गणेश चतुर्थीचा सण महाराष्ट्रात अगदी भक्तिभावाने आणि उत्साहात साजरा केला जातो. यावेळी सर्वत्र सणाचे वातावरण रंगले असून अनेक कलाकारही बाप्पाचे स्वागत करण्यासाठी सज्ज झाले आहेत. सोशल मीडियावर विविध सेलिब्रिटींनी त्यांच्या घरातील गणेशोत्सवाचे फोटो आणि व्हिडीओ शेअर करत सणाचा आनंद दुप्पट केला आहे.
यामध्ये आता लोकप्रिय अभिनेत्री रिंकू राजगुरू (Rinku Rajguru) हिचाही समावेश झाला आहे. रिंकूने आपल्या सोशल मीडियावरून काही खास फोटो चाहत्यांसाठी शेअर केले असून तिच्या घरातील बाप्पाचे दर्शन यामध्ये घ्यायला मिळत आहे. तिने आपल्या घरात श्री गणेशाची प्राणप्रतिष्ठा करत अत्यंत सुंदर सजावट केली आहे. विशेष म्हणजे, गणपती बाप्पाच्या मूर्तीसमोर मोदक ठेवलेले दिसत असून विठ्ठल-रुक्मिणीच्या मूर्तीनेही घरातील वातावरण अधिक मंगलमय केले आहे.
फोटोंमध्ये Rinku Rajguru ने पिवळ्या रंगाची साडी परिधान केली असून केसात गजरा माळलेला आहे. पारंपरिक लूकमधील रिंकूचे सौंदर्य चाहत्यांचे लक्ष वेधून घेत आहे. एका फोटोत तिच्या मांडीवर बसलेले गोंडस मांजरही चाहत्यांच्या नजरेत भरले आहे. तिच्या साध्या पण आकर्षक लूकने गणेशोत्सवाची शोभा वाढवली असल्याचे चाहते म्हणत आहेत.
Rinku Rajguru ने हे फोटो शेअर करताना कॅप्शनमध्ये “गणपती बाप्पा मोरया, मंगलमूर्ती मोरया” असे लिहिले आहे. या फोटोंवर चाहत्यांनी मोठ्या संख्येने प्रतिक्रिया दिल्या असून, “गणेश चतुर्थीच्या शुभेच्छा”, “सुंदर सजावट आहे”, “खूप छान दिसतेस” अशा कमेंट्ससोबतच हार्ट आणि प्रेम व्यक्त करणारे इमोजीही शेअर केले आहेत.
हे पण वाचा.. Rupali Bhosale ने बाप्पाच्या स्वागतासाठी सजवले घर, सोशल मीडियावर व्हिडीओ व्हायरल
अभिनेत्री Rinku Rajguru च्या कामाबद्दल बोलायचे झाल्यास, अलीकडेच ती ‘बेटर हाफची लव स्टोरी’ या चित्रपटातून प्रेक्षकांसमोर आली आहे. या चित्रपटात तिच्यासोबत सुबोध भावे आणि प्रार्थना बेहेरे मुख्य भूमिकेत आहेत. २२ ऑगस्ट २०२५ रोजी प्रदर्शित झालेल्या या चित्रपटात रिंकूची भूमिका तिच्या आधीच्या कामापेक्षा वेगळी असल्यामुळे प्रेक्षक तिच्या नव्या अंदाजाचे कौतुक करत आहेत.
सध्या मात्र तिच्या सणाच्या आनंदात रंगलेल्या या फोटोंनी सोशल मीडियावर वेगळाच उत्साह निर्माण केला आहे. बाप्पाच्या आगमनासह अभिनेत्रीRinku Rajguru चा साडीतील लूक आणि तिच्या घरातील पारंपरिक सजावट हेच चर्चेचे केंद्रबिंदू ठरत आहेत.
हे पण वाचा.. देवमाणूस’ फेम Kiran Gaikwad चा लग्नानंतरचा पहिला गणेशोत्सव; वैष्णवीसोबत शेअर केले खास फोटो
