mouni roy badmash restaurant chain : छोट्या पडद्यावर ‘क्योंकि सास भी कभी बहू थी’, ‘नागिन’ आणि ‘देवों के देव महादेव’ यांसारख्या मालिकांमधून घराघरात पोहोचलेली लोकप्रिय अभिनेत्री मौनी रॉय (Mouni Roy) आता अभिनयाबरोबरच उद्योजिकेच्या भूमिकेतही चमकत आहे. तिच्या ‘बदमाश’ (Badmaash) नावाच्या रेस्टॉरंट चेनने सध्या फूड लव्हर्समध्ये विशेष चर्चेला तोंड फोडले आहे.
मौनी रॉयने हा व्यवसाय २०२३ मध्ये सुरू केला असून, अल्पावधीतच तिच्या या रेस्टॉरंट चेनची सहा शाखा देशभर उघडण्यात आली आहेत. मुंबई आणि बंगळुरू येथून सुरू झालेल्या या उपक्रमाला आता प्रचंड प्रतिसाद मिळत आहे. मौनीच्या रेस्टॉरंटचा ‘जंगल थीम’ आणि आकर्षक इंटेरिअर हे या ठिकाणाचे वैशिष्ट्य मानले जाते. एकदा या रेस्टॉरंटमध्ये पाऊल टाकल्यावर ग्राहकांना वेगळ्या जगात गेल्यासारखे वाटते, असे अनेक ग्राहकांनी सोशल मीडियावर सांगितले आहे.
‘बदमाश’मध्ये भारतीय पदार्थांपासून ते आधुनिक ट्विस्ट असलेल्या डिशेसपर्यंत विविध मेन्यू उपलब्ध आहे. विशेष म्हणजे येथे पदार्थांच्या किमती ऐकून अनेकांचे डोळे विस्फारले आहेत. उदाहरणार्थ, येथे मिळणाऱ्या भेळीची किंमत तब्बल ३९५ रुपये आहे, तर मसाला पापड आणि सेवपुरीसाठी २९५ रुपये मोजावे लागतात. कांदा भजी ३५५ रुपयांना, तंदुरी रोटी १०५ रुपयांना आणि पारंपरिक शाही तुकडा तसेच गुलाबजामून यांसारख्या डेझर्ट्सची किंमत जवळपास ४१० रुपये आहे.
या रेस्टॉरंटच्या माध्यमातून मौनी रॉयने भारतीय खाद्यसंस्कृतीला एक नव्या स्वरूपात सादर करण्याचा प्रयत्न केला आहे. तिच्या मते, “भारतीय अन्नात असलेली विविधता आणि चव ही जगात कुठेच मिळणार नाही. मी प्रवासात अनेकदा विचार करते की मुंबई आणि बंगळुरूसारख्या शहरांमध्ये चविष्ट भारतीय पदार्थ मिळण्याची ठिकाणं मर्यादित आहेत. त्यामुळे ‘बदमाश’ सुरू करणं माझ्यासाठी एक नैसर्गिक निर्णय ठरला.”
मौनी रॉय आपल्या या यशाचं श्रेय पती सुरज नांबियार आणि त्याच्या मित्रांना देते. त्यांच्या प्रोत्साहनामुळेच तिला हा नवा प्रवास सुरू करण्याची प्रेरणा मिळाली, असं ती म्हणते.
हे पण वाचा.. तारिणी मालिकेत नवा ट्विस्ट! ईरावर संकट, कौशिकीसमोर येणार का तारिणीची खरी ओळख?
अभिनयाच्या क्षेत्रात नावलौकिक मिळविल्यानंतर आता मौनी रॉय उद्योजिका म्हणूनही ठसा उमटवत आहे. तिच्या ‘बदमाश’ रेस्टॉरंट चेनने फक्त ग्राहकांची चव नाही, तर त्यांचा अनुभवही समृद्ध केला आहे. अभिनय, सौंदर्य आणि आता खाद्यव्यवसाय — या सर्वच क्षेत्रांमध्ये मौनी रॉय (Mouni Roy)ने आपली वेगळी ओळख निर्माण केली आहे.
हे पण वाचा.. लक्ष्मी निवास मध्ये जान्हवीचं नवं रूप! तनुजा बनून परतली मालिकेत Lakshmi Nivas Jahnavi New Look
