मराठी चित्रपटसृष्टीत ‘जबरदस्त’ या चित्रपटापासून ते ‘बिग बॉस मराठी’च्या पहिल्याच पर्वापर्यंत, अभिनेता पुष्कर जोग (Pushkar Jog) प्रेक्षकांच्या मनावर अधिराज्य गाजवतो. उत्तम अभिनेता, दिग्दर्शक, निर्माता आणि डान्सर म्हणून त्याची ओळख आहे. परंतु याचबरोबर, तो फिटनेसप्रेमी असल्याचंही अनेकदा सिद्ध झालं आहे. अलीकडेच सोशल मीडियावर केलेल्या एका पोस्टमुळे त्याचा फिटनेस प्रवास चर्चेत आला आहे.
Pushkar Jog ने खुलासा केला की, काही महिन्यांपूर्वी त्याची तब्येत चिंताजनक अवस्थेत पोहोचली होती. “आठ महिन्यांपूर्वी मला ग्रेड ३ फॅटी लिव्हर, हाय शुगर आणि हाय कोलेस्ट्रॉलचा त्रास असल्याचं निदान झालं. त्या वेळी मी पूर्णपणे हादरलो होतो. पण या परिस्थितीवर मात करण्याचा निर्धार केला,” असं त्याने स्पष्ट केलं.
या आठ महिन्यांत त्याने केवळ औषधोपचारावर अवलंबून न राहता आपल्या जीवनशैलीत आमूलाग्र बदल केले. व्यायाम आणि आहार या दोन्ही बाबींवर विशेष लक्ष केंद्रित केलं. नियमित जिम, सकस आहार आणि सकारात्मक दृष्टिकोन या त्रिसूत्रीमुळे आज तो अधिक तंदुरुस्त झाल्याचं Pushkar Jog सांगतो. “आता लिव्हरचा त्रास कमी झाला आहे. साखर आणि कोलेस्ट्रॉलही नियंत्रणात आले आहेत. आणि त्याहून महत्त्वाचं म्हणजे मी ६ किलो वजन घटवलं आहे,” अशी माहिती पुष्करने चाहत्यांना दिली.
फिटनेसच्या या प्रवासात Pushkar Jog ने स्वतःच्या ट्रेनर पुनीतचं विशेष कौतुक केलं. “या संपूर्ण प्रवासात मला योग्य मार्गदर्शन मिळालं, योग्य डायट चार्ट, व्यायामाचं नियोजन यामुळे मी सातत्याने प्रगती करू शकलो,” असं तो म्हणाला.
हे पण वाचा.. अश्विनी भावेंच्या परदेशातील पाहुणचाराने भारावली Sonali Kulkarni खास पोस्टमध्ये व्यक्त केला अनुभव
Pushkar Jog फक्त अभिनयातच नाही, तर शिस्तबद्ध जीवनशैलीतही चाहत्यांसाठी प्रेरणादायी ठरत आहे. त्याने केलेल्या या प्रामाणिक प्रयत्नांनी चाहत्यांना आरोग्याच्या बाबतीत सतर्क राहण्याचा संदेश मिळतो. वाढत्या धकाधकीच्या जीवनात फॅटी लिव्हर, शुगर, कोलेस्ट्रॉल यांसारख्या समस्या सामान्य झाल्या आहेत. पण योग्य जीवनशैली स्वीकारल्यास त्यावर मात करता येते, हे पुष्करने स्वतःच्या उदाहरणातून दाखवून दिलं आहे.
Pushkar Jog च्या वर्कफ्रंटबद्दल सांगायचं झालं तर, गेल्या काही महिन्यांत ‘मुसाफिरा’, ‘एआय धर्मा स्टोरी’, ‘हार्दिक शुभेच्छा’ यांसारखे वेगवेगळ्या धाटणीचे चित्रपट प्रेक्षकांच्या भेटीला आले. अभिनयाच्या बरोबरीने मराठी सिनेमाला आंतरराष्ट्रीय पातळीवर पोहोचवण्याची धडपड तो कायम करताना दिसतो.
हे पण वाचा.. Kashmera Shah चा संताप – अर्धा तास गाडीत अडकली! मुंबईच्या वाहतूक कोंडीवर सोशल मीडियावर व्यक्त केली नाराजी
Pushkar Jog चा हा फिटनेस प्रवास केवळ त्याच्यासाठी नाही तर प्रेक्षकांसाठीही मोठी प्रेरणा आहे. आजारांवर मात करून शरीर आणि मन दोन्ही निरोगी ठेवण्यासाठी शिस्त आणि सातत्य किती महत्त्वाचं असतं, हे त्याने दाखवून दिलं आहे. पुढील काळात तो आणखी फिट होण्याच्या तयारीत असून, चाहत्यांनाही त्याच्या या प्रवासात सहभागी करून घेत आहे.
