riteish deshmukh raja shivaji first look revealed : मराठीसह संपूर्ण भारतीय सिनेसृष्टीत आपली वेगळी ओळख निर्माण करणारा Riteish Deshmukh आज आपला ४६ वा वाढदिवस साजरा करत असतानाच चाहत्यांना एक खास भेट मिळाली आहे. Riteish Deshmukh च्या बहुप्रतिक्षित आणि महत्त्वाकांक्षी चित्रपट ‘राजा शिवाजी’चा पहिला लूक अखेर समोर आला आहे. या चित्रपटात Riteish Deshmukh स्वतः छत्रपती शिवाजी महाराजांची भूमिका साकारताना दिसणार असून, हा प्रोजेक्ट त्याच्या कारकिर्दीतील सर्वात मोठ्या प्रोजेक्टपैकी एक मानला जात आहे.
काल Riteish Deshmukh ने सोशल मीडियावर एक भावनिक पोस्ट शेअर करत चित्रपटाचं संपूर्ण शूटिंग पूर्ण झाल्याची माहिती दिली. मागे मावळतीकडे झुकलेला सूर्य आणि समोर शिवरायांच्या वेशातील Riteish Deshmukh असा हा फोटो प्रेक्षकांच्या मनात घर करून गेला आहे. या पोस्टमध्ये त्याने ‘क्षणभर थांबलेला सूर्य, पण उद्याच्या तेजस्वी पहाटेसाठी’ अशा शब्दांत चित्रपटाचा प्रवास मांडला आहे. तब्बल १०० दिवसांच्या मेहनतीनंतर हा ऐतिहासिक टप्पा पूर्ण झाल्याचं त्याने नमूद केलं.
राजा शिवाजी’ हा चित्रपट केवळ अभिनयापुरता मर्यादित नाही. Riteish Deshmukh यांनी या चित्रपटाचं दिग्दर्शनही स्वतः केलं आहे. तर निर्मितीची जबाबदारी ज्योती देशपांडे आणि जिनिलिया देशमुख यांनी सांभाळली आहे. त्यामुळे हा सिनेमा भावनिकदृष्ट्याही Riteish Deshmukh साठी खूप खास असल्याचं स्पष्ट होतं.
या चित्रपटाची स्टारकास्ट पाहता प्रेक्षकांची उत्सुकता अधिकच वाढली आहे. Riteish Deshmukh यांनी आपल्या पोस्टमध्ये संजय दत्त, अभिषेक बच्चन, विद्या बालन, महेश मांजरेकर, सचिन खेडेकर, भाग्यश्री लिमये, फरदीन खान आणि जितेंद्र जोशी यांसारख्या दिग्गज कलाकारांना टॅग केलं आहे. मराठी आणि हिंदी सिनेसृष्टीतील ही तगडी फौज एकाच चित्रपटात पाहायला मिळणार असल्यामुळे ‘राजा शिवाजी’कडे मोठ्या अपेक्षेने पाहिलं जात आहे.
पोस्टर समोर येताच सोशल मीडियावर चाहत्यांनी Riteish Deshmukh च्या या नव्या अवताराचं भरभरून कौतुक केलं आहे. अनेक कलाकार आणि प्रेक्षकांनीही कमेंट करत शुभेच्छा दिल्या आहेत. ऐतिहासिक विषय, भव्य मांडणी आणि दमदार कलाकारांमुळे हा सिनेमा पुढील वर्षी मोठा प्रभाव पाडेल, अशी चर्चा सध्या रंगली आहे.
हे पण वाचा.. सुनील बर्वे लवकरच आजोबा! लेकीच्या डोहाळे जेवणामुळे बर्वे कुटुंबात आनंदाचं वातावरण
‘राजा शिवाजी’ हा चित्रपट पुढील वर्षी १ मे रोजी प्रदर्शित होणार असून, तो मराठीसोबत हिंदी, तमिळ, तेलुगू, कन्नड आणि मल्याळम भाषांमध्येही रिलीज केला जाणार आहे. त्यामुळे Riteish Deshmukh यांचा हा सिनेमा केवळ महाराष्ट्रातच नव्हे, तर देशभरात शिवरायांचा गौरव पोहोचवेल, अशी अपेक्षा व्यक्त केली जात आहे.
हे पण वाचा.. शाहरुख खान माणूस म्हणून कसा आहे?” – गिरिजा ओक ने उलगडला ‘जवान’ सेटवरील किस्सा
