pratiksha shivankar health diet remedy : मनोरंजन क्षेत्रात काम करणाऱ्या कलाकारांवर नेहमीच फिटनेस टिकवून ठेवण्याचा दबाव असतो. कॅमेऱ्यासमोर परिपूर्ण दिसण्यासाठी अनेक सेलेब्रिटी डाएट, जिम आणि विविध रुटिन्स फॉलो करताना दिसतात. पण ‘तुला जपणार आहे’ या मालिकेतून घराघरांत पोहोचलेली Pratiksha Shivankar मात्र साधेपणावर विश्वास ठेवते. अलीकडेच दिलेल्या एका मुलाखतीत तिने तिच्या आहाराच्या सवयी, फिटनेसची काळजी आणि अॅसिडिटीपासून सुटका देणाऱ्या तिच्या खास उपायाविषयी सांगितलं.
प्रतीक्षाने कामाच्या धावपळीत स्वतःच्या आरोग्याकडे दुर्लक्ष न करता सवयींत काही बदल केले. ती म्हणते, “मी कोणताही कडक डाएट पाळत नाही. माझ्यासाठी घरचं जेवणच सर्वोत्तम आहे.” शूटिंग, नाट्यप्रयोग आणि सततच्या प्रवासातही ती शक्य तितका साधा, पौष्टिक आहार घेण्याचा प्रयत्न करते.
कधीकधी बाहेरचं खाणं ती टाळत नाही, पण त्यासाठीही ती योग्य पर्याय निवडते. “मला साऊथ इंडियन पदार्थ खूप आवडतात. नाटकांच्या दौऱ्यात वेगवेगळ्या शहरांमध्ये विविध प्रकारचं जेवण खायला मिळालं आणि त्याचा मी मनापासून आनंद घेतला,” असं ती हसत सांगते. Pratiksha Shivankarच्या बोलण्यातून खाण्याचा तिला असलेला आनंद स्पष्ट जाणवतो.
मात्र याच काळात तिला आणि तिच्या घरच्यांना जाणवत असलेला अॅसिडिटीचा त्रास मात्र मोठी समस्या बनत होता. अनेक उपाय करूनही फरक पडत नव्हता. शेवटी प्रतीक्षाने तिच्या दिनचर्येत छोटासा बदल केला आणि त्याचा परिणाम विलक्षण झाला. ती म्हणते, “सूर्यास्तानंतर जेवण करणं मी पूर्णपणे बंद केलं. मी साधारण सातच्या आधीच जेवते. त्यामुळे पोट हलकं राहतं, झोप नीट लागते आणि अॅसिडिटीचा त्रास तर पूर्ण गायब झाला.”
या एका बदलामुळे तिच्या आरोग्यात मोठा फरक पडला असून Pratiksha Shivankar आजही ही सवय काटेकोरपणे पाळते. तिच्या मते, आहारात साधेपणा आणि वेळेची शिस्त पाळली तर फिटनेस आणि पचनाच्या समस्यांपासून सुटका मिळू शकते.
हे पण वाचा.. व्हेकेशन मूडमध्ये सोनाली कुलकर्णी लाल मोनोकिनीतील ‘रेड हॉट’ लूक सोशल मीडियावर व्हायरल
प्रतीक्षाची ही सोपी पद्धत आजच्या धावपळीच्या जीवनशैलीत पोटाच्या समस्यांनी त्रस्त असणाऱ्यांसाठी नक्कीच प्रेरणादायी ठरते. तिचं ताजेतवाने व्यक्तिमत्व आणि निरोगी राहण्यामागचा हा साधा मंत्र अनेकांना उपयोगी ठरणार आहे.
हे पण वाचा.. पूजासारखी गोड मुलगी… कीर्ती पेंढारकर हिच्या भावूक पोस्टने वाढवली पूजा–सोहमच्या लग्नाची चर्चा
