‘इंडियन आयडॉल 12’चा विजेता pawandeep rajan गंभीर अपघातात जखमी झाला आहे. पायांमध्ये फ्रॅक्चर आणि डोक्याला गंभीर इजा झाल्याने त्याला शस्त्रक्रियेची गरज आहे.
Table of Contents
‘इंडियन आयडॉल 12’ या लोकप्रिय गायन रिअ‍ॅलिटी शोचा विजेता आणि उत्तराखंडच्या चंपावतचा रहिवासी pawandeep rajan सध्या एका गंभीर अपघातानंतर उपचार घेत आहे. रविवारी रात्री उत्तराखंडहून नोएडाकडे जात असताना गजरौला परिसरात त्यांच्या कारचा अपघात झाला. pawandeep rajan यांच्यासह त्यांच्या दोन सहकाऱ्यांनाही या अपघातात गंभीर दुखापत झाली असून सध्या तिघेही नोएडामधील फोर्टिस रुग्णालयात उपचार घेत आहेत.
pawandeep rajan इंडियन आयडॉल 12’ शोचा विजेता गंभीर अपघातात जखमी
हॉस्पिटल ने दिलेल्या अधिकृत निवेदनात pawandeep rajan यांच्या तब्येतीबाबत माहिती देण्यात आली आहे. त्यांच्या दोन्ही पायांना फ्रॅक्चर झाले असून डोक्याला देखील मार लागला आहे. ऑर्थोपेडिक विभागाच्या देखरेखीखाली त्यांच्यावर उपचार सुरू असून डॉक्टरांनी त्यांना पुढील काही दिवसांत एक किंवा अधिक शस्त्रक्रियेतून जावे लागेल, असे सांगितले आहे. सध्या त्यांची प्रकृती स्थिर असून ते शुद्धीवर आहेत.
हा अपघात रविवारी मध्यरात्री सुमारे अडीचच्या सुमारास घडला. चौपला चौराह्याजवळील ओव्हरब्रिज उतरून येत असताना त्यांच्या कारने महामार्गाच्या कडेला उभ्या असलेल्या कंटेनरला जोरदार धडक दिली. अपघाताच्या वेळी कार pawandeep rajan यांचे चालक राहुल सिंह चालवत होता. प्राथमिक तपासात चालकाला झोप आली असावी, असा अंदाज पोलिसांनी वर्तवला आहे. या दुर्घटनेत पवनदीप यांच्यासह अजय मेहरा आणि चालक राहुल सिंह हे देखील जखमी झाले आहेत.
हे पण वाचा .. Marathi Cinema Box Office वर धमाका; ‘आता थांबायचं नाय’, ‘गुलकंद’, ‘झापुक झुपूक’ आणि ‘देवमाणूस’नं केली लाखोंची कमाई
अपघात घडल्यानंतर स्थानिकांनी तात्काळ मदत करत जखमींना कारमधून बाहेर काढून रुग्णालयात दाखल केले. प्राथमिक उपचारानंतर तिघांना पुढील चांगल्या उपचारांसाठी नोएडाच्या रुग्णालयात हलवण्यात आले. डॉक्टरांनी दिलेल्या माहितीनुसार, pawandeep rajan यांच्या दोन्ही पायांना फ्रॅक्चर झाले असून त्यांच्या डोक्यालाही जबर दुखापत झाली आहे. सध्या ते डॉक्टरांच्या निगराणीत असून त्यांना आवश्यक त्या वैद्यकीय सुविधा पुरवल्या जात आहेत.
pawandeep rajan यांचे कुटुंबीय रुग्णालयात दाखल
दरम्यान, अपघाताची माहिती मिळताच pawandeep rajan यांचे कुटुंबीय रुग्णालयात दाखल झाले असून त्यांच्यासोबत आहेत. पोलिसांनी अपघातस्थळी तातडीने पोहोचून कार आणि कंटेनर दोन्ही वाहने ताब्यात घेतली आहेत. अधिक तपास सुरू आहे.
संगीताच्या दुनियेत आपल्या आवाजाने लाखो चाहत्यांची मने जिंकणाऱ्या पवनदीप राजन (pawandeep rajan) यांच्यासाठी त्यांच्या चाहत्यांनी सोशल मीडियावर सदिच्छांचा वर्षाव सुरू केला आहे. त्यांच्या लवकरात लवकर बरे होण्यासाठी अनेकांनी प्रार्थना केली आहे.
‘इंडियन आयडॉल 12’ मधून pawandeep rajan यांनी संपूर्ण देशात प्रसिद्धी मिळवली होती. त्यांच्या गायकीची शैली, गाण्यांमधील भावना आणि साधेपणा यामुळे ते लवकरच घराघरांत पोहोचले. त्यांच्या अपघाताच्या बातमीने मनोरंजन क्षेत्रात हळहळ व्यक्त करण्यात येत आहे. पवनदीप राजन यांचा चाहतावर्ग मोठा असून त्यांच्या प्रकृतीमध्ये लवकर सुधारणा व्हावी, अशी अपेक्षा सर्वत्र व्यक्त केली जात आहे.
