवली. मालिकेतील सत्या आणि मीरा या पात्रांची केमिस्ट्री प्रेक्षकांना विशेष भावली होती. शिवानी बावकर आणि आकाश नलावडे यांनी साकारलेल्या या भूमिकांनी प्रेक्षकांच्या मनात खास स्थान निर्माण केलं.
दरम्यान, ‘Star Pravah’ वाहिनीवर ३० मार्चपासून ‘आनंदी’ ही नवीन मालिका सुरू होणार आहे. या बदलांमुळे वाहिनीच्या वेळापत्रकात मोठे फेरबदल करण्यात आले आहेत. ‘वचन दिले तू मला’ या मालिकेची वेळ बदलून सायंकाळी साडेसहा वाजता करण्यात आली आहे. याच स्लॉटमध्ये ‘Saadhi Maansa’ प्रसारित होत होती. त्यामुळे या मालिकेचं पुढे काय होणार, असा प्रश्न चाहत्यांना पडला होता. आता मिळालेल्या माहितीनुसार ‘Saadhi Maansa’ मालिका संपवण्याचा निर्णय घेण्यात आल्याचं स्पष्ट होत आहे.
शेवटच्या शूटिंग दिवशी कलाकारांनी एकमेकांसोबत केक कापत आनंद साजरा केला, पण त्याचवेळी दोन वर्षांचा प्रवास संपत असल्याने अनेकजण भावुक झाल्याचं दिसून आलं. सेटवरील हे क्षण सोशल मीडियावरही चर्चेचा विषय ठरत आहेत. चाहत्यांनी देखील या बातमीवर प्रतिक्रिया देताना मालिका लवकर संपवू नका, अशी विनंती केली आहे.
‘Saadhi Maansa’ मालिकेत शिवानी बावकर आणि आकाश नलावडे यांच्यासोबत सुप्रिया पाठारे, पंढरीनाथ कांबळे, पंकज खामकर, प्रशांत चौडप्पा, प्रतिभा गायकवाड यांसारख्या कलाकारांनीही महत्त्वाच्या भूमिका साकारल्या होत्या. प्रत्येक पात्राने कथेला वेगळं रूप दिलं आणि त्यामुळेच ही मालिका घराघरात पोहोचली.
हे पण वाचा.. लग्नानंतर होईलच प्रेम : पार्थच्या युक्तीने काव्याचा आत्मविश्वास परत, तर रम्याच्या मनात नवा डाव
Saadhi Maansa Off Air
अद्याप अधिकृतरीत्या वाहिनीकडून घोषणा करण्यात आलेली नसली तरी २९ मार्च रोजी ‘Saadhi Maansa’चा शेवटचा भाग प्रसारित होईल, अशी चर्चा आहे. आता या मालिकेनंतर शिवानी बावकर पुढे कोणत्या नव्या प्रोजेक्टमध्ये दिसणार याकडेही चाहत्यांचं लक्ष लागलं आहे.
हे पण वाचा.. ठरलं तर मग : प्रियाचा मोठा खोटेपणा उघड! सायलीच्या हाती पक्के पुरावे, नवऱ्याच्या जाळ्यात अस्मिता पुन्हा फसणार?
एकूणच, ‘Saadhi Maansa’ ही मालिका संपत असली तरी तिच्या आठवणी आणि पात्रं प्रेक्षकांच्या मनात कायम राहणार यात शंका नाही.
