मराठी चित्रपटसृष्टीतील आदर्श जोडी म्हणून ज्यांच्याकडे नेहमी कौतुकाने पाहिलं जातं, ती जोडी म्हणजे Priya Bapat आणि उमेश कामत. दोघेही कलाकार त्यांच्या अभिनयामुळे जितके प्रेक्षकांच्या मनात घर करून आहेत, तितकेच त्यांच्या वैयक्तिक आयुष्यातील गोड क्षणांमुळेही चर्चेत असतात. सध्या ते त्यांच्या आगामी ‘बिन लग्नाची गोष्ट’ या चित्रपटामुळे चर्चेत आले असून, नुकत्याच झालेल्या ट्रेलर लॉन्च सोहळ्यात प्रियाने केलेला एक खास खुलासा सर्वांचे लक्ष वेधून घेतोय.
Priya Bapat आणि उमेश कामत तब्बल बारा वर्षांनंतर पुन्हा एकदा रुपेरी पडद्यावर एकत्र दिसणार आहेत. २०१३ मध्ये प्रदर्शित झालेल्या ‘टाइमप्लीज’ या चित्रपटानंतर त्यांना मोठ्या पडद्यावर एकत्र पाहण्याची संधी चाहत्यांना मिळालेली नव्हती. त्यामुळेच या जोडीचं ‘बिन लग्नाची गोष्ट’ या सिनेमातील पुनरागमन चाहत्यांसाठी आनंदाची बातमी आहे. चित्रपटाचा ट्रेलर नुकताच प्रदर्शित झाला असून, तो सोशल मीडियावरही जोरदार चर्चेत आहे.
या ट्रेलर लॉन्च कार्यक्रमाला उपस्थित असताना एका सूत्रसंचालकाने Priya Bapat ला प्रश्न विचारला – “गेल्या काही वर्षांत उमेशसाठी खास शिकलेली गोष्ट कोणती?” या प्रश्नाचं उत्तर देताना प्रियाने अत्यंत मनमोकळेपणाने सांगितलं की, “मी नॉनव्हेज पदार्थांना हातही लावत नव्हते. पण उमेशला आवडतं म्हणून आणि त्याने बाहेरचं खाणं कमी करावं म्हणून मी नॉनव्हेज पदार्थ बनवायला शिकले. खरं सांगायचं झालं तर मी घरी व्हेज पदार्थ रोज बनवते आणि ते खूप आवडीने करते, पण नॉनव्हेज फक्त उमेशसाठीच शिकले.”
बायकोच्या या उत्तरावर हसत उमेश कामतनेही आपली मनोगतं व्यक्त केली. त्याने सांगितलं, “माझ्यात सर्वात मोठा बदल झालाय तो म्हणजे प्रियांमुळे मी शाकाहारी पदार्थ खायला शिकलो. पूर्वी मला व्हेज पदार्थांबद्दल फारसा रस नव्हता, पण आता मी आवडीने शाकाहारी पदार्थ खातो. हाच माझ्यात झालेला सर्वात महत्त्वाचा बदल आहे.”
‘बिन लग्नाची गोष्ट’ या सिनेमात Priya Bapat आणि उमेश कामतसोबत मराठी रंगभूमी आणि चित्रपटसृष्टीतील दिग्गज कलाकार एकत्र दिसणार आहेत. यात निवेदिता सराफ, गिरीश ओक, सुकन्या मोने आणि संजय मोने यांसारख्या दमदार कलाकारांचा समावेश आहे. या चित्रपटाचं दिग्दर्शन आदित्य इंगळे यांनी केलं असून, निर्मितीची धुरा सुनील बियानी, पवन मेहता आणि नितीन प्रकाश वैद्य यांनी सांभाळली आहे. हा सिनेमा १२ सप्टेंबर रोजी प्रेक्षकांच्या भेटीला येणार आहे.
हे पण वाचा.. Ravi Jadhav यांची खास गणेशभक्ती; स्वतःच्या हाताने साकारली बाप्पाची मूर्ती, व्हिडीओ पाहून चाहत्यांचे कौतुक
मराठी मनोरंजन विश्वात Priya Bapat आणि उमेश कामत ही जोडी नेहमीच आदर्श म्हणून ओळखली जाते. दोघेही अभिनयात तरबेज असूनही, त्यांच्या नात्यातील प्रामाणिकपणा, परस्परांचा आदर आणि एकमेकांसाठी केलेले छोटे छोटे बदल प्रेक्षकांच्या मनात वेगळं स्थान निर्माण करतात. प्रियाने नॉनव्हेज पदार्थ शिकून उमेशसाठी खास प्रयत्न केला, तर उमेशने व्हेज पदार्थांची आवड अंगीकारली. अशा या छोट्या छोट्या गोष्टी त्यांच्या नात्याला अधिक दृढ करतात, हे या प्रसंगी सर्वांना जाणवलं.
‘बिन लग्नाची गोष्ट’ हा चित्रपट प्रदर्शित होण्यासाठी आता अवघा काही दिवस शिल्लक आहेत. Priya Bapat आणि उमेश कामत पुन्हा एकदा एकत्र पाहण्याची चाहत्यांची उत्सुकता शिगेला पोहोचली आहे. दोघांनी केलेल्या या मनमोकळ्या संवादामुळे चाहत्यांची चित्रपटाबद्दलची आतुरता आणखी वाढली आहे.
हे पण वाचा.. “तू यशोदा होऊन माझा सांभाळ केलास…” – ज्येष्ठ अभिनेत्री ज्योती चांदेकर यांच्या आठवणीत अभिनेता Dhairya Gholap भावुक
