rinku rajguru lagn joidaar khulasa : मराठी चित्रपटसृष्टीत आपल्या सहजसुंदर अभिनयाने चाहत्यांची मने जिंकणारी Rinku Rajguru पुन्हा एकदा चर्चेत आली आहे. ‘सैराट’ चित्रपटातून दमदार पदार्पण केल्यानंतर ती सतत प्रेक्षकांच्या पसंतीस उतरली. पडद्यावरील भूमिकांइतकीच रिंकूची खासगी आयुष्याविषयीची उत्सुकता देखील चाहत्यांमध्ये कायम दिसून येते. विशेषतः तिच्या लग्नाविषयी अनेकदा चर्चा रंगताना दिसतात.
अखेर नुकत्याच दिलेल्या मुलाखतीत रिंकूने या प्रश्नावर थेट भाष्य केले. “मी अजून माझा जीवनसाथी शोधलेला नाही. आजवर असं कोणी भेटलंच नाही की ज्याच्याशी लग्नाचा निर्णय घ्यावा,” असे ती हसत म्हणाली. पण त्याचबरोबर तिने आपल्या लग्नाविषयीचं मतही स्पष्ट केलं.
रिंकू पुढे म्हणाली, “माझ्या आई-बाबांना जो मुलगा आवडेल आणि तो मला देखील पसंत पडला तरच मी लग्न करेन. आणि जर मला स्वतःला कोणी आवडला तर मी आई-बाबांना सांगणार की ‘हाच तो मुलगा आहे’. शेवटी कुटुंबाची संमती माझ्यासाठी फार महत्त्वाची आहे.”
तिने यावेळी स्वतःच्या स्वभावाबद्दलही सांगितले. “मी अजिबात फिल्मी नाही. उलट खूप भावनिक आणि विचार करणारी मुलगी आहे. जशा साध्या मुली असतात, तशीच मी आहे,” असं ती सहजतेने म्हणाली. तिच्या या candid खुलाशामुळे तिचे चाहते भारावून गेले आहेत.
हे पण वाचा.. “मी नास्तिक झालो, स्वतःला बंदिस्त करून ठेवायचं नाही” – अभिनेता ललित प्रभाकरचा स्पष्ट दृष्टिकोन
कामाच्या आघाडीवर बोलायचं झालं, तर अलीकडेच ती सुबोध भावे आणि प्रार्थना बेहरे यांच्यासोबत ‘बेटर हाफची लव्हस्टोरी’ या चित्रपटातून प्रेक्षकांच्या भेटीला आली. यापूर्वी ‘झिम्मा २’, ‘झुंड’, ‘कागर’ अशा चित्रपटांमध्येही Rinku Rajguru ने दमदार अभिनय साकारला आहे.
तिच्या अभिनय कारकिर्दीइतकीच आता तिच्या खासगी आयुष्याविषयीही उत्सुकता वाढली आहे. पण रिंकूने दिलेल्या स्पष्ट उत्तरामुळे सध्या तरी ती आपलं लक्ष फक्त करिअरकडेच केंद्रित करत असल्याचं स्पष्ट झालं आहे.
हे पण वाचा.. सोनाली कुलकर्णीचा लेकीसोबत डान्स व्हिडीओ व्हायरल; २२ वर्षांपूर्वीच्या हिट गाण्यावर थिरकली मायलेकी
