pinga gan pori pinga amruta raorane manjusha exit : कलर्स मराठीवरील गाजत असलेली मालिका ‘पिंगा गं पोरी पिंगा’ सध्या प्रेक्षकांच्या विशेष चर्चेत आहे. या मालिकेतील मैत्रिणींचा घट्ट बंध, सामाजिक विषयांवर भाष्य करणारी कथा आणि दमदार अभिनय यामुळे अल्पावधीतच या मालिकेनं प्रेक्षकांची मनं जिंकली. मात्र आता या मालिकेतील एक महत्त्वाचं पात्र प्रेक्षकांचा निरोप घेत असल्यामुळे चाहत्यांना धक्का बसला आहे.
काही भागांपूर्वी कथेत दाखल झालेलं मंजुषा हे पात्र अल्पावधीतच लक्षवेधी ठरलं. वल्लरीची चाहती असल्याचं सांगत बेळगावहून मुंबईत आलेली मीनाक्षी अचानक गायब होते आणि तिच्या शोधासाठी पिंगा गर्ल्स प्रयत्न सुरू करतात. याच काळात वस्तीत मंजुषाची एंट्री होते. स्वतःला प्रतिष्ठित आश्रमाशी जोडलेली असल्याचं सांगणाऱ्या मंजुषावर सुरुवातीपासूनच संशय घेतला जातो. हळूहळू तिचा खरा चेहरा समोर येतो आणि कथेला वेगळं वळण मिळतं.
मंजुषा ही नकारात्मक भूमिका अभिनेत्री Amruta Raorane हिनं साकारली होती. तिच्या प्रभावी अभिनयामुळे कमी वेळातच हे पात्र प्रेक्षकांच्या मनात ठसठशीतपणे उमटलं. मात्र नुकत्याच प्रसारित झालेल्या भागांमध्ये वल्लरीनं कोर्टात मुलींच्या अपहरणाची केस यशस्वीपणे लढवली आणि मंजुषाची खरी बाजू उघड झाली. त्यानंतर कोर्टानं तिला शिक्षा सुनावली आणि याच टप्प्यावर मंजुषा पात्राची मालिकेतून एक्झिट झाली.
मालिकेला निरोप दिल्यानंतर Amruta Raorane हिनं सोशल मीडियावर एक भावनिक पोस्ट शेअर केली. या पोस्टमध्ये तिनं मंजुषा हे पात्र तिच्यासाठी किती खास होतं, हे व्यक्त केलं आहे. कमी काळासाठी असूनही या भूमिकेनं स्वतःच्या आणि प्रेक्षकांच्या मनात स्थान मिळवल्याचं समाधान तिनं व्यक्त केलं. कलाकार म्हणून अशा वेगळ्या आणि आव्हानात्मक भूमिका क्वचितच मिळतात, आणि त्या मनापासून जगता येतात, असं तिनं म्हटलं आहे.
तसंच मंजुषा ही वृत्ती प्रत्यक्ष आयुष्यात कुणाच्याही आयुष्यात नसावी आणि समाजातून अशी मानसिकता लवकरात लवकर संपावी, अशी भावना देखील Amruta Raorane हिनं व्यक्त केली. पुढे तिनं कलर्स मराठी वाहिनी, दिग्दर्शक, निर्माते आणि संपूर्ण टीमचे मनापासून आभार मानले. सुरू असलेल्या मालिकेत नव्यानं प्रवेश करूनही टीमकडून मिळालेल्या आपुलकीचं कौतुक तिनं केलं आहे.
हे पण वाचा.. विमान रद्द झालं, तरीही रंगमंच गाठलाच; अश्विनी महांगडेची भावनिक सोशल मीडिया पोस्ट चर्चेत
मंजुषा पात्राची एक्झिट झाली असली, तरी Amruta Raorane चा प्रभावी अभिनय प्रेक्षकांच्या लक्षात राहणार हे नक्की. ‘पिंगा गं पोरी पिंगा’च्या पुढील कथानकात आता नवे वळण येणार असून, प्रेक्षक पुढील भागांची उत्सुकतेनं वाट पाहत आहेत.
हे पण वाचा.. Ashok Ma Ma मालिका ऑफ एअर : अशोक सराफांच्या भावनिक भूमिकेला प्रेक्षकांचा निरोप
