Nothing Phone 3 च्या भारतातील किंमत, डिझाइन, कॅमेरा आणि प्रोसेसरबाबत जाणून घ्या सविस्तर
Table of Contents
ब्रिटिश टेक ब्रँड ‘Nothing’ पुन्हा एकदा चर्चेत आला आहे. कंपनीचा आगामी स्मार्टफोन – Nothing Phone 3 – येत्या जुलै महिन्यात बाजारात येणार असल्याची अधिकृत माहिती समोर आली आहे. हा फोन नथिंगचा पहिला फ्लॅगशिप लेव्हल हँडसेट असणार असून, आतापर्यंतच्या सर्वोत्कृष्ट फीचर्ससह सादर होण्याची शक्यता आहे. मागील दोन मॉडेल्सप्रमाणेच, Nothing Phone 3 देखील भारतात फक्त फ्लिपकार्टवर विक्रीसाठी उपलब्ध होणार आहे.
‘ग्लिफ इंटरफेस’ला रामराम?
नथिंगने आपल्या फोन मालिकेमध्ये एक खास वैशिष्ट्य जपले होते — ‘ग्लिफ इंटरफेस’. यामध्ये फोनच्या मागील भागात एलईडी लाईट्सच्या साहाय्याने नोटिफिकेशन्स, कॉल्स, चार्जिंग स्थिती यांचा प्रकाशदर्शक इशारा दिला जात असे. मात्र, Nothing Phone 3 च्या अनावरणाआधी कंपनीने एक टीझर व्हिडिओ पोस्ट केला आहे ज्यात “We killed the Glyph Interface” असं म्हटलं आहे. यावरून असं सूचित होतं की, आगामी मॉडेलमध्ये हा लोकप्रिय इंटरफेस दिसणार नाही. हे बदल केवळ Nothing Phone 3 साठी आहेत की संपूर्ण फ्युचर डिव्हाइसेससाठी, याबाबत कंपनीने अजून स्पष्टता दिलेली नाही.
भारतात किती असेल किंमत?
जगभरातील बाजारपेठेत Nothing Phone 3 ची किंमत सुमारे £800 (सुमारे ₹90,000) इतकी असू शकते, असा अंदाज आहे. मागील वर्षी सादर झालेला Nothing Phone (2) हा भारतात ₹49,999 ला उपलब्ध होता. यंदा मात्र, अधिक पॉवरफुल प्रोसेसर, एआय क्षमतेसह येणाऱ्या Nothing Phone 3 ची किंमत थोडी जास्त असणार हे निश्चित मानले जात आहे. 12GB RAM आणि 256GB स्टोरेजसह त्याचा बेस व्हेरियंट सादर होईल अशी शक्यता आहे.
डिझाइनमध्ये मोठे बदल
नथिंगच्या पारंपरिक डिझाइनमध्ये Nothing Phone 3 एक वेगळेपण घेऊन येतोय. सूत्रांच्या मते, या फोनमध्ये OnePlus 12 प्रमाणे गोलाकार कॅमेरा मॉड्यूल असेल. मागील पॅनलमध्ये ग्लिफ एलईडी हटवून नवीन टेक्सचर किंवा डिझाइन दिले जाईल. फोनमध्ये 6.77 इंचाचा AMOLED LTPO डिस्प्ले मिळणार असून, तो 120Hz रिफ्रेश रेट आणि 3,000 निट्स पर्यंत पीक ब्राइटनेससह येईल. अशा प्रकारचा डिस्प्ले गेमिंग आणि व्हिडीओ स्ट्रीमिंगसाठी परिपूर्ण मानला जातो.
हे पण वाचा ..whatsapp चा नवा फिचर: चॅट डिलीट न करता आता लॉगआउट करता येणार!
कॅमेरा आणि प्रोसेसर: एक पाऊल पुढे
Nothing Phone 3 मध्ये ट्रिपल 50MP रिअर कॅमेरा सेटअप दिला जाईल, ज्यामुळे विविध अँगल्समधून उत्कृष्ट फोटोग्राफी करता येईल. सेल्फी आणि व्हिडीओ कॉलसाठी 32MP फ्रंट कॅमेरा दिला जाईल. हाय रेजोल्यूशन आणि नैसर्गिक रंगांची खात्री देणारा हा सेटअप मोबाइल फोटोग्राफीच्या प्रेमींना नक्कीच भुरळ घालेल.
प्रोसेसरबाबत बोलायचं झालं, तर Nothing Phone 3 मध्ये Qualcomm चा Snapdragon 8 Gen 3 प्रोसेसर दिला जाईल. हा सध्या बाजारातील सर्वात पॉवरफुल चिपसेट असून, तो 12GB RAM आणि 512GB इंटरनल स्टोरेजसह पेअर केला जाईल. यामुळे मल्टीटास्किंग, गेमिंग आणि एआय-आधारित फिचर्स सहज चालवता येतील. याशिवाय, 5000mAh क्षमतेची बॅटरी आणि 50W फास्ट चार्जिंग सपोर्ट देण्यात येईल.
नथिंगचा गेमच बदलणार?
Nothing Phone 3 हा नथिंग ब्रँडसाठी एक ‘गेमचेंजर’ ठरू शकतो. कार्ल पेई यांनी एका इंटरव्ह्यूमध्ये सांगितलं होतं की, हा फोन थेट Samsung Galaxy S25, OnePlus 13, आणि Xiaomi 15 सारख्या फ्लॅगशिप डिव्हाइसेसशी स्पर्धा करणार आहे. अशा स्पर्धात्मक बाजारात टिकण्यासाठी, Nothing Phone 3 मध्ये केवळ हार्डवेअर नव्हे, तर सॉफ्टवेअर स्तरावरही क्रांतिकारी बदल होणार आहेत.
हे पण वाचा..₹200 च्या आत ‘Hotstar’ मोफत देणारे Jio, Airtel आणि Vi चे जबरदस्त रिचार्ज प्लॅन्स
जुलैमध्ये होणाऱ्या लॉन्चसह Nothing Phone 3 आपल्या आधुनिक वैशिष्ट्यांसह स्मार्टफोन सेगमेंटमध्ये एक वेगळं स्थान निर्माण करणार आहे. ग्लिफ इंटरफेसच्या अनुपस्थितीतही, त्याची डिझाइन-इनोव्हेशन, पॉवरफुल कॅमेरा सेटअप, नवीनतम प्रोसेसर आणि अ‍ॅडव्हान्स सॉफ्टवेअर यामुळे हा फोन ग्राहकांसाठी आकर्षण ठरण्याची शक्यता आहे.
Nothing Phone 3 वर जगभरातील तंत्रज्ञानप्रेमींचं लक्ष लागलेलं आहे. येत्या काही आठवड्यांत याचे अधिक तपशील समोर येतील आणि मग ठरवता येईल – की हा खरोखरच नथिंगचा ‘फर्स्ट ट्रू फ्लॅगशिप’ ठरणार आहे का!
