pooja birari after marriage experience soham bandekar : मराठी टेलिव्हिजन विश्वातील लोकप्रिय अभिनेत्री Pooja Birari आणि सोहम बांदेकर यांचा विवाहसोहळा २ डिसेंबर रोजी लोणावळ्यात मोठ्या उत्साहात पार पडला. बांदेकर कुटुंबातील या आनंदाच्या सोहळ्याला कलाविश्वातील अनेक मान्यवर आणि कलाकार उपस्थित होते. लग्नानंतर काही दिवसांच्या विश्रांतीनंतर पूजा पुन्हा एकदा तिच्या मालिकेच्या सेटवर परतली असून, याच निमित्ताने तिने पहिल्यांदाच आपल्या लग्नाबद्दल मोकळेपणाने भावना व्यक्त केल्या आहेत.
पूजा बिरारीने सांगितलं की, तिच्यासाठी लग्न हा केवळ भावनिक क्षण नव्हता, तर आयुष्यातील एक सुंदर उत्सव होता. तिने ठरवून लग्नाचा प्रत्येक क्षण मनापासून एन्जॉय केला. लग्नातील जेवण, मेन्यू, पाहुणे, फोटो, सगळ्या गोष्टी आजही तिच्या लक्षात असल्याचं ती सांगते. तिच्या लग्नाचे फोटो सोशल मीडियावर व्हायरल झाले होते आणि त्यात दिसणारी तिची आनंदी ऊर्जा चाहत्यांनाही भावली होती.
पूजाने हेही स्पष्ट केलं की, लग्नाआधी तिने आणि सोहमने त्यांच्या नात्याबद्दल कधीच उघडपणे बोलणं टाळलं होतं. योग्य वेळ आल्यावरच सगळ्यांना सांगायचं, असा दोघांचा निर्णय होता. मात्र, मालिकेच्या सेटवर झालेल्या केळवणात पूजाने उखाण्यात सोहमचं नाव घेतलं आणि त्यानंतर लग्नाच्या चर्चा सर्वत्र सुरू झाल्या. सर्वांसमोर अशा पद्धतीने प्रेमाची कबुली देणं तिला खूप खास वाटल्याचं तिने सांगितलं.
पूजा बिरारी पुढे सांगते की, जेव्हा ती पहिल्यांदा बांदेकरांच्या घरी गेली, तेव्हा तिला मिळालेला अनुभव आजही तिच्या लक्षात आहे. घरात प्रवेश केल्यानंतर सर्वात आधी ती सिंबाला भेटली आणि तो क्षण तिच्यासाठी खूप भावनिक होता. त्या दिवसापासून तिला खऱ्या अर्थाने जाणवलं की, आता हे नातं कायमचं आहे.
लग्नातील उखाण्याचाही एक खास किस्सा तिने शेअर केला. स्वतःचा उखाणा सगळे इतक्या उत्सुकतेने ऐकतील, असं तिला वाटलंच नव्हतं. तर दुसरीकडे सोहमने घेतलेला उखाणा – “पूजा… तेरे सिवा ना कोई मेरा दूजा” – हा आता केवळ शब्द नसून आयुष्याचं ब्रीदवाक्य असल्याचं ती हसत सांगते.
हे पण वाचा.. कामिनीच्या कारस्थानामुळे कमळी मृत्यूच्या दारात; राजनच्या रक्तदानातून उलगडणार नात्याचं रहस्य?
लग्नानंतरही Pooja Birari तिच्या कामात तितकीच सक्रिय असून, वैयक्तिक आणि व्यावसायिक आयुष्याचा सुंदर समतोल साधताना दिसते आहे. तिच्या या मनमोकळ्या कबुलीमुळे चाहत्यांमध्ये तिच्याबद्दलचं प्रेम आणखी वाढलं आहे.
हे पण वाचा.. तू ही रे माझा मितवा’मधील मधुरा जोशीचं थेट बॉलीवूडमध्ये पदार्पण; आमिर खानच्या सिनेमात झळकणार!
