neena kulkarni celebrates 70th birthday : मराठी चित्रपटसृष्टीतील एक दिग्गज आणि लोकप्रिय अभिनेत्री नीना कुलकर्णी नुकत्याच ७० वर्षांच्या झाल्या. वयाची सत्तरी पूर्ण करूनही त्यांचं व्यक्तिमत्त्व आणि चेहऱ्यावरचं तेज अजूनही तितकंच आकर्षक आहे. नाटक, चित्रपट आणि मालिकांमधून गेल्या अनेक दशकांपासून प्रेक्षकांना भावलेली ही अभिनेत्री आजही प्रेक्षकांच्या मनावर अधिराज्य गाजवत आहे.
नीना कुलकर्णींचा वाढदिवस यंदा कुटुंबीय व जवळच्या मित्रमंडळींनी अत्यंत खास पद्धतीने साजरा केला. घरातच पारंपरिक पद्धतीने दिव्यांच्या प्रकाशात त्यांचं औक्षण करण्यात आलं. या क्षणांचे फोटो त्यांनी सोशल मीडियावर शेअर केले असून, त्यावर चाहत्यांनी आणि सहकाऱ्यांनी शुभेच्छांचा वर्षाव केला आहे. या प्रेमळ स्वागतामुळे अभिनेत्री भारावून गेल्याचं त्यांनी स्वतः मान्य केलं.
वय वाढलं तरी सौंदर्य आणि आकर्षण कसं टिकवावं याचं उत्तम उदाहरण म्हणजे नीना कुलकर्णी. आजही त्यांच्या चेहऱ्यावरचं हास्य, आत्मविश्वास आणि अभिनयाची उमेद तितकीच ताजीतवानी भासते. त्यामुळेच सत्तरीत पदार्पण करूनही त्या प्रेक्षकांसाठी ‘सदैव तरुण’ अभिनेत्री म्हणून ओळखल्या जातात.
नीना कुलकर्णी यांनी अभिनय कारकीर्दीची सुरुवात रंगभूमीवरून केली. त्यानंतर त्यांनी मराठी चित्रपटसृष्टीत अनेक अविस्मरणीय भूमिका साकारल्या. ‘सवत माझी लाडकी’, ‘हाच सुनबाईचा भाऊ’, ‘वेड लावी जीवा’, ‘फोटोप्रेम’, ‘दागिना’, ‘संगीत मानपमान’, ‘गोदावरी’, ‘बायोस्कोप’, ‘घायाळ’ यांसारखे चित्रपट त्यांच्या अभिनयाने गाजले.
हे पण वाचा.. लालबागचा राजा’च्या दरबारात अभिनेत्री अमृता खानविलकरकडून बाप्पाच्या चरणी अर्पण केलं खास दान
फक्त मराठीच नव्हे तर हिंदी चित्रपटसृष्टीतही नीना कुलकर्णी यांनी स्वतःचं वेगळं स्थान निर्माण केलं. ‘मिर्च मसाला’, ‘दायरा’, ‘बादल’, ‘ढाई अक्षर प्रेम के’, ‘नायक’, ‘फिर भी दिल है हिंदुस्तानी’, ‘मेरे यार की शादी’, ‘हंगामा’, ‘दम’ या हिंदी चित्रपटांमध्ये त्यांच्या भूमिकांची प्रेक्षकांनी दाद दिली.
सध्या त्या ‘येड लागलं प्रेमाचं’ या मराठी मालिकेतून प्रेक्षकांचं मनोरंजन करत आहेत. वयाच्या ७० व्या टप्प्यावर येऊनही अभिनय क्षेत्रातील त्यांची सक्रियता आणि ऊर्मी प्रेरणादायी ठरते. अभिनयासोबतच त्यांचा साधेपणा, आत्मविश्वास आणि मोहक सौंदर्य यामुळेच नीना कुलकर्णी आजही चाहत्यांच्या मनावर अधिराज्य गाजवत आहेत.
हे पण वाचा.. चहावर फिदा प्राजक्ता माळी; म्हणाली- “चहा असेल तर मसाला चहा पाहिजे, नाहीतर नाही!”
