mrunal thakur zee marathi malika : बॉलीवूडमध्ये आपल्या अभिनयाने प्रेक्षकांना मंत्रमुग्ध करणारी अभिनेत्री मृणाल ठाकूर ही फक्त चित्रपटसृष्टीतच नाही, तर घरी आईसोबत मराठी मालिका पाहण्यातही तितकीच रुचि दाखवते. ‘हाय नाना’, ‘सीतारामम’, ‘द फॅमिली स्टार’सह अनेक साऊथ आणि हिंदी चित्रपटांमध्ये काम करून मृणालने आपली वेगळी ओळख निर्माण केली आहे. मात्र, शूटिंगच्या व्यस्ततेतून ब्रेक घेऊन घरी परतल्यावर ती आपल्या आईसोबत छोट्या पडद्यावरील लोकप्रिय मालिकांचा आनंद घेत आहे.
अलीकडेच मृणालने इन्स्टाग्रामवर एक व्हिडीओ शेअर केला, ज्यात ती म्हणाली, “मराठी मालिका, तेल, आईच्या हाताची केसांची चंपी आणि दोन वेण्या… छान झोप येईल. माझ्या आईची आवडती मालिका.” हा व्हिडीओ पाहून चाहते उत्सुक झाले होते की, मृणाल आणि तिची आई नेमकी कोणती मालिका पाहत आहेत. अभिनेत्रीने प्रेक्षकांसमोर तिच्या आवडत्या मालिकेची झलक सादर केली, जिचं नाव आहे ‘तुला जपणार आहे’, ही मालिका ‘झी मराठी’ वाहिनीवर प्रसारित होते.
‘तुला जपणार आहे’ ही मालिका कौटुंबिक नात्यांवर आधारित असून यामध्ये थ्रिलर कथानकाचाही समावेश आहे. या मालिकेत प्रतीक्षा शिवणकर, महिमा म्हात्रे, नीरज गोस्वामी, मिलिंद पाठक, निलेश रानडे, शर्वरी लोहकरे, सिद्धीरुपा कर्माकर आणि बालकलाकार अधिकी कसबे यांसारखी जबरदस्त स्टारकास्ट आहे. विशेष म्हणजे, या मालिकेत पहिल्यांदाच होलोग्राफिक तंत्रज्ञानाचा वापर करण्यात आला आहे, ज्यामुळे प्रेक्षकांना एक वेगळाच अनुभव मिळतो.
मृणालच्या इन्स्टाग्राम स्टोरीला ‘झी मराठी’ वाहिनी आणि ‘तुला जपणार आहे’ मालिकेतील कलाकारांनी रिसेअर करत अभिनेत्रीचे आभार मानले आहेत. या व्हिडीओमधून प्रेक्षकांना फक्त मृणालच्या आवडत्या मालिकेची माहितीच नाही, तर घरच्या साध्या क्षणांमध्ये अभिनेत्रीची साधी आणि माणुसकीने भरलेली ओळखही दिसून येते.
हे पण वाचा.. जयंतपासून सुटकेचा निर्धार! ‘लक्ष्मी निवास’ मालिकेत जान्हवी घेणार मोठा निर्णय
मराठी मालिकांची लोकप्रियता जरी वाढत असली तरी, बॉलीवूडसारख्या व्यस्त क्षेत्रात काम करणाऱ्या कलाकारांनीही आपल्या घरच्या छोट्या आनंद क्षणांसाठी ही वेळ राखली आहे, हे पाहणे अभिमानास्पद आहे. मृणाल ठाकूरची ही साधी पण आकर्षक छबी प्रेक्षकांना खूप भावली आहे आणि मालिकेच्या लोकप्रियतेतही याचा भरभराटीचा परिणाम दिसून येतो.
हे पण वाचा.. अर्जुनने दिलेल्या सरप्राईज मुळे सायलीला अश्रू अनावर, प्रियाचे खरे आई बाबा आले घरी Tharala Tar Mag 13 October Episode
mrunal thakur zee marathi malika
