prajakta parab left pinga ga pori pinga serial : कलर्स मराठी वाहिनीवरील ‘पिंगा गं पोरी पिंगा’ ही मालिका अल्पावधीतच प्रेक्षकांच्या मनात घर करणारी ठरली. पाच तरुणींच्या मैत्रीची, संघर्षांची आणि स्वप्नांची कथा मांडणाऱ्या या मालिकेतील प्रत्येक पात्र प्रेक्षकांना जवळचं वाटू लागलं. मात्र आता या मालिकेशी संबंधित एक महत्त्वाची बातमी समोर आली आहे. मालिकेतील मिठू हे लोकप्रिय पात्र साकारणारी अभिनेत्री Prajakta Parab हिने या शोमधून एक्झिट घेतली आहे.
अलिकडेच प्राजक्ताने सेटवर तिच्या शेवटच्या भागाचं शूटिंग पूर्ण केलं. या प्रवासाचा शेवट करताना तिने सोशल मीडियावर एक भावुक पोस्ट शेअर केली, ज्यामध्ये तिच्या मनातील भावना स्पष्टपणे उमटल्या. मिठूच्या भूमिकेतील काही खास क्षणांचे फोटो शेअर करत तिने लिहिलं की, तिच्या आयुष्यातील एक महत्त्वाचा अध्याय इथे पूर्ण झाला आहे. मिठू या पात्रामुळे तिला एक कलाकार म्हणून खूप काही शिकायला मिळालं, असं तिने नमूद केलं.
Prajakta Parab ने आपल्या पोस्टमध्ये सांगितलं की, कधी अल्लड तर कधी समजूतदार, कधी मैत्रीण तर कधी प्रेयसी अशा अनेक छटा मिठूच्या व्यक्तिरेखेत होत्या. या सगळ्या पैलूंना प्रेक्षकांनी भरभरून प्रेम दिलं. विशेषतः मिठूच्या निरागस स्वभावाचं कौतुक सतत मिळालं, याबद्दल तिने कृतज्ञता व्यक्त केली. निर्माते, दिग्दर्शक, संपूर्ण टीम आणि कलर्स मराठी वाहिनीचे तिने मनापासून आभार मानले.
याचसोबत मायबाप प्रेक्षकांनाही Prajakta Parab ने खास धन्यवाद दिले. प्रेक्षकांचा पाठिंबा आणि प्रेम यामुळेच पुढील नवीन प्रोजेक्टसाठी आत्मविश्वास मिळतो, असं ती म्हणाली. मिठू आज निरोप घेत असली तरी प्राजक्ता लवकरच नव्या भूमिकेतून प्रेक्षकांच्या भेटीला येईल, असं आश्वासन तिने दिलं.
याशिवाय, तिने एक व्हिडिओ पोस्ट करत सेटवरील सहकलाकार आणि तांत्रिक टीमला गुलाबाची फुलं देत निरोप घेतला. प्रत्येक सदस्याबद्दल कृतज्ञता व्यक्त करत हा क्षण तिच्यासाठी भावनिक असल्याचंही तिने दाखवून दिलं.
हे पण वाचा.. ठरलं तर मग मध्ये लवकरच मोठा खुलासा! जुई गडकरीच्या पोस्टमुळे वाढली उत्सुकता
‘पिंगा गं पोरी पिंगा’ या मालिकेत ऐश्वर्या शेटे, विधिशा म्हसकर, आकांक्षा गाडे, शाश्वती पिंपळीकर आणि Prajakta Parab या पाच जणी प्रमुख भूमिकेत होत्या. वेगवेगळ्या स्वभावाच्या पाच रूममेट्सची ही गोष्ट प्रेक्षकांना आपलीशी वाटली. आता १२ जानेवारीपासून ही मालिका नव्या वेळेत, म्हणजेच रात्री ११ वाजता प्रसारित होणार आहे. प्राजक्ताच्या एक्झिटनंतर कथानक कोणता नवा वळण घेणार, हे पाहणं प्रेक्षकांसाठी नक्कीच उत्सुकतेचं ठरणार आहे.
हे पण वाचा.. मकरसंक्रांतीला काव्याचा जलवा! रम्याची पतंग कापताच पार्थ पुन्हा काव्यावर फिदा लग्नानंतर होईलच प्रेम मध्ये मोठा ट्विस्ट
