Pahalgam terror attack fawad khan च्या ‘Abir Gulaal’ चित्रपटावर बहिष्काराची मागणी जोरात; चित्रपट संघटना आणि मनसेचा आक्रमक विरोध, सोशल मीडियावर संतापाचा उद्रेक.
Table of Contents
नुकत्याच जम्मू-काश्मीरमधील Pahalgam terror attack ने देशभरात संतापाची लाट उसळली असून, त्याच पार्श्वभूमीवर पाकिस्तानी अभिनेता fawad khan याच्या प्रमुख भूमिकेत असलेल्या ‘Abir Gulaal’ या आगामी चित्रपटावर बहिष्काराची मागणी जोर धरू लागली आहे. अभिनेता fawad khan आणि अभिनेत्री वाणी कपूर यांची प्रमुख भूमिका असलेल्या या चित्रपटाचा टीझर १ एप्रिल रोजी प्रदर्शित झाला होता. मात्र त्यानंतरच्या काही दिवसांतच या चित्रपटाभोवती वादाची धग अधिकच तीव्र झाली आहे.
२२ एप्रिल रोजी पहलगाममध्ये चार दहशतवाद्यांनी अंदाधुंद गोळीबार केला, ज्यात २८ लोकांचा मृत्यू झाला. हे बहुतेक पर्यटक होते. या हल्ल्याने देश हादरून गेला. त्याच दरम्यान ‘Abir Gulaal’च्या रिलीजची चर्चा सुरू असताना फवाद खानचा या चित्रपटात सहभाग असल्याने अनेक संघटना आणि नागरिकांनी तीव्र विरोध दर्शवला आहे.
चित्रपट संघटनांचा तीव्र विरोध
भारतीय चित्रपट आणि दूरदर्शन दिग्दर्शक संघटनेचे अध्यक्ष अशोक पंडित यांनी या संदर्भात तीव्र प्रतिक्रिया दिली आहे. त्यांनी म्हटलं, “हा हल्ला म्हणजे देशावर थेट युद्ध जाहीर करण्यासारखा आहे. गेल्या ३० वर्षांपासून अशा हल्ल्यांचा तडाखा आपण सहन करतो आहोत. आम्ही आधीपासूनच सांगतोय की, पाकिस्तानी कलाकारांबरोबर काम करू नका. काही लोक ‘कला सीमा ओळखत नाही’ अशा कारणांखाली काम करतात, पण शेवटी देशप्रेम महत्त्वाचं आहे.”
पंडित यांनी क्रिकेट सामन्यांचा मुद्दाही उपस्थित केला. “आपले खेळाडू पाकिस्तानविरुद्ध खेळण्यासाठी दुबई आणि लंडनला जातात, तिकडे कार्यक्रम करतात. हे थांबायला हवं. समोरची बाजू गोळ्यांनी मारते आणि आपण बॅट-बॉल घेऊन खेळतो, हे हास्यास्पद आहे. जनतेचा संताप आता उफाळून आला आहे. कलाकार असोत की क्रिकेटपटू, जर त्यांनी पाकिस्तानशी संबंध ठेवले, तर जनता रस्त्यावर उतरून विरोध करेल,” असा इशाराही त्यांनी दिला.
Pahalgam terror attack नंतर ‘Abir Gulaal’ भारतात प्रदर्शित होऊ देणार नाही – FWICE
पश्चिम भारत सिनेकर्मी महासंघाचे (FWICE) अध्यक्ष बी. एन. तिवारी यांनीही चित्रपटाच्या विरोधात कठोर भूमिका घेतली आहे. “आम्ही ‘Abir Gulaal’ चित्रपट भारतात प्रदर्शित होऊ देणार नाही. जर निर्मात्यांनी रिलीज करण्याचा प्रयत्न केला, तर त्यांच्या विरोधात कारवाई केली जाईल,” असं त्यांनी ठामपणे स्पष्ट केलं.
Pahalgam terror attack राजकीय संघटनांचा विरोध आणि सोशल मीडियावर बहिष्कार
महाराष्ट्र नवनिर्माण सेनेनंही या चित्रपटाच्या विरोधात उघड भूमिका घेतली आहे. महाराष्ट्रात या चित्रपटाचे प्रदर्शन होऊ देणार नाही, असा इशारा मनसेनं दिला आहे. सोशल मीडियावरही याला मोठा विरोध होत असून #BoycottAbirGulaal सारखे हॅशटॅग्स ट्रेंड होत आहेत. नेटिझन्स चित्रपटाच्या संपूर्ण बहिष्काराची मागणी करत आहेत.
दिग्दर्शक आणि प्रदर्शनाचा संभाव्य कालावधी
‘Abir Gulaal’ ही एक रोमँटिक-कॉमेडी असून तिचं दिग्दर्शन आरती एस. बगदी यांनी केलं आहे. सध्याच्या विरोधाच्या पार्श्वभूमीवरही या चित्रपटाचं प्रदर्शन ९ मे रोजीच होणार असल्याचं संकेत मिळाले आहेत. मात्र वाढता दबाव पाहता निर्माते आणि वितरक काय निर्णय घेतील, याकडे सगळ्यांचं लक्ष लागलेलं आहे.
पूर्वीही वादाच्या भोवऱ्यात आले होते fawad khan
हा पहिलाच प्रसंग नाही की fawad khan च्या चित्रपटाला भारतात विरोधाचा सामना करावा लागतोय. यापूर्वी २०१६ मध्ये ‘ऐ दिल है मुश्किल’ या चित्रपटाच्या वेळीही उरी हल्ल्यानंतर अशाच स्वरूपाच्या आंदोलनांना तोंड द्यावं लागलं होतं.
शेवटी एकच प्रश्न – कलाप्रेम की राष्ट्रभक्ती?
‘Pahalgam terror attack नंतर Abir Gulaal’ चित्रपटाला विरोध केवळ एका पाकिस्तानी अभिनेत्याच्या सहभागामुळे केला जात आहे की यामागे खरंच देशभक्तीचं कारण आहे, यावर सध्या समाज माध्यमांपासून ते चित्रपट वर्तुळापर्यंत वाद सुरू आहेत. पण पहलगामच्या हल्ल्याने झालेला जीवितहानीचा फटका पाहता, जनतेचा संताप काही अंशी समजण्यासारखाही आहे.
Pahalgam terror attack सध्या तरी ‘Abir Gulaal’ प्रदर्शित होणार की नाही, आणि झाला तरी प्रेक्षक त्याला प्रतिसाद देतील की विरोधच करणार, याचं उत्तर 9 मे नंतरच मिळेल. परंतु एक गोष्ट निश्चित आहे – फवाद खानचा भारतातील प्रवास पुन्हा एकदा कठीण वळणावर येऊन ठेपला आहे.
हे पण वाचा..waaree energies चे शेअर्स 8% नी वधारले; आज तिमाही निकाल जाहीर होणार
