neha pendse bold photos viral on social media : मराठी चित्रपटसृष्टीसोबत हिंदी मालिकांमध्येही आपली वेगळी छाप सोडणारी लोकप्रिय अभिनेत्री नेहा पेंडसे पुन्हा एकदा चर्चेत आली आहे. नेहा पेंडसे सोशल मीडियावर नेहमीच तिच्या ग्लॅमरस फोटोंमुळे चाहत्यांच्या नजरेत असते. पण यावेळी तिने तिच्या आतापर्यंतच्या प्रतिमेपेक्षा वेगळा, धाडसी आणि बोल्ड अंदाज चाहत्यांसमोर आणला आहे.
नेहाने नुकतंच एक फोटोशूट केले असून त्यात ती पांढऱ्या रंगाच्या ऑफ-शोल्डर वन पीस मध्ये दिसत आहे. मोकळे केस, सोबत गोल्डन हूप इअररिंग्स आणि आत्मविश्वास झळकवणारा लूक यामुळे तिचा हा अंदाज अधिकच आकर्षक वाटत आहे. फोटोंमध्ये तिच्या डोळ्यांतली चमक आणि स्टायलिश पोझेस यामुळे हा बोल्ड अवतार सोशल मीडियावर चांगलाच व्हायरल होत आहे. चाहत्यांसह अनेक सहकलाकारांनी तिच्या या नव्या अवतारावर कमेंट्सचा वर्षाव केला आहे.
नेहा पेंडसेने वयाच्या दहाव्या वर्षी अभिनय क्षेत्रात पाऊल ठेवले. १९९५ मध्ये एकता कपूरच्या ‘कॅप्टन हाऊस’ या मालिकेतून तिने बालकलाकार म्हणून करिअरची सुरुवात केली होती. त्यानंतर मराठी, हिंदी, तमिळ, तेलुगू आणि मल्याळम भाषांमधील विविध चित्रपटांतून तिने अभिनय केला. बॉलिवूडमध्ये तिचं पदार्पण १९९९ साली ‘प्यार कोई खेल नाहीं’ या चित्रपटातून झालं.
टीव्हीवरदेखील नेहाने अनेक संस्मरणीय भूमिका साकारल्या आहेत. ‘मे आय कम इन मॅडम?’ आणि ‘भाभीजी घर पर है!’ या लोकप्रिय मालिकांमुळे ती घराघरात पोहोचली. याशिवाय ती ‘बिग बॉस १२’ ची स्पर्धकही राहिली आहे. तिच्या आत्मविश्वासपूर्ण स्वभावामुळे आणि बेधडक व्यक्तिमत्त्वामुळे तिने मोठा चाहतावर्ग निर्माण केला आहे.
हे पण वाचा.. अभिनेत्री निक्की तांबोळी हिने प्रियकर अरबाज पटेलसाठी सोशल मीडियावर लिहिलेली पोस्ट चर्चेत..”Among 8 billion, you are..
वैयक्तिक आयुष्याबद्दल बोलायचं झालं तर नेहाने २०२० मध्ये उद्योगपती शार्दुल ब्यासशी लग्न केले. त्यानंतरही ती सतत करिअरमध्ये सक्रिय आहे आणि नवनवीन प्रोजेक्ट्सद्वारे प्रेक्षकांशी नातं घट्ट करत आहे.
नेहा पेंडसेचा हा ताजातवाना बोल्ड लूक तिच्या चाहत्यांसाठी एका सरप्राईजप्रमाणे ठरला आहे. तिचा हा आत्मविश्वास आणि नवीनतेचा ध्यास प्रेक्षकांना खूप भावतोय, आणि तिच्या या फोटोंनी पुन्हा एकदा सोशल मीडियावर नेहाचं नाव ट्रेंडिंगमध्ये आणलं आहे.
हे पण वाचा..आजीने काढलेली दृष्ट.. भावूक झाला शिव ठाकरे; वाढदिवसाच्या खास क्षणांनी चहात्यांची जिंकली मनं
