raqesh bapat big boss marathi season 6 entry : टेलिव्हिजन इंडस्ट्रीतील ओळखीचा आणि लोकप्रिय चेहरा असलेला Raqesh Bapat सध्या पुन्हा एकदा चर्चेच्या केंद्रस्थानी आला आहे. विविध हिंदी मालिका आणि चित्रपटांमधून स्वतःची वेगळी ओळख निर्माण करणाऱ्या या अभिनेत्याने अभिनयाच्या जोरावर प्रेक्षकांच्या मनात खास स्थान मिळवलं आहे. ‘होंगे जुदा ना हम’, ‘बहु हमारी रजनीकांत’, ‘इश्क में मरजावा’, ‘मर्यादा: लेकिन कब तक?’ यांसारख्या अनेक मालिकांमधील त्याच्या भूमिका आजही प्रेक्षकांच्या लक्षात आहेत.
मराठी प्रेक्षकांसाठी मात्र Raqesh Bapat विशेष लक्षात राहिला तो झी मराठीवरील गाजलेल्या ‘नवरी मिळे हिटलरला’ या मालिकेमुळे. या मालिकेत त्याने साकारलेली अभिराम जहागिरदार उर्फ एजेची भूमिका प्रेक्षकांनी अक्षरशः डोक्यावर घेतली होती. कडक स्वभाव, शिस्तप्रिय वृत्ती आणि त्यामागे दडलेली संवेदनशील बाजू, या सगळ्यांचा समतोल साधत Raqesh Bapat ने ही भूमिका प्रभावीपणे साकारली होती.
आता Raqesh Bapat थेट बिग बॉस मराठीच्या सहाव्या पर्वात सहभागी झाल्यामुळे त्याच्याभोवती पुन्हा एकदा चर्चेचा जोर वाढला आहे. याआधी बिग बॉस ओटीटीमध्येही त्याने सहभाग घेतला होता आणि त्याच्या संयमी खेळाची चांगलीच दखल घेतली गेली होती. त्यामुळे बिग बॉस मराठी ६ मध्ये तो कसा खेळणार, याकडे प्रेक्षकांचं विशेष लक्ष लागून राहिलं आहे.
दरम्यान, ‘नवरी मिळे हिटलरला’ मालिकेतील त्याचा सहकलाकार रुचिर गौरव याने सोशल मीडियावर खास पोस्ट शेअर करत Raqesh Bapat ला शुभेच्छा दिल्या आहेत. इंस्टाग्राम स्टोरीवर दोघांचे काही जुने फोटो शेअर करत, “ऑल द बेस्ट एजे, ट्रॉफी घरी घेऊन या,” अशा शब्दांत त्याने आपुलकी व्यक्त केली आहे. या पोस्टमुळे चाहत्यांमध्ये आणखी उत्साह पाहायला मिळत आहे.
कलर्स मराठी वाहिनीनेही Raqesh Bapat च्या एन्ट्रीचे प्रोमो आणि पोस्ट्स शेअर केल्यानंतर सोशल मीडियावर कमेंट्सचा पाऊस पडला आहे. अनेकांनी त्याला थेट विनर ठरवत “हा सीझनचा विजेता” अशा प्रतिक्रिया दिल्या आहेत. काही चाहत्यांनी तर “आमच्यासाठी आधीच विनर” असं म्हणत त्याच्यावर विश्वास व्यक्त केला आहे.
हे पण वाचा.. पहिल्याच दिवशी वादाचा भडका! बिग बॉस मराठी सीझन ६ च्या प्रोमोमध्ये तन्वी-रुचिता आमनेसामने
बिग बॉस मराठीच्या सहाव्या सीझनमध्ये एकूण १७ स्पर्धक सहभागी झाले असून पहिल्याच प्रोमोमध्ये घरातील वाद, मतभेद आणि नाट्याची झलक पाहायला मिळाली आहे. अशा वातावरणात Raqesh Bapat कसा खेळ करणार, तो प्रेक्षकांच्या अपेक्षा पूर्ण करणार का, हे पाहणं नक्कीच रंजक ठरणार आहे.
हे पण वाचा.. खान्देशचा आवाज ‘बिग बॉस मराठी ६’मध्ये – युट्युब स्टार सचिन कुमावतची दमदार एन्ट्री
