rohit sharma यांनी कसोटी क्रिकेटमधून घेतली निवृत्ती, एका युगाचा झाला अंत

कसोटी क्रिकेटमधील हिटमॅनचा शेवट — rohit sharma यांची निवृत्ती एक युगाची सांगता करत आहे.

भारतीय क्रिकेटमधील ‘हिटमॅन’ म्हणून ओळखल्या जाणाऱ्या रोहित शर्मा (rohit sharma)यांनी अखेर कसोटी क्रिकेटमधून निवृत्ती जाहीर केली आहे. सोशल मीडियावर भावनिक पोस्टद्वारे त्यांनी ही माहिती दिली आणि एक दशकाहून अधिक काळ चाललेल्या आपल्या कसोटी कारकिर्दीवर पडदा टाकला. त्यांनी स्पष्ट केलं की, वनडे क्रिकेटमध्ये ते खेळत राहणार आहेत.

“कसोटी क्रिकेटमधून निवृत्त होण्याचा निर्णय घेत आहे. भारतासाठी पांढऱ्या कपड्यांत खेळणे हा माझ्यासाठी एक सन्मान होता. यापुढे मी केवळ वनडे क्रिकेटमध्ये देशाचं प्रतिनिधित्व करणार आहे,” असं rohit sharma यांनी आपल्या इंस्टाग्रामवर म्हटलं.

rohit sharma 11 वर्षांची कसोटी सफर

rohit sharma यांची कसोटी कारकीर्द 2013 साली कोलकातामध्ये वेस्ट इंडीजविरुद्ध सुरु झाली. त्यावेळी त्यांनी पदार्पणात 177 धावांची खेळी करत जगभरात आपली छाप सोडली. विशेष म्हणजे, त्यांच्या दुसऱ्या कसोटीत – जी मास्टर ब्लास्टर सचिन तेंडुलकर यांची शेवटची कसोटी होती – त्यांनी पुन्हा एक शतक ठोकलं. त्यामुळे सलग दोन कसोट्यांमध्ये शतक ठोकणाऱ्या मोजक्या भारतीय फलंदाजांमध्ये rohit sharma यांचा समावेश झाला.

त्यांच्या कसोटी कारकीर्दीच्या पहिल्या टप्प्यात फारशी सातत्यपूर्ण कामगिरी दिसून आली नाही. 2017 पर्यंत केवळ एकच शतक ते करू शकले होते. मात्र, 2019 मध्ये जेव्हा त्यांना सलामीवीर म्हणून बढती देण्यात आली, तेव्हा त्यांच्या खेळात एक नवा आत्मविश्वास दिसून आला. दक्षिण आफ्रिकेविरुद्ध त्यांनी विशाखापट्टणममध्ये सलामीवीर म्हणून पहिलेच शतक ठोकलं आणि त्याच सामन्यात दोन शतके झळकावली. त्यानंतर रांची कसोटीत 212 धावा करून त्यांनी आपलं पहिले दुहेरी शतक नोंदवलं.

हे पण वाचा .. pbks vs dc : IPL प्लेऑफच्या शर्यतीत आज धरमशाळा रंगणार; दिल्लीला ‘कमबॅक’ची गरज, पंजाब टॉप दोनमध्ये डोळा

इंग्लंडविरुद्धच्या कसोट्यांमध्ये ठसा

रोहित शर्मा यांनी 2021 मध्ये चेन्नईमध्ये फिरकीला साथ देणाऱ्या खेळपट्टीवर इंग्लंडविरुद्ध 161 धावांची जबरदस्त खेळी केली. त्याच वर्षी इंग्लंड दौऱ्यात त्यांनी द ओव्हल मैदानावर पहिलं परदेशातलं शतक झळकावलं आणि भारताला ऐतिहासिक विजय मिळवून दिला.

2024 मध्ये त्यांनी इंग्लंडविरुद्ध पुन्हा दोन शतके झळकावली आणि भारताला 1-0 मागून 4-1 ने मालिका जिंकून दिली. पण त्यानंतर त्याच्या कामगिरीत घट झाली. 2024-25 हंगामात 15 डावांत केवळ एकच अर्धशतक ते करू शकले आणि त्यांचा सरासरी 45.46 वरून थेट 41.46 वर आला.

कर्णधार म्हणून मिश्र अनुभव

2022 मध्ये विराट कोहलीकडून कसोटी संघाचं नेतृत्व स्वीकारल्यानंतर rohit sharma यांनी 24 कसोट्यांत कर्णधारपद निभावलं. त्यातील 12 सामने जिंकले, 9 गमावले, तर उर्वरित अनिर्णीत राहिले. परंतु 2025 मध्ये न्यूझीलंडविरुद्ध घरच्या मैदानावर 0-3 ने झालेल्या पराभवामुळे त्यांचं नेतृत्व चर्चेत आलं. भारताला तब्बल 12 वर्षांनी घरच्या मैदानावर कसोटी मालिका गमवावी लागली.

ऑस्ट्रेलियाविरुद्ध बॉक्सिंग डे कसोटीमध्ये अपयशी फॉर्ममुळे ते अंतिम इलेव्हनमध्येही नव्हते. हा सामना रोहितच्या कसोटी कारकीर्दीतील शेवटचा ठरला. त्यामुळे इंग्लंड दौऱ्यासाठी आता भारताला नव्या कसोटी कर्णधाराची गरज आहे. शुभमन गिल, के.एल. राहुल, ऋषभ पंत किंवा जसप्रीत बुमराह यापैकी कुणाला संधी दिली जाईल, याकडे संपूर्ण देशाचं लक्ष लागून राहिलं आहे.  सूत्रांनुसार शुभमन गिल यांचं नाव पुढे आहे.

rohit sharma हिटमॅनचा वारसा

rohit sharma यांनी 67 कसोट्यांत 4301 धावा केल्या, त्यात 12 शतके व 18 अर्धशतके समाविष्ट आहेत. सरासरी 40.57 अशी असून, त्यांची कामगिरी दुसऱ्या डावात अधिक ठळक होती. त्यांनी कसोटीत अनेक ऐतिहासिक क्षण दिले – पदार्पणातील मोठी खेळी, सचिनच्या निरोप सामन्यात शतक, दुहेरी शतक, परदेशातल्या कठीण खेळपट्ट्यांवर फलंदाजी करत संघाला विजयाकडे नेत स्वतःचा दर्जा सिद्ध केला.

निवृत्तीमागील भावनिक निर्णय

सामान्यपणे rohit sharma यांनी आपली निवृत्ती फार गाजावाजा न करता, एक साधी आणि भावनिक पोस्ट शेअर करत जाहीर केली. यावरून त्यांच्या क्रिकेटप्रेमाची आणि संयमाची कल्पना येते. आपल्या खेळात त्यांनी सतत सुधारणा करत संघात स्थान टिकवलं आणि आज कसोटी क्रिकेटमधून निवृत्त होत असताना संपूर्ण देशाने त्याच्या कार्याचा गौरव केला आहे.

शेवटचा नमस्कार, पण एक पर्व संपलं

या निर्णयानंतर भारतीय क्रिकेटमधील एक यशस्वी कसोटी पर्व संपलं आहे. rohit sharma हे केवळ ‘हिटमॅन’ म्हणून ओळखले जात नाहीत, तर त्यांनी कसोटी क्रिकेटमध्ये संयम, नजाकत आणि जिद्दीने केलेली कामगिरी कायम स्मरणात राहील. ODI क्रिकेटमध्ये त्यांची कारकीर्द सुरूच आहे आणि क्रिकेटप्रेमी त्यांच्याकडून अजूनही मोठ्या कामगिरीची अपेक्षा करत राहतील.

हे पण वाचा .. mi vs gt : शेवटच्या चेंडूपर्यंत रंगलेलं थरारक सामनं, गुजरात टायटन्सचं विजयी झेंडा गुजरात टायटन्स पॉइंट्स टेबलमध्ये अव्वल