rohit arya girish oak incident : मुंबईच्या पवई भागात Rohit Arya या नावाने केलेल्या बनावट ऑडिशन आणि मुलांना ओलीस ठेवण्याच्या प्रकरणानंतर आता मराठी मनोरंजनविश्वातूनही धक्कादायक माहिती समोर येत आहे. या घटनेच्या पार्श्वभूमीवर ज्येष्ठ अभिनेते गिरीश ओक यांनी सांगितलं की, घटना घडण्याच्या एक दिवस आधीच त्यांनी आर्यची स्टुडिओत भेट घेतली होती. त्यामुळे संपूर्ण इंडस्ट्री अधिकच हादरली आहे.
गिरीश ओक यांनी सांगितलं की, त्यांच्या परिचयातील एका सहकाऱ्याने नवीन प्रोजेक्टसाठी संपर्क साधत असल्याचं सांगत त्यांना पवईतील स्टुडिओत येण्याची विनंती केली होती. सामाजिक मुद्द्यावर आधारित चित्रपटाची चर्चा असल्याचं नमूद करण्यात आल्यानंतर ते सकाळी सुमारे अकराच्या सुमारास आरए स्टुडिओत पोहोचले. काही मिनिटांतच Rohit Arya तिथे आला आणि प्रोजेक्टबद्दल चर्चा सुरू झाली. त्याच वेळी स्टुडिओत अनेक लहान मुलं दिसल्याने त्यांनी चौकशी केली असता, ती मुलं ‘वर्कशॉप’साठी आली असल्याचं सांगण्यात आलं. मुलांनी गिरीश ओक यांच्यासोबत फोटो काढले, मुलांच्या पालकांनीही सेल्फी घेतले आणि त्यानंतर ते दुपारी स्टुडिओतून बाहेर पडले.
पण दुसऱ्याच दिवशी जे घडलं ते सर्वांना हादरवणारं होतं. त्याच स्टुडिओत बनावट ऑडिशनच्या नावाखाली सुमारे १०० मुलांना बोलावण्यात आलं आणि नंतर १७ अल्पवयीन मुलांसह दोन वरिष्ठ व्यक्तींना Rohit Arya यांनी ओलीस ठेवले. परिस्थिती नियंत्रणाबाहेर गेल्यानंतर पोलिसांनी धाड टाकत मुलांची सुटका केली. कारवाईदरम्यान आर्यवर गोळीबार झाला आणि उपचारादरम्यान त्याचा मृत्यू झाल्याची माहिती देण्यात आली.
या प्रकरणात फक्त गिरीश ओकच नव्हे तर अभिनेत्री रुचिरा जाधव आणि अभिनेता आयुष संजीव यांच्याशीही आर्यने संपर्क साधल्याचं आता स्पष्ट होत आहे. सुदैवानं काही कलाकार तिथे त्या वेळी पोहोचले नव्हते, अन्यथा परिस्थिती अधिक गंभीर होऊ शकली असती.
हे पण वाचा.. दशावतारचा प्रभाव अजूनही तसाच! मृणाल ठाकूर भारावली; दिलीप प्रभावळकरांना दिली खास दाद
या घटनेनंतर ऑडिशनच्या नावाखाली होणाऱ्या संशयास्पद बोलावण्यांबद्दल सावधगिरी बाळगण्याचं आवाहन कलाक्षेत्रातून होत आहे. मनोरंजन क्षेत्रातील अनेक जणांनी योग्य पडताळणीशिवाय अशा प्रोजेक्ट्सवर विश्वास ठेवू नये, असा सल्लाही दिला आहे.
हे पण वाचा.. फक्त दोन दिवस आधी भेटलो… आणि मग घडलं हे! मराठी अभिनेत्याची रोहित आर्य प्रकरणातील पोस्ट चर्चेत
