nikki tamboli post for arbaaz patel : बिग बॉस मराठीच्या पाचव्या पर्वात प्रेक्षकांच्या लक्षात राहिलेली जोडी म्हणजे निक्की तांबोळी आणि अरबाज पटेल. या शोदरम्यान दोघांच्या मैत्रीवरून चर्चांना चांगलाच ऊत आला होता. कार्यक्रम संपल्यानंतरही त्यांच्या नात्याचा धागा अधिक घट्ट झाला आणि आज ते दोघं एकमेकांना डेट करत असल्याचं खुलेआम दिसत आहे.
अलीकडेच निक्कीनं अरबाजसाठी एक खास पोस्ट सोशल मीडियावर शेअर केली आहे. त्या व्हिडीओसोबत तिनं लिहिलेली भावनिक कॅप्शन चाहत्यांच्या मनाला भिडणारी ठरली. अशा शब्दांत निक्कीनं अरबाजवरील आपलं प्रेम व्यक्त केलं.
सध्या अरबाज ‘राइज अँड फॉल’ या हिंदी रिअॅलिटी शोमध्ये स्पर्धक म्हणून झळकत आहे. आपल्या प्रियकराला पाठिंबा देताना निक्की तांबोळी त्याला प्रोत्साहनाचे शब्द देताना दिसते. “मला तुला यशस्वी होताना पाहायचं आहे. तुझं प्रत्येक स्वप्न पूर्ण व्हावं आणि तू आयुष्यात मोठ्या उंचीवर पोहोचावास, हीच माझी इच्छा आहे. तुझ्यावर मला नितांत विश्वास आहे,” असंही तिनं पोस्टमध्ये लिहिलं.
हे पण वाचा.. “Hruta Durgule : टेलिव्हिजनवर पुनरागमनाबद्दल हृता दुर्गुळेचं मोठं वक्तव्य; म्हणाली- ‘तेवढी कमिटमेंट आता शक्य नाही’”
निक्कीनं पुढे सांगितलं की, “आपण दूर असलो तरी तू नेहमी माझ्या हृदयात आहेस. तुझ्या प्रत्येक संघर्षात मी तुझ्या पाठीशी उभी राहीन. मला तुझी खूप आठवण येतेय, पण आता तुझ्या चमकण्याची वेळ आली आहे.” या ओळींमधून तिचं मनापासूनचं प्रेम आणि नात्याबद्दलचं समर्पण स्पष्ट होतं.
निक्की आणि अरबाजचं हे खास नातं पाहून सोशल मीडियावर चाहत्यांकडून शुभेच्छांचा वर्षाव सुरू आहे. बिग बॉसच्या घरातून सुरुवात झालेली त्यांची कहाणी आता प्रेक्षकांच्या नजरेत खऱ्या प्रेमकहाणीमध्ये बदलली आहे.
हे पण वाचा.. आजीने काढलेली दृष्ट.. भावूक झाला शिव ठाकरे; वाढदिवसाच्या खास क्षणांनी चहात्यांची जिंकली मनं
