priya berde daughter swanandi studying law : मराठी चित्रपटसृष्टीत लक्ष्मीकांत बेर्डे हे नाव आजही लोकांच्या मनात जिवंत आहे. त्यांच्या विनोदी अभिनयाने प्रेक्षकांना हसवले, तर पत्नी प्रिया बेर्डे (priya berde) यांनी देखील आपल्या दमदार अभिनयाने चाहत्यांच्या मनात वेगळी जागा निर्माण केली. आता या दाम्पत्याची मुलगी स्वानंदी बेर्डे हिच्याबाबत प्रिया बेर्डे यांनी केलेल्या वक्तव्याची सध्या चर्चा सुरू आहे.
अनेकांना माहित आहे की लक्ष्मीकांत आणि प्रिया बेर्डे यांना दोन मुले आहेत – अभिनय बेर्डे आणि स्वानंदी बेर्डे. अभिनय बेर्डे आधीच चित्रपट आणि मालिकांमधून स्वतःची ओळख निर्माण करत आहे. ‘ती सध्या काय करते’, ‘मन कस्तुरी रे’, ‘बॉइज ४’ यांसारख्या चित्रपटांमधून तो प्रेक्षकांच्या पसंतीस उतरला आहे.
तर दुसरीकडे, स्वानंदी बेर्डे ही अभिनयासोबतच अनेक वेगवेगळ्या क्षेत्रात काम करते. तिने ‘रिस्पेक्ट’ आणि ‘मन येड्यागत झालं’ यांसारख्या प्रोजेक्टमध्ये अभिनय केला आहे. अलीकडेच तिने स्वतःचा दागिन्यांचा ब्रँड ‘कांताप्रिया’ सुरू केला असून, यामुळे ती उद्योजकतेच्या क्षेत्रातही पाऊल टाकले आहे.
‘मराठी मनोरंजन विश्वा’ला दिलेल्या एका मुलाखतीत प्रिया बेर्डे म्हणाल्या, “स्वानंदी फक्त अभिनय सोडून बाकी सगळं करते. ती भरतनाट्यम शिकते, उत्तम चित्रकला करते, आणि ज्योतिषशास्त्र व अंकशास्त्र यातही तिचा रस आहे. सध्या ती वकिलीचं शिक्षण घेत आहे. त्यामुळे ती अभिनयापासून थोडी दूर गेली तरी मला काही हरकत नाही.”
प्रिया पुढे म्हणाल्या, “स्वानंदीला नेहमीच डेस्क जॉब किंवा स्वतःच्या अधिकारात असलेलं काहीतरी करायचं होतं. मी तिला सांगितलं की अभिनयाची संधी मिळत असेल, तर ती नक्की घे. भविष्यात पश्चाताप नको राहायला पाहिजे. जीवनात कोणती संधी कधी यश देईल हे सांगता येत नाही.”
स्वतःच्या अनुभवाबद्दल बोलताना प्रिया बेर्डे म्हणाल्या की, पूर्वी त्या फक्त चित्रपट आणि नाटकांमध्ये रस घेत असत, पण आता मालिका क्षेत्रातही त्यांना समाधान मिळत आहे. सध्या त्या ‘काजळमाया’ या मालिकेत झळकत आहेत आणि प्रेक्षकांकडून चांगला प्रतिसाद मिळवत आहेत.
हे पण वाचा.. तू माझ्या प्रत्येक श्वासात होतीस…” — ‘लक्ष्मी निवास’मध्ये उलगडणार विश्वाचं खरं प्रेम; जान्हवी भावनांनी भारावली!
स्वानंदीच्या विविध गुणांनी आणि नव्या वाटचालीने प्रिया बेर्डे अभिमानाने भरून गेल्या आहेत. अभिनय, कला, शिक्षण आणि उद्योजकता — या सर्व क्षेत्रांत तिच्या लेकीने आपली ओळख निर्माण करावी, अशीच प्रत्येक आईची अपेक्षा असते, आणि प्रिया बेर्डे यांच्याही भावना तशाच आहेत.
हे पण वाचा.. Ladki Bahin Yojana KYC : आता सहज पूर्ण करा प्रक्रिया, हप्ता थांबू नये म्हणून करा ई-केवायसी वेळेत
